Levi 4:7 - Khumi Common Language Bible

⁷ Hunaibaly ni ly Tabynako theung i mui katui leng patlum nai maicham takichira i kachawnchira y, huni si thi maidenrei hawi tabei ai nai tla. Huni bo i thi kamlai ai ly Tabynako katheu pa-khora y awm nai, leng patlum nai maicham kheutangra leih jawn ai nai tla.

Levi 4:7 Iomraidhean Croise

SAM 118:27

Areng ly Tameuh ne; mymy ly achi ai hawi ang sa pi bo. Nangchi ly lymlo changpichi syn ly pawi sa amteaung iy, maicham kamki tapai u.

THEU NAI 29:12

Maicham kachawn taki kamsuichira y si thi maidanrei ai kiu pajeung hawi kaleu ai nai tla. Huni bo i thi bawibawi ly maicham kheutang y lei ai nai tla.

Levi 1:5

Ni ly huni meingtym y si katai tleh iy Aron i chapo pathyp pi nai keungchi my huni thi ai Areng teng y talam chum baly, Tabynako katheu pa-khora awm nai maicham makeng palyhreira y katheng prei ai nai tla.

Levi 16:18

ni ly leng patlum nai maicham mang y chei iy, huni maicham i vui kachai sa ai nai tla. Ni ly si thi hawi mi-i thi phyrei syn iy maicham taki kachawnchira tabei ai nai tla.

Levi 4:18

Tabynako angtheung mang i mui katui leng patlum nai maicham takichira i kachawnchira y, si thi maidenrei tabei sy; thi kamlai ai ly Tabynako katheu pa-kho sahawi y awm nai leng patlum nai maicham kheutangra leih jawn ai nai tla.

Levi 4:25

Pathyp pi nai keung ly my i kiu pa jeung hawi thi y tapo iy, maicham takichira i kachawnchira thi tabei ai nai tla. Thi kamlai ly maicham kheutangra y leih jawn ai nai tla.

Levi 4:30

Pathyp pi nai keung ly my i kiu pajeung hawi thi y tapo iy, maicham takichira i kachawnchira thi tabei ai nai tla. Thi kamlai ly maicham kheutang y leih jawn ai nai tla.

Levi 4:34

Pathyp pi nai keung ly my i kiu pajeung hawi thi y tapo iy, maicham takichira i kachawnchira y tabei ai nai tla; thi kamlai ly maicham kheutangra leih jawn ai nai tla.

Levi 5:9

Naibaly huni tavo thi phyrei ai ly maicham teng mang y katheng prei iy, huni bo i thi ly maicham kheutang y tapijai ai nai tla. Hini ly kamngo pahen nai kapathypra ne.

Levi 6:30

Na i py tawnbawi thi ly Tabynako angtheung y syn iy, kamngo pahen nai kapathypra y teaung baly, huni tawnbawi mawi ly cho moh; mai patawi vui ai nai tla.

Levi 8:15

Mosi ly huni si ai tleh chum baly, thi maidenrei la iy kiu pajeung hawi maicham takichira i kachawnchira tabei; thi kamlai hawi maicham kheutangra leih iy, maicham ai khai takhra bo. Naibaly kamngo pahen nai kapathypra talam iy chai hai nai ne.

Levi 9:9

Ni i chapochi ni teng y thi maidenrei syn i, ni ly thi y kiu pajeung tapo i, maicham takichira i kachawnchira y thi tabei bo. Ni ly thi kamlai ai maicham kheutang y leih jawn nai ne.

EPHESI 2:13

Na i py vai ly nangchi, jangni y palo parai naira y awm naichi ly Krista i thi y ang kasa hai bo.

HEBRAI 9:15

Naibaly leu maikawm kangman i anui y taphra nairachi atleu ai nai ang dei vui nai deaungkho y, palau naichi ly deungtasarei yhmtheaung amtym nai leu adeu naira nga thai ai nai ni ly leu maikawm kangtha i savai ne.

HEBRAI 9:21

Huni harei khyh ny y naimy ni ly achura yhm hawi chiu ai nai atiti teaung nairachi bawibawi y hunai kamta thi katheng teang.

AMTENG HAI NAI 6:9

Naibaly mymy ly pajawp typ nai ka-ma-ra pa-ngo nai ly su phai su baly, maicham anui y ly Tameuh i leu deaungkho y hawi, mymychi i pany hai nai leu patawn nai deaungkho y padei chum naichi i phailochi ai kaniu;