Levi 7:5 - Khumi Common Language Bible

⁵ Pathyp pi ni keung my ly tawnbawira i thau ngiereichi ai, maicham salo y leng patlum ai nai tla. Hini ly kamngo pajengra lawi ai nai Areng teng y talam nai ne.

Levi 7:5 Iomraidhean Croise

Levi 1:13

Ni ly takuta hawi kheuchi tui hawi paju pyn ai nai tla; pathyp pi nai keung ly bom verei maicham salo y leng patlum ai nai tla. Hini talam nai mui kahawi ai ly Areng my kawn pi nai ne.

Levi 1:9

Takuta hawi kheuchi ai tui hawi paju pyn ai nai tla; naibaly kalop amsi nai pathyp pi nai keung ly tawnbawi bomverei ai leng patlum ai nai tla. Hini talam nai mui kahawi ai ly Areng my kawn pi nai ne.

Levi 2:16

Pathyp pi nai keung ly chohnei hawi asitui jeng y, angjen hawi asitui maidenreichy la iy, mui katui ngierei hawi Areng i vui leng patlum ai nai ne.

Levi 2:2

Aron i chapo pathyp pi nai keungchi teng y syn pi ai nai tla. Kalop amsi nai pathyp pi nai keung ly tako dei angsorei, asitui hawi mui kahawichi syn iy, maicham salo y leng patlum ai nai tla. Huna nai kapathyp ly Areng ai pany jo nai katalamra ne. Hini talam nai mui kahawi ai ly Areng my kawn pi nai ne.

Levi 2:9

Pathyp pi nai keung ly huni katalamra ai maicham mang y syn iy tako bawibawichi ai Areng teng y talam ai nai molam, tako maidenrei la iy, maicham salo y leng patlum ai nai tla. Huni talam nai mui kahawi ai ly Areng my kawn pi nai ne.

Levi 3:16

Pathyp pi nai keung ly hunichi ai maicham salo y leng patlum ai nai tla. Huni katalamra i mui kahawi ly Areng my kawn pi nai ne; thau ngiereichi ly Areng i vui ne.

Levi 3:3

Si takutara bam nai thau, pakawi seaungru hawi huni ai bam nai thau hawi pathym hawi keh nai phyreichi ai Areng teng y talam ai nai tla.

Levi 5:7

Ni ly beram mo, mi-i mo talam ai nai by y lawh baly, ni i kamngo molam y yhm buhu nyhrei, ti y baly amprym buhu nyhrei Areng teng y syn ai nai tla. Harei ly kamngo pahen nai kapathypra mo, vai harei ly leng patlum nai kapathypra mo, talam ai nai tla.

Levi 7:6

Pathyp pi nai keung yhm dengtheung theung i neampacho bawibawichi ly huni tawnbawi mawi cha ai nai nga; na i py huni ly khri pa-rei chai nai deaungkho y, meingtym kachaira cha ai nai tla.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

KALATIA 5:24

Naibaly Isu Krista i khumichi ly tlang hawi mymy i kamngo dawn naira hawi, ngai phi teng y naira hawi raurei tahen u veng bo.