Levi 6:3 - Khumi Common Language Bible

³ ami i vawnsai tama vui nai ai niu i py niu y, nanai vaineng abeu iy ka-chawi thui lawh baly, Areng i tlang theaung y tamang nai kamngo tla i, apathyp ai nai tla.

Levi 6:3 Iomraidhean Croise

THEU NAI 23:4

“Nang ly nangmy i paleung ka-e i si mo, keaungngo kano kasau mo, kanghu theung i preang jo nai niu baly, yhmkeung teng y tha pi teang ai nai tla.

THEU NAI 28:42

Nichi kangji ngo y ai nai akeng i ka-so phaibeung ryrei, phangphi kadawichi sa pi ai nai tla.

LEU KACHENG 24:28

Khaw nai leusai ha harei py by y pui naimy, khumi takhra i vui y pany hai nai leu thui moh; ti y baly ni i tlang tleaung y tamang hai ai nai pa-rei, pany hai nai leu thui moh.

LEU KACHENG 30:9

Kai ly ngai nai tleaung y nga panawi lawh teu baly, nang ai khai su lawh na. Kamawn lawm lawh teu baly kangviu kasa ai i, kai ly Tameuh i amyn amso ngai hai lawh ai.

JEREMIA 5:2

Nangchi my, Areng ly heng nai ne, nanai vaineng abeu u teu i py, nangchi ly teng y nai vaineng abeu u nai ne.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

Ezekiela 44:19

Nichi ly khumichi awm nai apai angam mang ly-um y theu y rai khala, nichi ly mymychi kalop sa thym khala i amthyp nai ateaungchi aleng iy chai parai nai takunchira khai ai nai tla. Khumichi teng y ka-jeira pei y ai nai, ateaung kachaichi ly takhra ateaungchi hawi atha ai nai tla.

Levi 1:16

Ni ly awichapu hawi vanrei awichapura i teicha ai ly la iy, maicham i nisi ngan mang y awm nai maiphura y aphi ai nai tla.

Levi 16:4

Naibaly Areng my hini leuchi pei nai ne. Aron ly chai keh nai meingtymra kun y rai khala, ni ly tui ahiu pan iy pathyp pi nai keung ateaungchi napi nai, kanih mai ka-syn baichu kangjiu, phangphi, akeng akawmra hawi lupeuchi amthyp ai nai tla.

Levi 19:12

Sa khyp ai ny y pui naimy kai i amyn y tau iy leu adeu moh. Huna nai sa nai y kai i amyn taphra moh. Kai ly nangchi i Areng Tameuh ne.

ZEKHARIAH 5:4

Ati cheaungkhang sa thai nai keung Areng my, kai ly hini amsawi ai kapato ai i, huni ly kai i amyn y tau iy ka-chawi leu thui nai khumi ngiereichi hawi, kangviu khumi ngiereichi i yhmchira y awm ai. Huni yhmchi py amsawi leu theu vui nai khala, phra seaungkhrang naimy awm ai,” napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.