Levi 6:18 - Khumi Common Language Bible

¹⁸ Aron i kangpreang neampachochi ly Areng teng y talam nai teicha teinei talam naira i phy nga nai ly cha u jojo ai nai tla. Khumi takhra leaungrei ly huni teicha teinei katalamra ai abi lawh baly, huni ly kai i sa thai naira hawi kachai ne nai deaungkho y pa jeng naira tym hai ai.

Levi 6:18 Iomraidhean Croise

THEU NAI 29:37

Huni ly kani tleirei, kani saryh ryrei sa ai nai tla. Huna nai khala maicham ly khri pa-rei chai ai i, maicham y abi nai khumi hawi atitichi ly pajeng naira avum ai.

Levi 3:17

Israela chengchi ly thau py, thi py cho ngau y; meingtym tleirei y awm nai Israela cheng bawibawichi ly hini reita teaung patawm jojo ai nai tla.

Levi 4:24

Ni ly maicham tosyh ngan mang i leng patlum nai tawnbawichi tleh nai meingtym y, huni mi-i lu tleaung y kiu kheang iy, mi-i ai tleh ai nai tla. Hini kapathypra ly kamngo lawira nga ai nai ne.

Levi 4:3

Pathyp pi nai keung kalen keh my kamngo sa lawh baly, khumichi i tlang tleaung y raurei kamngo tym hai nai deaungkho y, ni ly kamngo lawira nga ai nai, no-na by y nai si katai beaungjeaung harei hawi Areng teng y apathyp ai nai tla.

Levi 4:33

Ni ly maicham tosyh ngan mang i leng patlum nai tawnbawichi tleh reng nai meingtymra, huni tawnbawi lu tleaung y kiu kheang iy, tawnbawi tleh ai nai tla.

Levi 6:10

Naibaly pathyp pi nai keung ly kanih mai ka-syn salo i baichu kangjiu, kanih mai ka-syn phangphichi amthyp iy, maicham tleaung i tawnbawi maidym ai, maicham teng mang y khai ai nai tla.

Levi 6:19

Areng ly Mosi teng y hini reitachi pei pi nai ne:

Levi 6:27

Khumi ami py, huni tawnbawi ngan ai abi lawh baly, huni ly sa thai naira awm iy kachai ne nai deaungkho y pajeng naira avum ai. Tawnbawi thi abawi nai ateaung ai ly meingtym kachaira y pasiu ai nai tla.

Levi 6:29

Pathyp pi nai keung yhm dengtheung theung i neampacho bawibawichi ly huni tawnbawi mawi cha pajau; huni katalamra ly khri pa-rei chai parai nai ne.

Levi 7:6

Pathyp pi nai keung yhm dengtheung theung i neampacho bawibawichi ly huni tawnbawi mawi cha ai nai nga; na i py huni ly khri pa-rei chai nai deaungkho y, meingtym kachaira cha ai nai tla.

Kati Nai 18:10

Nang ly huni katalamrachi ai meingtym kachaira y cha ai nai tla; neampachochi naini cha ngau khyh. Huni ly chai nai teicha teinei ne.

Kati Nai 18:8

Areng my Aron teng y, “Leng patlum nai kapathypra ny y nai kai teng y talam patyp nai ngiereichi ai, nang hawi nang i chapochi teng y kaimy kang pei mang. Hini phy ly nang hawi nang i kangpreangchi i vui ne.

I KORINTH 9:13

Achura yhm kalen pui y atiti kachai kry nai keungchi ly, achura yhm kalen pui i atitichi cha u nai hawi, maicham kalop sa nai keungchi ly maicham hawi phy nga, nanai pany u y nai sai a?

I PETERA 1:16

ati mana nai mo nabaly, “Kai ly kachai ne nai deaungkho y nangchi py kachai awm ai nai tla,” nanai tajiu nai awm chy bo.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;