Levi 8:23 - Khumi Common Language Bible

²³ Mosi my huni beram katai tleh chum baly, thi phyrei la iy Aron i lamtang kano sampum y py, lamtang kiupui hawi lamtang kheupui y py kaleu pi bo.

Levi 8:23 Iomraidhean Croise

THEU NAI 29:20

Beram katai tleh iy thi maidenrei lo ly Aron hawi ni i chapochi i lamtang mang kano sampumchi, lamtang kiupui hawi lamtang kheupuichira y kaleu ai nai tla. Huni bo i thi ly maicham taki palyhreichira katheng prei ai nai tla.

THEU NAI 29:21

Maicham salo i thi maidenrei hawi tahm palyn nai asitui maidenrei la iy, Aron hawi ni i baichuchi salo y py, ni i chapochi hawi nichi i baichuchi salo y py katheng ai nai tla. Hina nai kamta Aron hawi ni i baichuchi py, ni i chapochi hawi nichi i baichuchi py, kai i vui aau patyp ai nai tla.

Levi 14:14

Pathyp pi nai keung ly kachai sa nai khumi i lamtang kano sampum, lamtang kiupui hawi lamtang mang kheupuira y beram thi tabei ai nai tla.

Levi 14:17

Naibaly ni ly reita leaungsai y kachai sa nai khumi i lamtang kano sampum, lamtang kiupui, lamtang kheupuichira y kiu padawira i asituichi hawi tabei ai nai tla.

Levi 14:25

Ni ly beram tleh iy thi maidenrei hawi, huni khumi i lamtang kano sangpum, lamtang kiupui hawi lamtang kheupuira y tabei ai nai tla.

Levi 14:28

Naibaly ni ly thi tabei yb nai lamtang kano sampum, lamtang kiupui hawi lamtang kheupuira y asitui maidenrei pajui ai nai tla.

Levi 7:37

Hini ly leng patlum nai katalamra, teicha teinei katalamra, kamngo pahen nai katalamra, kamngo pajengra i lawi hai nai katalamra, tahm palyn nai katalamra hawi, leunghawi katalamrachi i vui khai pi nai reitachi ne.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 6:13

nangchi i tlang kangpreichi py hawi y naira i hai lawn ai nai kamngo teng y pei u moh; na i py kadeichi theung i dengdairei heng teang nai kamta Tameuh teng y apei u ly, nangchi i tlang kangpreichi py hawi naira i hai lawn ai nai Tameuh teng y phai pei u.

ROM AVANGCHI TENG Y PAWLA I CHA PA NAI 6:19

nangchi i tlang ham y nai sai deaungkho y khumichi i thui reng nai kamta kathui nai ne: nangchi ly nangchi i tlang kangpreichi ai ly chai y naira hawi taphra ra taphra ra ai naira teng y py au u nai kamta ly, vai nangchi i tlang kangpreichi ai ly chai thai ai nai hawi naira teng y miseaung y achei u.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 6:20

Nangchi ly nangmychi i py ny y leang, nangchi ai ly vang y ang van nai ne; hunai deaungkho y nangchi i tlang y ly Tameuh ai palo u.

PHILIPI 1:20

kai i athang khai naira hawi kai i ngai parai nai kamta ly, ati ra y py amthang hai leaung nai kaawm y ai i, vam parai naimy kawm reng nai kamta vai py hengra deaungkho y mo, deira deaungkho y, kai i tlang y ly Krista ai palo naira lawn lawh ai.

PHILIPI 2:17

Ne, nangchi i ym naira apathyp naira y hawi atiti sa naira tleaung y ly kai ai lei vui nai awm teu iy py kakawn nai ne, nangchi bawibawi ai py kang kawn hai mang.

I THESALONIKA 5:22

hawi y nai bawibawira y ly amsym u.

HEBRAI 2:10

Ati mana nai mo nabaly ni i vui y ati cheaungkhang awm nai hawi, ni i saho y ati cheaungkhang awm teang nai keung i vui ly, chanau neangneangchi ai nang parai naira y hawi ai nai, nichi i heng naira sa pi nai keung ai ly patang nairachi deaungkho y angym hai ai nai avo parai.

HEBRAI 5:8

ni ly Chapo kypkyp ne iy py mymy i atiti patang naira y ly leu tangai ai nai amtiu nai ne;