Levi 3:16 - Khumi Common Language Bible

¹⁶ Pathyp pi nai keung ly hunichi ai maicham salo y leng patlum ai nai tla. Huni katalamra i mui kahawi ly Areng my kawn pi nai ne; thau ngiereichi ly Areng i vui ne.

Levi 3:16 Iomraidhean Croise

ATITI AWM ANGCHEI NAI 4:4

Naibaly Abela py mymy i beram cho chalu tleh iy ngan bawi hawi keh naichi Areng teng y talam teang. Areng my Abela hawi mymy i talam nai ai ly kawn pi.

2 NENG SATANG 29:35

Bom verei leng patlum nai kapathypra tawnbawichi bo y, khumichi my cha nai tawnbawi thauchi leng patlum nai, leng patlum nai katalamrachi hawi vanrei, kreip hang talam naichi py, pathyp pi nai keungchi my sa nai kalop ne. Hunai deaungkho y Achura yhm y chiu sa nai ly khaw ali teang bo.

2 NENG SATANG 7:7

Solomon ly Achura yhm mo y awm nai sala i ly-um khai takhra chum baly, huni meingtym y leng patlum nai kapathypra, amti amjang talam nai, amkawm nai katalamra i thauchi talam bo. Hina nai sa nai ly samrang i sa nai kheupaja maicham ly huni katalamra bawibawichi i vui theang ala nai deaungkho y ne.

THEU NAI 29:13

Naibaly si takutara i thau ngierei, pathymra i thau, pakawi seaungru nyhrei hawi vanrei, thauchi ai maicham tleaung y leng patlum ai nai tla.

THEU NAI 29:22

“Beram katai thau, thau awm nai tamai, taku tivi thau, pathymra i thau, pakawi seaungru nyhrei hawi, hunichi ai bam nai thau hawi lamtang phai leng vui ai nai tla.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

Ezekiela 44:15

Sa thai naira angym nai Areng my, “Na i py takhra Israela chengchi my kai ai nithun thun nai khala, Zadok i kangpreang Levi khumi pathyp pi nai keungchi ly Achura yhm y kai i kalop ai, ka-ym awm parai naimy sa u jojo nai ne. Hunai deaungkho y nichi ly vai, kai i kalop sa nai khumichi lawm u ai. Kai i mo y jeu iy tawnbawichi i thau hawi thi talam u ai.

Levi 17:6

Pathyp pi nai keung my thi ai ly Tabynako katheu pa-kho sahawi i maicham makeng palyhreira y katheng prei ai nai tla. Naibaly thau ai ly leng patlum nai deaungkho y, Areng my kawn nai mui kahawi amseaung hai ai.

Levi 4:26

Naibaly leunghawi kapathyp tawnbawichira i thau ai leng patlum nai kamta, mi-i thau ngiereichi ai, maicham salo y leng patlum ai nai tla. Hunai kamta khyp pathyp pi nai keung ly peang nai keung samrang i kamngo molam talam nai deaungkho y, huni samrang ly kamngo lawi naira nga ai.

Levi 4:31

Naibaly leunghawi apathyp nai tawnbawichira i thauchi la nai kamta, mi-inu ra i thau ngiereichi la iy, maicham salo y leng patlum ai nai tla. Hini talam nai mui kahawi ai ly Areng my kawn pi nai ne. Pathyp pi nai keung ly hina nai kamta khumi leaungrei i kamngo molam talam pi nai deaungkho y, huni khumi ly kamngo pahen naira nga ai.

Levi 8:25

Ni ly beram kathau, tamai, takutara i thau, pathymra i thau, pakawi seaungru hawi hunira i thau hawi lamtang phaichi la nai ne.

Levi 9:24

Naibaly ly Areng ly tlenrei khyhmy mai kangveaung tla hai miu iy, maicham tleaung i leng patlum nai tawnbawi hawi thauchi kang hai bo. Khumi bawibawichi ly huni leaungsaichi niu nai khala, aeu iy khaileaung y ambeu u bo.

MATTHAI 22:37

Naibaly mymy ly niteng y, “Nang i Areng Tameuh ai ly nang i paleung verei hawi, nang i phailo verei hawi nang i dawn nai bawibawi hawi nang tamen ai nai tla.