Levi 7:12 - Khumi Common Language Bible

¹² Khumi ami py Tameuh teng y kawn nai leu thui nai kapathypra talam nai khala, tawnbawi hawi vanrei angbo abawi y nai tako katalamra py syn ai nai tla. Hini tako ly olive asitui katlen nai tako dei hawi sa nai tako phi katho, ti y baly tako phi amporyp nai, ti y baly tako dei hawi olive asitui katlen iy sa nai tako phi ne ai nai tla.

Levi 7:12 Iomraidhean Croise

2 NENG SATANG 29:31

Hezekia my khumichi teng y, “Vai nangchi ly Reita leaungsaira y tajiu nai kamta, kachai sa u chum bo i, Areng teng y kawn naimy palo nai katalamrachi napi nai tawnbawichi syn u,” nanai leu pei nai kamta, khumichi sa u bo. Phyrei khumichi ly mymychi i paleung kangngai, leng patlum ai nai tawnbawichi syn u nai ne.

2 NENG SATANG 33:16

Ni ly Areng ai chiu ai nai maicham sa palum teang chum baly, amkawm teang nai kapathypra hawi kawn nai kapathyprachi talam nai ne. Juda khumi bawibawichi ly Israela chengchi i Areng Tameuh ai chiu ai nai leu pei bo.

NEHEMIA 12:43

Huni kani y kapathyprachi neangneang talam u bo. Tameuh my amo theu ai nai pei nai deaungkho y, khumichi ly amo theu u nai ne. Nichi hawi vanrei, neampachychi hawi deaungdichi py abawi u i, nichi i amo theu nai raawi katyn ly kamlo mang my py thai nanai ne.

SAM 107:8

Nichi ly Areng i tamen naira khaw parai nai molam y py, mychi ai sa pi nai lyh ai awm naichi molam y py, kawn nai leu thui naimy palo u ai.

SAM 116:17

Kai ly nang teng y kawn nai kapathypra talam ai; nang teng y chiu sa ai.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

Levi 2:4

Takeang tleaung y paawp nai tako hawi talam ai na baly, takora y angbo abawi ai nai tlo y; tako dei hawi olive asitui katlen iy sa nai tako phi katho py ne sy, olive asitui hawi kaleu nai tako phi kangpo py ne sy, talam pajau.

Levi 2:5

Tamo laawm pangdaira taheang nai tako talam ai na baly, huni tako ly angbo abawi y nai tako deira y olive asitui katlen nai tako dei ne ai nai tla.

Levi 22:29

Nangchi ly Areng teng y kawn nai kapathypra talam nai khala, reita leu pei nai kamta sa baly kawn pi ai.

Levi 6:16

Tako dei kamlai ly pathyp pi nai keungchi cha ai nai ne. Pathyp pi nai keung ly tako deira y angbo tabawi y naimy tako paawp iy, Areng i awmra Tabynako apai theung i meingtym kachaira y cha ai nai tla. Areng my huni tako dei ly teicha teinei katalamra theung i pathyp pi nai keungchi ai pei nai phy ne. Huni teicha teinei katalamra ly kamngo pahen nai hawi kamngo pajeng nai katalamra kamta chai parai nai ne.

Levi 7:15

Leunghawi kapathypra talam nai kani y tawnbawi mawi ly cha keng ai nai tla. Kani pa-nyh khawn mang y khrairei, kamlai awm ai nai avo y.

AMOS 4:5

Tameuh ai kawn nai leu thui nai tako talam u. Alyly naimy talam nai py nang Israela chengchi my thai hai iy amlyh u. Huna nai sa ai nai nangchi ngai, nanai leu pei nai ne.

Kati Nai 6:15

Ni ly olive asitui hawi tako dei katlen iy sa nai angbo abawi y nai tako thotleung naichi hawi, olive asitui kaleu nai angbo abawi y nai tako phichi takhurei talam ai nai tla. Huni bo y teicha teinei kapathypra hawi kreip hang katalamrachi talam ai nai tla.

LUKA 17:16

mymy i kheu keung y ambeu iy kawn nai leu thui; huni ly samari khumi ne.

LUKA 17:18

Leaung takawreichi ly ma y awm mo? Hini cheng takhra khumi leaungrei ny y baly Tameuh ai palo ai nai amipy vawi ali teang y mo kana be,?” napi.

ROM AVANGCHI TENG Y PAWLA I CHA PA NAI 1:21

nichi ly Tameuh ai pany u iy, mymy ai ly Tameuh kamta tahm py khai u y, kawn nai leu py thui u y; nichi ly sai py ny y nai dawn u lawh i, mymychi i pany thai naira by y nai paleung ly veng bo.

EPHESI 5:20

achi i Areng Isu Krista i amyn y Tameuh, Ampo kypkyp teng y ly ati cheaungkhangra y kawn nai leu thui u jojo.

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.