Levi 3:17 - Khumi Common Language Bible

¹⁷ Israela chengchi ly thau py, thi py cho ngau y; meingtym tleirei y awm nai Israela cheng bawibawichi ly hini reita teaung patawm jojo ai nai tla.

Levi 3:17 Iomraidhean Croise

ATITI AWM ANGCHEI NAI 9:4

Na i py thi abawi nai mawi cho moh; hengra ly thi y awm nai deaungkho y cho y ai nai, kaimy leu kang pei.

2 NENG SATANG 29:35

Bom verei leng patlum nai kapathypra tawnbawichi bo y, khumichi my cha nai tawnbawi thauchi leng patlum nai, leng patlum nai katalamrachi hawi vanrei, kreip hang talam naichi py, pathyp pi nai keungchi my sa nai kalop ne. Hunai deaungkho y Achura yhm y chiu sa nai ly khaw ali teang bo.

NEHEMIA 8:10

Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

THEU NAI 27:21

Aron hawi ni i chapochi ly Areng i awmra Tabynako theung i Leu Maikawm Pawm y tapang nai kanih ali hang nai angam mang y, huni maisi yhm ly dym mang dengdai khawn mang khrairei, Areng i mo y thawn ai nai tla. Israela chengchi hawi nichi i kangpreangchi ly huni reita patawm jojo ai nai tla.

THEU NAI 28:43

Aron hawi my i chapochi ly kai i awmra Tabynako theung y kun nai khala py, meingtym Kachaira y pathyp pi nai keungchi i kalop sa ai nai maicham sahawi y ahai nai kha y py, kangji nga iy dei y ai nai, huni phangphi kadawichi amchiu ai nai tla. Hini reita ly Aron hawi ni i kangpreangchi teaung patawm jojo ai nai tla.

Ezekiela 33:25

“Sa thai naira angym nai kai, Areng my nichi teng y leu pei nai ly: nangchi ly mawi hawi vanrei thi py cha u. Mynchi chiu iy khumi ai py padei u. Na i py hini pri ai nangchi amtym bo, nanai ati mana nai dawn u lawh mo?

Ezekiela 44:15

Sa thai naira angym nai Areng my, “Na i py takhra Israela chengchi my kai ai nithun thun nai khala, Zadok i kangpreang Levi khumi pathyp pi nai keungchi ly Achura yhm y kai i kalop ai, ka-ym awm parai naimy sa u jojo nai ne. Hunai deaungkho y nichi ly vai, kai i kalop sa nai khumichi lawm u ai. Kai i mo y jeu iy tawnbawichi i thau hawi thi talam u ai.

Ezekiela 44:7

Thau hawi thi ai, kai teng y talam nai thym khala, nichi ly lengkhym takip y nai cheng takhrachi hawi, kai i leu tangai y nai khumichi ai Achura yhm theung y kun ai nai pei iy, kai i Achura yhm chai hai y bo. Hunai deaungkho y kai i khumichi ly mymychi i sa nai amso ngai nai cheaungkhangchi hawimy, kai i Leu Maikawm ai taphra u nai ne.

Levi 10:15

Nichi ly Areng teng y tawnbawi thau talam nai khala, amsei hawi phaichi syn u ai nai tla. Areng my leu pei nai kamta, hini tawnbawi phy ly nang hawi nang i chapo chanauchi i vui ne,” napi.

Levi 10:9

“Nang hawi nang i chapochi ly kreip hang, ti y baly pavui nai amjy nei iy, kai i awmra Tabynako theung y kun u moh. Huna nai sa iy kun u lawh baly, dei u takengkei ai. Hini reita ly nang i kangpreang bawibawichi tangai u ai nai tla.

Levi 16:29

Nangchi ly hini reitachi ai nangmychi deungrei teaung patawm jojo ai nai tla. Saryh lo, kani horei kani y, Israela chengchi hawi nichi theung y awm nai cheng takhrachi py, biu hai iy atiti kalopchi sa ai nai avo y.

Levi 16:34

Nangchi ly hini reitachi ai nangmychi deungrei teaung patawm jojo ai nai tla. Israela chengchi i sa tamang nai kamngo bawibawi lawira nga ai nai, hini reita ai sanengrei y tlenrei sa ai nai tla. Hunaibaly Mosi ly Areng i leu pei nai kamta sa nai ne.

Levi 17:7

Israela khumichi ly Areng ai ka-awi sa naimy daichi theung y tawnbawichi tleh iy, vawinamchi teng y apathyp bi ai nai avo y. Israela khumichi ly hini reita pei nai ai teaung patawm jojo ai nai tla.

Levi 19:26

“Thi abawi nai mawi ly cho u moh. Leung hawi atamchi amtiu u moh.

Levi 23:14

Tameuh teng y talam man y naimy changtha mo, tako taheang nai mo, tako paawp nai mo, cha ai nai avo y. Hini reita ly nangchi i katu chanauchi khrairei sa patawm jojo ai nai tla.

Levi 23:21

Huni kani y kajeu ka-rei i vui kalop so y naimy, chiu sa achu ai nai tla. Nangchi i kangpreangchi ly mani meingtym y awm i py, hini reita leu pei nai teaung patawm jojo ai nai tla.

