Levi 4:15 - Khumi Common Language Bible

¹⁵ Khumi mipuichi ai lu sa pi nai keungchi ly huni si katai lu tleaung y kiuchi kheang iy, huni si tleh ai nai tla.

Levi 4:15 Iomraidhean Croise

2 NENG SATANG 29:23

Kangkhym y nichi ly mi-ichi ai samrang hawi khumichi teng y syn i, mi-ichi tleaung y kiuchi khai hai bo.

THEU NAI 24:1

Areng my Mosi teng y, “Nang ly Aron, Nadab, Abihu hawi Israela chengchi ai lu sa nai leaung vui saryhreichi ai hawi iy, kai teng y mawi saleung y lyn hai kalau; nangchi ly kamlo kyh mang dengdairei kai ai chiu u.

THEU NAI 24:9

Mosi, Aron, Nadab, Abihu hawi Israelachi ai lu sa nai leaung vui saryhreichi ly mawi saleung y lyn u bo.

Levi 1:3

Si hawi leng patlum nai apathyp ai na baly, huni si katai ly no-na awm ai nai tlo y. Areng my ni ai kawn pi ai nai, ni ly huni si katai ai Areng i awmra Tabynako katheu pa-khora y syn ai nai tla.

Levi 1:4

Ni ly si katai i lu tleaung y kiu kheang nai deaungkho y, huni si ly ni i kamngo pahen nai kapathypra y Areng my palawn pi ai.

Levi 16:21

Ni ly mi-i lu tleaung y kiu phei nyhrei kheang iy, Israela chengchi i sa tamang nai kamngo hawi tiu nai ngiereichi molam y, huni kamngochi ai mi-i lu tleaung y tym hai nai ne. Naibaly kalop amsi nai keung ly huni mi-i ai daichi ka-vym mang y paryh vui ai nai tla.

Levi 4:16

Pathyp pi nai keung kalen keh ly Tabynako theung mang y thi maidenrei syn sy ly

Levi 4:4

Ni ly huni si katai ai Areng i awmra Tabynako katheu pa-kho mo y pahawi sy ly si lu tleaung y kiu kheang iy Areng i mo y, huni si tleh ai nai tla.

Levi 8:14

Naibaly Mosi ly Areng my leu pei nai kamta, kamngo pahen nai kapathypra talam ai nai si katai beaungjeaung pahawi iy, Aron hawi ni i chapochi ai si lu tleaung y kiu kheang hai bo.

Levi 8:18

Naibaly Mosi ly leng patlum nai kapathypra talam ai nai beram katai la iy, Aron hawi ni i chapochi ai beram lu tleaung y kiu kheang hai bo.

Levi 8:22

Naibaly Mosi ly pathyp pi nai keung y tahm palyn naira y talam ai nai pa-nyh beram katai la bi i, Aron hawi ni i chapochi ly beram lu tleaung y kiu kheang u bo.

Kati Nai 11:16

Areng my Mosi teng y, “Israela cheng theung i tahm awm iy lu sa pajau nai keung leaung vui saryhreichi ai kai i awmra Tabynakora y jeu achu hai ly nang i sahawi y angdo hai.

Kati Nai 11:25

Naibaly Areng ly tamai theung y satla kathiu i, Mosi hawi leu arum bo. Areng ly Mosi teng y pei nai phailo phyrei la iy lu sa nai leaung vui saryhreichi teng y pei pi bo. Nichi ly phailo nga u nai khala amochi kamta aeu u; na i py nichi ly tlenrei aeu u khyh.

Kati Nai 8:10

Israela khumi mipuichi ly Levi theaungchi i lu tleaung y kiu tamam ai nai tla;

Kati Nai 8:12

Naibaly Levi theaungchi ly si katai nyhrei i lu tleaung y kiu kheang u ai nai tla. Levi theaungchi ai reita i leaungsai y kachai sa ai nai, kamngo pahen nai kapathypra i vui y si katai harei py, leng patlum nai katalamra i vui y takhra si katai harei py talam ai nai tla.