Levi 4:20 - Khumi Common Language Bible

²⁰ Ni ly kamngo pahen nai kapathypra talam nai reita kamta, huni tawnbawi talam ai nai tla. Pathyp pi nai keung ly hina nai kamta, khumichi i kamngo molam y tawnbawi apathyp nai deaungkho y, khumichi ly kamngo lawi naira nga u ai.

Levi 4:20 Iomraidhean Croise

THEU NAI 32:30

Kani pa-nyh y Mosi my Israela chengchi teng y, “Nangchi ly khri pa-rei kamngo sa tamang u bo. Vai, kai ly Areng awm nai mawi salo y lyn kalau ai; nangchi i kamngo lawira nga ai nai takeng pi ai i, nga tan nga lym ai,” napi.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

Levi 1:4

Ni ly si katai i lu tleaung y kiu kheang nai deaungkho y, huni si ly ni i kamngo pahen nai kapathypra y Areng my palawn pi ai.

Levi 12:8

Amhm ly beram cho hawi apathyp pajau y lawh baly, yhm buhu bomrei, ti y baly amprym buhu bomrei syn ai nai tla. Harei nai ly leng patlum nai talam ai nai i vui, vai harei nai ly kamngo pahen nai talam ai nai i vui ne. Pathyp pi nai keung ly amhm i vui kachai sa pi nai deaungkho y, amhm ly reita y chai ai.

Levi 14:18

Kiupadawira awm rai nai asitui hawi, huni khumi i lu y tamui pi ai nai tla. Hina nai reita hawi ni ly kachai sa nai ne.

Levi 15:15

Pathyp pi nai keung ly kamngo pahen nai kapathypra i vui tavo harei talam ai nai tla. Huna nai kamta pathyp pi nai keung ly huni khumi i vui kachai sa pi ai nai tla.

Levi 19:22

Pathyp pi nai keung ly huni beram ai pathyp iy, ni i kamngo pahen ai nai kachai sa pi ai nai tla. Huna nai khala Tameuh ly ni i kamngo pahen pi ai.

Levi 4:21

Naibaly ni ly my i kamngo molam y talam nai si ai, tai naira angam mang y mai patawi nai kamta, huni si ai py hunira y mai patawi ai nai tla. Hini apathyp nai reita ly cheng vui jeungrei kamngo lawi naira nga hai ai nai sa nai ne.

Levi 4:26

Naibaly leunghawi kapathyp tawnbawichira i thau ai leng patlum nai kamta, mi-i thau ngiereichi ai, maicham salo y leng patlum ai nai tla. Hunai kamta khyp pathyp pi nai keung ly peang nai keung samrang i kamngo molam talam nai deaungkho y, huni samrang ly kamngo lawi naira nga ai.

Levi 4:35

Naibaly leunghawi katalamra tawnbawi thau la nai kamta, beram nu i thau ngiereichi la iy, katalamra hawi vanrei, maicham salo y leng patlum ai nai tla. Pathyp pi nai keung ly hina nai kamta, khumi leaungrei i kamngo molam pathyp pi nai deaungkho y, huni khumi ly kamngo pahen naira nga ai.

Levi 4:8

Naibaly ni ly si katai takuta tavira i thau bawibawichi,

Levi 5:10

Pa-nyh tavo ai ly reita kamta leng patlum ai nai tla; huna nai kamta pathyp pi nai keung ly huni khumi pahenra nga ai nai talam pi ai nai tla. Naibaly huni khumi py kamngo lawira nga ai.

Levi 5:13

Hina nai kamta pathyp pi nai keung ly huni khumi i vui kamngo pahen nai kapathypra talam pi nai deaungkho y, ni ly kamngo lawira nga ai. Teicha teinei talam nai kamta, tako dei kamlai ly pathyp pi nai keung i vui ne.

Levi 5:16

Ni ly chai naira ai kachai so teang y nai molam tangka hawi peh ai nai ly chungphy apomrei tleang panawi bi iy, pathyp pi nai keung teng y talam ai nai tla. Naibaly pathyp pi nai keung my huni khumi i kamngo molam y beram katai, ti y baly mi-i katai hawi pathyp pi nai deaungkho y, ni ly kamngo pahen naira nga ai.

Levi 5:18

Ni ly pathyp pi nai keung teng y no-na by y nai beram katai, ti y baly mi-i katai ha harei vang apani yb nai tangka py talam ai nai tla. Naibaly pathyp pi nai keung ly huni khumi i kamngo molam pathyp pi nai deaungkho y, ni ly kamngo pahen naira nga ai.

Levi 5:6

Ni ly tamang nai molam Areng teng y beram nu, ti y baly mi-i nu hawi apathyp ai nai syn takengkei ai nai tla. Pathyp pi nai keung ly huni khumi i kamngo molam y tawnbawi talam pi ai nai tla.

Levi 6:7

Naibaly pathyp pi nai keung my, huni khumi i kamngo molam pathyp pi nai deaungkho y, ni ly kamngo pahen naira nga ai.

Kati Nai 15:25

Pathyp pi nai keung ly Israela cheng bawibawichi i vui reita leaungsai y kachai sa pi ai nai tla. Naibaly nichi ai kamngo pahen pi ai. Ati mana nai mo na baly nichi ly athang khai y naimy tamang lawh i, kamngo pahen nai katalamra Areng teng y syn pi nai deaungkho y ne.

Kati Nai 15:28

Nangmy i kamngo chai naira nga ai nai maicham tleaung y pathyp pi nai keung my kamngo vang pathyp pi nai dengdairei, nang ly kamngo lawira nga ai.

ROM AVANGCHI TENG Y PAWLA I CHA PA NAI 5:11

Huni khyh py ny y leang, vai aly naira ang nga hai nai keung achi i Areng Isu Krista i saho y achi ly Tameuh y kawn teang nai ne.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

I JOHAN 1:7

na i py mymy ly kangvang y awm nai kamta achi py kangvang y tako baly, achi ly vanrei amkawm leungtang nai ne, naibaly mymy i Chapo Isu i thi my achi i kamngo bawibawi ang pachai pi.

I JOHAN 2:2

ni ly achi i kamngochi ahui nai langseaung syn naira ne; achi i harei khyh py ny y i, khaileaung pri bawibawichi i vui py ne teang.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.