Levi 7:31 - Khumi Common Language Bible

³¹ Pathyp pi nai keung ly thau ai, maicham salo y leng patlum ai nai tla. Na i py amsei ly pathyp pi nai keungchi i vui ne.

Levi 7:31 Iomraidhean Croise

THEU NAI 29:26

“Hini beram katai i amsei la iy talam patyp nai kapathypra kamta, kai teng y talam ai nai tla. Hini amsei ly nang i vui ne.

Levi 3:11

Kalop amsi nai pathyp pi nai keung ly hunichi ai maicham salo y leng patlum ai nai tla.

Levi 3:16

Pathyp pi nai keung ly hunichi ai maicham salo y leng patlum ai nai tla. Huni katalamra i mui kahawi ly Areng my kawn pi nai ne; thau ngiereichi ly Areng i vui ne.

Levi 3:5

Pathyp pi nai keungchi ly hunichi ai, leng patlum naira hawi vanrei, maicham salo y leng patlum ai nai tla. Huni talam nai mui kahawi ly Areng my kawn pi nai ne.

Levi 5:13

Hina nai kamta pathyp pi nai keung ly huni khumi i vui kamngo pahen nai kapathypra talam pi nai deaungkho y, ni ly kamngo lawira nga ai. Teicha teinei talam nai kamta, tako dei kamlai ly pathyp pi nai keung i vui ne.

Levi 6:16

Tako dei kamlai ly pathyp pi nai keungchi cha ai nai ne. Pathyp pi nai keung ly tako deira y angbo tabawi y naimy tako paawp iy, Areng i awmra Tabynako apai theung i meingtym kachaira y cha ai nai tla. Areng my huni tako dei ly teicha teinei katalamra theung i pathyp pi nai keungchi ai pei nai phy ne. Huni teicha teinei katalamra ly kamngo pahen nai hawi kamngo pajeng nai katalamra kamta chai parai nai ne.

Levi 6:26

Huni tawnbawi ai pathyp pi nai keung ly Areng i awmra Tabynako angtheung i, meingtym kachaira y tawnbawi mawi cha ai nai tla.

Levi 7:34

Tawnbawi amsei hawi lamtang phai ly Areng my Israela khumichi teng i, pathyp pi nai keungchi i vui, langseaung vui pi patyp nai ne. Israela khumichi ly huni phy ai pathyp pi nai keungchi teng y talam pi jojo ai nai tla.

Levi 8:29

Naibaly Mosi ly beram amsei la iy Areng teng y talam patyp bo. Huni tahm palyn nai tawnbawi amsei ly Mosi i vui phy ne. Areng i leu pei nai kamta, Mosi ly sa angym nai ne.

Kati Nai 18:11

“Huni bo y Israela chengchi my kai teng y talam nai takhra talam patyp nairachi py, nangchi i vui ne. Huni katalamrachi ly nang hawi nang i kangpreangchi amtym jojo ai nai phy ne. Nang i yhm dengtheungra y reita leaungsai y chai nai ngiereichi ly huni teichachi cha pajau.

Kati Nai 18:18

Talam patyp naira i amsei hawi lamtang phai ly nangchi i vui phy lawn nai kamta, hunichi i nganbawichi py nangchi i vui ne.

I KORINTH 9:13

Achura yhm kalen pui y atiti kachai kry nai keungchi ly, achura yhm kalen pui i atitichi cha u nai hawi, maicham kalop sa nai keungchi ly maicham hawi phy nga, nanai pany u y nai sai a?

Leu Thui Nai 18:3

“Si, ti y baly beramchi hawi pathyp nai tleirei, pathyp pi nai keungchi ai paleang, kajai hawi sapawpchi pei pi ai nai tla.