Levi 6:2 - Khumi Common Language Bible

² Khumi ami py Israela cheng theung i leaungrei my ka-ym awm nai deaungkho y, au nai tangka pei ali teang ai nai akhi lawh nai mo, ni teng i vawnsai ha harei paviu vui nai mo, ti y baly ni ai li-tapawp nai mo sa lawh baly,

Levi 6:2 Iomraidhean Croise

ATITI AWM ANGCHEI NAI 26:7

Huni mary i khumichi my aju i satang deng nai khala, my i tuicho teu, nanai pathang nai ne. Ati mana nai mo nabaly Rebeka ly mo hawi parai i, huni pri i khumichi my padei lawh na, nanai jei nai deaungkho y ne.

SAM 51:4

Kai ly nang i tlang tleaung y kamngo sa bo, nang ai naini kamngo sa nai ne. Nang i mei ka-niu y sa tamang bo. Hunai deaungkho y kai ai nangmy tara chih nai ly avo khyp nai ne. Kai i tlang tleaung y kamngo pajeng nai ly teng khyp bo.

LEU KACHENG 24:28

Khaw nai leusai ha harei py by y pui naimy, khumi takhra i vui y pany hai nai leu thui moh; ti y baly ni i tlang tleaung y tamang hai ai nai pa-rei, pany hai nai leu thui moh.

ISAIA 21:2

Ana piupa nairachi, vaineng takan nai hawi taphra nairachi ai paleung mei y kaniu bo. Aw Elam tavaimichi awi, tiu u! Aw Media tavaimichi awi, marychi ai katanmeuh u! Tameuh ly Babulon mary i khumichi my pei nai ngari kamtang anawn hai ai.

ISAIA 24:16

Achi ly leu meitang teaung nai Israela chengchi ai, khaileaung khuteng takira y awm nai khumichi my palo nai khulym raawichi thai u ai. Na i py kai ly athang khai naira by y i, bengtlairei kaawm nai khyh bo ly! Ka-ym by y nai khumichi ly leu tangai y jojo i, tamangra tamangra nai ne.

ISAIA 33:1

Achi i paleung ka-echi ly taham si! Amychi ai ami py tiu y, vaineng taphra u teu i py, nichi my tiu iy vaineng takan u lawh bo. Na i py nichi my tiu iy vaineng taphra nai neng kani kheih nai neng tym ai. Huna nai khala y nichi ly tiu nai hawi vaineng taphra nai avum u ai.

JEREMIA 9:5

Nichi ly ahawi ka-dawichi ai li-tapawp u nai ne. Mani ka-ym leu py katheu u y. Nichi ly leu ka-chawi katheu thai ai nai mychi i labeaung y amtiu u lawh. Kamngo sa naimy mychi ai akawm hai u bo.

Ezekiela 40:46

Tosyh ngan mang y mo tha nai takun ly maicham i vui kalop sa nai pathyp pi nai keungchi i vui ne, nanai kai ai thui pi bo. Huni pathyp pi nai keung bawibawichi ly Zadok i kangpreang Levi khumichi ne. Nichi naini Areng i mo y kun iy, kalop sa ai nga u nai ne.

Levi 1:3

Si hawi leng patlum nai apathyp ai na baly, huni si katai ly no-na awm ai nai tlo y. Areng my ni ai kawn pi ai nai, ni ly huni si katai ai Areng i awmra Tabynako katheu pa-khora y syn ai nai tla.

Levi 19:11

“Ami i vawnsai paviu moh, ami ai tapawp moh, ka-chawi thui moh.

Levi 5:15

Ami mo ly Areng i vui y kachai khai patyp naichi ai athang khai y naimy sa tamang lawh baly, ni ly Areng teng y no-na by y nai beram katai, ti y baly mi-i katai syn ai tla. Huni beram, ti y baly mi-i i vang apani nai tangka py syn ai nai tla.

Levi 5:19

Huni ly Areng i tlang tleaung y sa tamang nai molam, kamngo pahen nai katalamra ne.

Levi 6:1

Areng my Mosi teng y anui mang i reitachi pei pi bo.

AMOS 8:5

Nangchi my thui nai ly “Kaichi ly chohpui chomaw jo ai nai ngai; chai nai kani kheih ai nai malawn py ajeng pajau y na bo. Anawn kani ly mana khala y kheih ai mo? Huni kani kheih baly kaichi ly teng y nai takhu teaung hawi, teng y nai sie khyrychi teaung iy vang palyn nai jo ai.

HABAKKUK 1:13

Na i py nang ly khumi hawi y nai, ka-ym by y nai khumichi tlang tleaung y mana nai kham pi pajau ai mo? Nang i mei ly khri pa-rei chai parai nai ne i, hawi y nai ai khen pajau y. Nang ly khumichi i sa tamang nai py, kham pi pajau y. Hunai deaungkho y amychi tleaung y kabo kaja hawi nai khumichi ai, huni khumichi my taphra nai khala nang ly ati mana nai y awm pypy lawh mo?

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

AMTAW 5:4

Tuni awm nai sala ryrei ly nangmy i ny y a? Jo nai bo y py tuni ly nangmy i ngaingai awm nai ny y a? Hini leu ly nang i paleung y ati mana nai dawn nai mo? Nang ly khumi ai ka-chawi thui nai ny y leang, Tameuh ai thui nai teu,’ napi.

EPHESI 4:25

Hunaibaly ka-chawi thui nai ly anawn vui iy, leaung leaungrei ly amy i saleaungchi teng y leu meitang thui u sy; achi ly leaung leaungrei ly vanrei angprei ahawi nai ne.

KOLOSA 3:9

nangchi ly khumi kangngym hawi mymy i atiti sa naichi hawi raurei leng vui iy khumi kangtha amthypu veng nai deaungkho y, ka-chawi athui u leungtang moh;

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.