Levi 5:7 - Khumi Common Language Bible

⁷ Ni ly beram mo, mi-i mo talam ai nai by y lawh baly, ni i kamngo molam y yhm buhu nyhrei, ti y baly amprym buhu nyhrei Areng teng y syn ai nai tla. Harei ly kamngo pahen nai kapathypra mo, vai harei ly leng patlum nai kapathypra mo, talam ai nai tla.

Levi 5:7 Iomraidhean Croise

Levi 12:6

Amhm ly chapo tapen nai py ne sy, chaniu tapen nai py ne sy, thi chai y nai neng tym nai khala, leng patlum nai kapathypra talam ai nai sanengrei awm nai beramcho harei hawi, kamngo pahen nai kapathypra talam ai nai yhm buhu, ti y baly amprym buhu harei ai, Areng i awmra Tabynako katheu pa-khora y syn iy, pathyp pi nai keung teng y au ai nai tla.

Levi 12:8

Amhm ly beram cho hawi apathyp pajau y lawh baly, yhm buhu bomrei, ti y baly amprym buhu bomrei syn ai nai tla. Harei nai ly leng patlum nai talam ai nai i vui, vai harei nai ly kamngo pahen nai talam ai nai i vui ne. Pathyp pi nai keung ly amhm i vui kachai sa pi nai deaungkho y, amhm ly reita y chai ai.

Levi 14:30

Naibaly pathyp pi nai keung ly yhm buhu harei, ti y baly amprym buhu harei ai,

Levi 14:31

kamngo pahen nai kapathypra i vui py, takhra harei ly leng patlum nai kapathypra i vui py, teicha teinei katalamra hawi vanrei, Areng teng y talam ai nai tla. Huna nai kamta pathyp pi nai keung ly reita y kachai sa pi ai nai tla.

Levi 15:30

Pathyp pi nai keung ly kamngo pahen nai kapathypra i vui tavo harei, leng patlum nai kapathypra i vui takhra tavo harei talam ai nai tla. Huna nai kamta pathyp pi nai keung ly huni neampachy i vui kachai sa pi ai nai tla.

Levi 16:5

Israela chengchi ly kamngo pahen nai kapathypra i vui mi-i katai nyhrei hawi, leng patlum nai kapathypra i vui beram katai harei, Aron teng y syn pi ai nai tla.

Levi 27:8

Vaineng abeu iy amymy ai atalam nai khumi ly pani yb nai tangka pei pajau y lawh baly, ni ai pathyp pi nai keung teng y hawi ai nai tla; naibaly pathyp pi nai keung ly huni khumi i pei pajau nai ryrei, vang kadi pani pi ai nai tla.

Levi 5:11

Ni ly yhm buhu bomrei, ti y baly amprym buhu bomrei py, by y lawh baly, kamngo pahen nai kapathypra i vui tako dei sierei, pathyp pi nai keung teng y syn ai nai tla. Huni katalamra ly teicha teinei katalamra ny y; kamngo pahen nai katalamra ne nai deaungkho y, tako dei salo y olive asitui, ti y baly mui kahawi leih ai nai avo y.

Levi 7:1

Kamngo pajengra i lawi ai nai kapathypra molam y khai pi nai reitachi ly hinichi ne. Hini kapathypra ly khri pa-rei chai nai ne.

Levi 9:3

Mi-i katai harei hawi kamngo pahen nai katalamra py, no-na by y iy sanengrei awm nai si cho hawi beram cho ai leng patlum nai katalamra py,

Kati Nai 5:6

Israela chengchi i vui anui mang i leu pei nai ly hinichi ne. Nangchi theung i amimi py, khumi takhra leaungrei ai sa tamang iy Areng i reita leu pei naichi taphra lawh baly,

Kati Nai 6:10

Ni ly tajarei kani y yhm buhu bomrei, ti y baly amprym buhu bomrei ai Areng i awmra Tabynako katheu pa-kho y awm nai pathyp pi nai keung teng y syn pi ai nai tla.

Kati Nai 6:11

Ni ly tlaiveu hawi abi iy chai y vui nai molam y, pathyp pi nai keung ly ni i vui kachai sa pi ai nai, tavo harei ai kamngo pachai ai nai katalamra, vai harei nai ly leng patlum nai kapathypra talam ai nai tla. Huni kani y ni i sam ly Areng teng y aau patyp bi ai nai tla.

MATTHAI 10:16

“Khen cham, kasuichi theung y beram awm nai kamta kang pato nai bo he: hunaibaly pavui kamta cheng iy, buhu kamta hawi y naira so y naimy awm u.

MATTHAI 21:12

Naibaly Isu ly achura yhm kalen pui y kun iy, achura yhm kalen pui i atiti jo nai hawi van nai keung bawibawichi ai patheu iy, tangka katheung nai keungchi i sabawi hawi, buhu jo nai keungchi i atehrachi py nui pi pawn teang;

MATTHAI 3:16

Naibaly Isu ly baptisma nga pajau bo nabaly mymy ly tui theung i dengdairei theu praw: naibaly khen cham, kani am-eaung iy Tameuh i Phailo ly buhu ka-tawm kathiu i, mymy i tlang tleaung y chym nai niu.

LUKA 2:24

naibaly Areng i Reita y tajiu nai kamta amprym buhu bomrei mo, yhm bubu bomrei mo apathyp ai nai chei.

II KORINTH 8:12

Tau rym naira awm baly ami py by y pui nai ny y naimy, mymy i awm nai kamta kawn ai ataing nai ne.