Levi 6:21 - Khumi Common Language Bible

²¹ Tako dei ly asitui hawi katlen iy tamo laawm pangdaira taheang ai nai tla; naibaly huni tako ai kanawi piu iy teicha teinei talam nai kamta, Areng teng y talam ai nai tla. Huni katalamra i mui kahawi ai ly Areng my kawn pi nai ne.

Levi 6:21 Iomraidhean Croise

1 NENG SATANG 23:29

Nichi ly Tameuh teng y talam nai tako, katalamra tako dei, angbo abawi y nai tako phichi, mai hawi paawp nai katalamrachi, asitui hawi katlen nai takodeichi sa naira y lu sa nai ne. Nichi ly Achura yhm theung y katalamrachi neh naira py abawi ai tla.

1 NENG SATANG 9:31

Korah theaung ra i Shalum i chapo Matithia napi nai Levi theaung khumi ly takochi mai hawi paawp nai katalamrachi sa.

Levi 11:33

Kadei veuchi alai laawm theung y tla lawh baly, huni laawm theung y awm nai ngierei py, amso ngai nai deaungkho y, laawm pakawi veng ai nai tla.

Levi 15:12

Huni ang vawi awm nai khumi my nam nai alai laawm ai ly pakawi veng ai nai la; dengkeaung hawi sa nai laawm ai nam lawh baly, hawi hai palai paju pan ai nai tla.

Levi 2:5

Tamo laawm pangdaira taheang nai tako talam ai na baly, huni tako ly angbo abawi y nai tako deira y olive asitui katlen nai tako dei ne ai nai tla.

Levi 6:22

Aron kangpreang theung i pathyp pi nai keung kalen keh sa ai tla nai ngiereichi ly huni katalamra sa jojo ai nai tla. Hini leu pei nai ly deungtasarei tangai ai nai tla. Areng teng y talam nai huni teicha teinei katalamra ly leng patlum be ai nai tla.

Levi 7:12

Khumi ami py Tameuh teng y kawn nai leu thui nai kapathypra talam nai khala, tawnbawi hawi vanrei angbo abawi y nai tako katalamra py syn ai nai tla. Hini tako ly olive asitui katlen nai tako dei hawi sa nai tako phi katho, ti y baly tako phi amporyp nai, ti y baly tako dei hawi olive asitui katlen iy sa nai tako phi ne ai nai tla.

Levi 7:9

Takeang mai y paawp nai teicha teinei katalamra, laawm pangdai, ti y baly tamo laawm pangdaira dang nai teicha teinei katalamrachi ly talam pi nai pathyp pi nai keung i vui ne.