Levi 5:16 - Khumi Common Language Bible

¹⁶ Ni ly chai naira ai kachai so teang y nai molam tangka hawi peh ai nai ly chungphy apomrei tleang panawi bi iy, pathyp pi nai keung teng y talam ai nai tla. Naibaly pathyp pi nai keung my huni khumi i kamngo molam y beram katai, ti y baly mi-i katai hawi pathyp pi nai deaungkho y, ni ly kamngo pahen naira nga ai.

Levi 5:16 Iomraidhean Croise

SAM 69:4

Kai ai atyhtyh naimy niu ngai y nai khumichi i vuikanai ly kai lura i sam tleaung y malawn py nawi nai ne. Katapawp leu thui iy kai ai ka-jo hau nai khumichi ly atho awm parai nai ne. Kai ai padei ai nai ngai u bo. Kai ly kapaviu y nai vawnsaichi ai, nichi teng y kapei ai nai tla bo.

THEU NAI 22:1

“Khumi leaungrei ly si mo, beram mo, paviu iy padei nai mo py ne sy, jo vui nai mo py ne sy, si harei jeng y si pangrei, beram harei jeng y beram palyhrei, peh ai nai tla.

Levi 22:14

“Pathyp pi nai keung yhm dengtheung y abawi y nai khumi ly athang khai y naimy kachai talam nai cha lawh baly, ni ly pathyp pi nai keung teng y huni teicha teinei van bo y, chumphy apomrei peh ai nai tla.

Levi 27:13

Huni khumi ly tawnbawi ai van teang ai ngai lawh baly, vang kapani bo y, chungphy apomrei tleang bi ai nai tla.

Levi 27:15

Amy i yhm ai talam nai khumi ly huni yhm van ali teang ai nai ngai lawh baly, vang kapani bo y chungphy apomrei tleang bi ai nai tla.

Levi 27:27

na i py chai y nai tawnbawi cho chalu ai ly apani nai vang bo y chungphy apomrei vang tleang bi iy, van teang ai nai tla. Huni tawnbawi ai van teang y lawh baly, takhra khumi teng y apani nai vang hawi jo pi ai nai tla.

Levi 27:31

Amimi py huni amti amjang ai atleu teang ai nai ngai lawh baly, vang kapani bo y chungphy apomrei tleang iy van ai nai tla.

Levi 4:20

Ni ly kamngo pahen nai kapathypra talam nai reita kamta, huni tawnbawi talam ai nai tla. Pathyp pi nai keung ly hina nai kamta, khumichi i kamngo molam y tawnbawi apathyp nai deaungkho y, khumichi ly kamngo lawi naira nga u ai.

Levi 4:26

Naibaly leunghawi kapathyp tawnbawichira i thau ai leng patlum nai kamta, mi-i thau ngiereichi ai, maicham salo y leng patlum ai nai tla. Hunai kamta khyp pathyp pi nai keung ly peang nai keung samrang i kamngo molam talam nai deaungkho y, huni samrang ly kamngo lawi naira nga ai.

Levi 5:10

Pa-nyh tavo ai ly reita kamta leng patlum ai nai tla; huna nai kamta pathyp pi nai keung ly huni khumi pahenra nga ai nai talam pi ai nai tla. Naibaly huni khumi py kamngo lawira nga ai.

Levi 5:13

Hina nai kamta pathyp pi nai keung ly huni khumi i vui kamngo pahen nai kapathypra talam pi nai deaungkho y, ni ly kamngo lawira nga ai. Teicha teinei talam nai kamta, tako dei kamlai ly pathyp pi nai keung i vui ne.

Levi 5:6

Ni ly tamang nai molam Areng teng y beram nu, ti y baly mi-i nu hawi apathyp ai nai syn takengkei ai nai tla. Pathyp pi nai keung ly huni khumi i kamngo molam y tawnbawi talam pi ai nai tla.

Levi 7:2

Naibaly maicham tosyh ngan mang i leng patlum nai tawnbawichi ai, tleh reng nai meingtymra y, kamngo pajengra i lawi hai nai katalamra molam y, hini tawnbawi ai tleh ai nai tla. Thi ly maicham taki palyhreira katheng ai nai tla.

Kati Nai 5:7

huni khumi ly amy i kamngo ahui iy mymy tamang nai khumi ai peh angym nai bo y, chungphy apomrei peh panawi bi ai nai tla.

Kati Nai 5:8

Na i py ka-peh tangka nga ai nai khumi ly dei veng iy amjo amnau py by y lawh baly, huni tangka ai pathyp pi nai keung i vui Areng teng y talam ai nai tla. Sa tamang nai keung ly peh nai bo y, kachai sa ai nai i vui y beram katai harei py pei bi ai nai tla.

LUKA 19:8

Naibaly Zakai ly angdo i Areng teng y, “Khen cham Areng, kai i yhmtheaung ka-hyhrei kamawnchi teng y kapei ai; naibaly ami teng i py atiti um paviu teu i py pyh palyhrei kaheung teang ai,” napi.

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

1 SAMUELA 6:3

Nichi my, “Nangchi ly Israela chengchi chiu nai Tameuh i Leu Maikawm Pawm ai nangchi my tha teang ai nabaly, katalamra abawi y baly avo y; nangmychi i kamngo ahui nai katalamra talam ai nai tla. Huna nai sa baly nangchi no roka tama ai. Mymy ly nangchi ai ati mana nai y pajeng nai mo, nanai py nangchi pany u ai,” napi u.