Levi 24:3

Aron ly Tabynako theung i chai keh nai meingtymra y awm nai Leu Maikawm Pawm mo i kanih ali jang nai angam mang y maisi kateang ai dym tleirei thawn jo ai nai tla. Huni maisi kateang ly Areng i mo y dym mang dengdai khawn mang y khrairei, angvang jo ai nai tla. Nangchi ly hini Reita leu pei nai ai patawm jojo ai nai tla.

Levi 24:9

Hini ly Israela chengchi sa patawm jojo ai nai kalop ne. Hini takochi ly Aron hawi ni i katu chanauchi cha ai nai kavui ne. Pathyp pi nai keungchi i vui Areng teng y talam nai tako ne nai deaungkho y chai keh nai ne i, nichi ly hini tako ai meingtym kachaira cha ai nai tla.

Levi 3:16

Pathyp pi nai keung ly hunichi ai maicham salo y leng patlum ai nai tla. Huni katalamra i mui kahawi ly Areng my kawn pi nai ne; thau ngiereichi ly Areng i vui ne.

Levi 4:1

Areng my Mosi teng y leu pei nai ly

Levi 6:15

Naibaly pathyp pi nai keung ly tako dei kiu angsorei, asitui maidenrei hawi mui kahawichi syn iy, maicham salo y leng patlum ai nai tla. Hini teicha teinei katalamra mui kahawi ai ly Areng my kawn pi nai ne.

Levi 6:18

Aron i kangpreang neampachochi ly Areng teng y talam nai teicha teinei talam naira i phy nga nai ly cha u jojo ai nai tla. Khumi takhra leaungrei ly huni teicha teinei katalamra ai abi lawh baly, huni ly kai i sa thai naira hawi kachai ne nai deaungkho y pa jeng naira tym hai ai.

Levi 6:22

Aron kangpreang theung i pathyp pi nai keung kalen keh sa ai tla nai ngiereichi ly huni katalamra sa jojo ai nai tla. Hini leu pei nai ly deungtasarei tangai ai nai tla. Areng teng y talam nai huni teicha teinei katalamra ly leng patlum be ai nai tla.

Levi 7:23

Israela khumichi i vui y hini reitachi pei pi bo. Si, beram hawi mi-ichi i thau ly cha ai nai tlo y.

Levi 7:34

Tawnbawi amsei hawi lamtang phai ly Areng my Israela khumichi teng i, pathyp pi nai keungchi i vui, langseaung vui pi patyp nai ne. Israela khumichi ly huni phy ai pathyp pi nai keungchi teng y talam pi jojo ai nai tla.

Levi 7:36

Israela chengchi ly hini phychi ai pathyp pi nai keungchi teng y pei nai huni kani y Areng my reita pei pi nai ne. Israela chengchi ly hini reita ai, mymychi deungrei teaung patawm ai nai tla.

Kati Nai 19:21

Nangchi ly hini reita ai vai mo mang py teaung patawm jo ai nai tla. Kachai sa nai tui katheng nai khumi py, mymy i ateaungchi pasiu ai nai tla; huni tui ai nam nai khumi ly dym mang y khrairei chai y ai.

MATTHAI 16:24

Hunaibaly Isu ly abangnaichi teng y, “Ami py kai teng y abang ai nai ngai baly amy i kangai khai su iy, amy i kraws apu naimy kai teng y abang sy.

MATTHAI 26:28

“nangchi bawibawi nei u; hini ly kai i thi, kamngo pahen ai nai khumi neangneangchi i vui theu nai leu maikawm ne.

AMTAW 15:29

myn y apatyp nai mawi hawi, thi hawi, taau ka nai mawi cha nai hawi, angai nai hawi anawn u, kang napi; hunichi ly nangchi amkym baly nangchi i vui hawi ai; noso kahawi awm u ba,” nanai tajiu.

EPHESI 1:7

achi ly mymy y ly mymy i thi deaungkho y atleu naira nga, mymy i pahen nai nang parai nai sai kamta achi i taphra nairachi ang pahen nai bo.

EPHESI 5:26

tui y paju naira y hawi leu thui naira y py khai takhra iy chai hai thai ai nai hawi,

Leu Thui Nai 12:16

Na i py tawnbawichi i thichi ly cho u moh; tui lai nai kamta khaileaung y lai vui ai nai tla.

Leu Thui Nai 12:23

Na i py thi ly hengra ne i, cho ngau y. Hunai deaungkho y thi abawi nai mawi ly cho u moh.

Leu Thui Nai 12:24

Thi ly cho u moh. Tui lai nai kamta khaileaung y lai vui ai nai tla.

Leu Thui Nai 15:23

Na i py thi ly cho u moh; tui lai nai kamta thi ly khaileaung y lai vui ai nai tla.

Leu Thui Nai 32:14

Nichi i sichi, mi-ichi my kanu tui neangneang nga hai; nichi ly ti hawi keh nai sichi, beramchi hawi mi-ichi awm iy, lym patyp nai chohpui hawi, hawi keh nai kreip hang py cha nei ai nai nga u bo.

I TIMOTHEI 4:4

Tameuh i atiti sa nai cheaungkhang ly hawi, naibaly kawn nai leu thui iy nga nai kha y ly amjy ha py ngai y ai nai tlo y: