Levi 5:6 - Khumi Common Language Bible

⁶ Ni ly tamang nai molam Areng teng y beram nu, ti y baly mi-i nu hawi apathyp ai nai syn takengkei ai nai tla. Pathyp pi nai keung ly huni khumi i kamngo molam y tawnbawi talam pi ai nai tla.

Levi 5:6 Iomraidhean Croise

Ezekiela 40:39

Kunra yhmchy i angtheung himang py, humang py sabawi nyh nyhrei awm. Bom verei leng patlum ai nai hawi kamngo lawi nai kapathypra, sa tamang nai kapathyprachi i vui tawnbawichi ai, hini sabawichi salo y khai iy tleh u nai ne.

Ezekiela 42:13

Huni khumi my kai ai, “Hini yhm nyhrei ly kachai ne. Areng i mo y kun nai pathyp pi nai keungchi ly huni yhmchi theung i, chai keh nai katalamrachi cha ai nai nga. Huni takunchi ly chai nai deaungkho y, pathyp pi nai keungchi ly teicha teinei katalamra, kamngo ahui nai kapathypra hawi, sa tamang nai kapathypra napi nai khri pa-rei chai parai nai katalamrachi khai u nai ne.

Ezekiela 44:27

Naibaly Achura yhm apai theung i ly-um y kun iy, amy ai apachai ai nai i vui y apathyp ai nai tla. Huna khala naini ni ly Achura yhm theung y kalop sa ali teang ai nai nga ai. Hini ly sa thai naira angym nai kai, Areng my pei nai leu ne.

Levi 4:20

Ni ly kamngo pahen nai kapathypra talam nai reita kamta, huni tawnbawi talam ai nai tla. Pathyp pi nai keung ly hina nai kamta, khumichi i kamngo molam y tawnbawi apathyp nai deaungkho y, khumichi ly kamngo lawi naira nga u ai.

Levi 4:28

ni ly my i kamngo apany phai apany baly, no-na by y nai mi-i nu harei hawi apathyp ai nai tla.

Levi 4:31

Naibaly leunghawi apathyp nai tawnbawichira i thauchi la nai kamta, mi-inu ra i thau ngiereichi la iy, maicham salo y leng patlum ai nai tla. Hini talam nai mui kahawi ai ly Areng my kawn pi nai ne. Pathyp pi nai keung ly hina nai kamta khumi leaungrei i kamngo molam talam pi nai deaungkho y, huni khumi ly kamngo pahen naira nga ai.

Levi 4:32

Khumi leaungrei ly kamngo pahen nai kapathypra beram syn lawh baly, huni beram ly no-na by y nai beram nu ne ai nai tla.

Levi 4:35

Naibaly leunghawi katalamra tawnbawi thau la nai kamta, beram nu i thau ngiereichi la iy, katalamra hawi vanrei, maicham salo y leng patlum ai nai tla. Pathyp pi nai keung ly hina nai kamta, khumi leaungrei i kamngo molam pathyp pi nai deaungkho y, huni khumi ly kamngo pahen naira nga ai.

Levi 6:6

Ni ly Areng teng y talam ai nai kamngo pajeng nai kapathypra i vui beram katai, ti y baly mi-i katai harei pathyp pi nai keung teng y syn ai nai tla. Beram, ti y baly mi-i vang apani yb nai tangka talam ai nai tla.

Kati Nai 6:12

Nazari kamkawm khumi lawm teang ai nai, amymy ai Areng teng y aau bi ai nai tla. Ni i khai takhra nai sam ly chai y vui nai molam y, vaichi khala leu atau nai ly phra vui nai ne. Ni ly pajengra lawi ai nai i vui y kapathypra talam ai nai ly sanengrei awm khyh nai beram cho syn ai nai tla.