Levi 3:3 - Khumi Common Language Bible

^3-4 Si takutara bam nai thau, pakawi seaungru hawi huni ai bam nai thau hawi pathym hawi keh nai phyreichi ai Areng teng y talam ai nai tla.

Levi 3:3 Iomraidhean Croise

SAM 119:70

Huni khumichi ly pany thai naichi ny y; na i py kai ly nang i reitara y amo theu bo.

THEU NAI 29:13

Naibaly si takutara i thau ngierei, pathymra i thau, pakawi seaungru nyhrei hawi vanrei, thauchi ai maicham tleaung y leng patlum ai nai tla.

THEU NAI 29:22

“Beram katai thau, thau awm nai tamai, taku tivi thau, pathymra i thau, pakawi seaungru nyhrei hawi, hunichi ai bam nai thau hawi lamtang phai leng vui ai nai tla.

LEU KACHENG 23:26

Deang awi, kai i leu dawn ryhpatyh iy tangai ba. Kai i heng nai kucha amtiu ba

ISAIA 6:10

Naibaly mymy ly “Hini khumichi i paleung ly deitup naimy, nichi i kanochi ly pang naimy, meichi py paju naimy awm pa-rei so. Huna khala naini nichi ly niu pajau y, thai pajau y, pany thai y naimy awm u ai. Nichi ly niu pajau, thai pajau, pany thai pajau lawh ai nabaly, mymychi phailo mang i no-nachi tama ai nai kai teng y ali u teang ai,” nanai kai ai leu pei bo.

Ezekiela 36:26

Kai ly nangchi ai paleung kangtha hawi ka-dawn kangtha kang pei ai. Nangchi theung i lengseaung kamta tang nai paleung la vui iy, leu tangai nai paleung kang pei ai.

Ezekiela 44:15

Sa thai naira angym nai Areng my, “Na i py takhra Israela chengchi my kai ai nithun thun nai khala, Zadok i kangpreang Levi khumi pathyp pi nai keungchi ly Achura yhm y kai i kalop ai, ka-ym awm parai naimy sa u jojo nai ne. Hunai deaungkho y nichi ly vai, kai i kalop sa nai khumichi lawm u ai. Kai i mo y jeu iy tawnbawichi i thau hawi thi talam u ai.

Levi 1:12

Ni ly huni tawnbawi ai abai chum baly, kalop amsi nai pathyp pi nai keung my nganbawi, lu hawi thauchi ai maicham salo y khai ai nai tla.

Levi 1:8

Naibaly nganbawi akawi, lu hawi thauchi ai theng tleaung y khai ai nai tla.

Levi 16:25

Ni ly maicham tleaung y kamngo pahen nai kapathypra tawnbawi thau leng patlum ai nai tla.

Levi 3:16

Pathyp pi nai keung ly hunichi ai maicham salo y leng patlum ai nai tla. Huni katalamra i mui kahawi ly Areng my kawn pi nai ne; thau ngiereichi ly Areng i vui ne.

Levi 3:2

Huni khumi ly Areng i awmra tabynako katheu pa-khora si katai i lu tleaung y kiu kheang iy, huni si tleh ai nai tla. Aron i chapochi napi nai pathyp pi nai keungchi ly tawnbawi i thi ai maicham makeng palyhreira katheng prei ai nai tla.

Levi 4:10

Pathyp pi nai keung ly leunghawi kapathypra i tawnbawi thau ai leng patlum nai kamta, huni si katai thau ai maicham salo y leng patlum ai nai tla.

Levi 7:30

leng patlum nai katalamra palawn ly amy i kiu hawi syn pi ai nai tla. Ni ly tawnbawi thau hawi amsei ai, Areng i vui talam patyp ai nai syn pi ai nai tla.

Levi 7:5

Pathyp pi ni keung my ly tawnbawira i thau ngiereichi ai, maicham salo y leng patlum ai nai tla. Hini ly kamngo pajengra lawi ai nai Areng teng y talam nai ne.

Levi 9:10

Naibaly ni ly Areng my Mosi teng y leu pei nai kamta, si thau, pakawi seaungruchi hawi, pathym hawi keh naichi ai maicham tleaung y leng patlum bo.

MATTHAI 13:16

Nangchi i mei ly niu nai deaungkho y taham hawi; nangchi i kano ly thai nai deaungkho y taham hawi.

MATTHAI 15:8

‘Hini khumichi ly nichi i labeaung y ly kai ai tahm ang khai i, Mymychi i paleung ly kai hawi palo parai veng;

ROM AVANGCHI TENG Y PAWLA I CHA PA NAI 5:5

naibaly Phailo Kachai achi teng y ang pei nai Tameuh i tamen naira ly achi i paleung y ang lei chum nai deaungkho y athang khai naira my ly amthang hai leaung y leang.

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

1 SAMUELA 2:15

Huni bo y mawi thauchi leng patlum y rai khala y, pathyp pi nai keung i miseaung jeu iy, apathyp thym nai khumi teng y, “Pathyp pi nai keung i vui dang pi ai nai mawi phyrei pei; pathyp pi nai keung ly byh naira i mawi ngai y; mawi kangheng naini ngai khyh,” nanai hnei reng.