Levi 3:1 - Khumi Common Language Bible

¹ Khumi ami py mymy i si katai hawi leunghawi kapathypra talam ai na baly, huni si ly no-na by y nai si katai, ti y baly si nu ne ai nai tla.

Levi 3:1 Iomraidhean Croise

1 NENG SATANG 21:26

Areng i vui maicham sa iy leng patlum nai kapathypra hawi amkawm nai kapathyprachi talam bo. Samrang chiu sa nai khala, Areng ly maicham salo i tawnbawichi mai kang ai nai molam, kani mang dengdairei mai pala pi bo. Hina nai kamta samrang i chiu sa nai pathang pi nai ne.

THEU NAI 20:24

Apathyp ai nai vui y khaileaung hawi maicham sa ai nai tla; huni maicham salo y nang i beram, si, mi-i tawnbawi bom verei ai py, leunghawi kapathypra py, leng patlum ai nai tla. Kai ai chiu ai nai khai takhra nai meingtym tleirei y kang jeu iy amtheaung hai ai.

THEU NAI 24:5

Naibaly ni ly Israela cheng thawndeangchi ai pacheang i, nichi ly sichi tleh iy Areng teng y leng patlum nai kapathypra, leunghawi kapathyprachi talam u nai ne.

THEU NAI 29:28

Kai i khumichi ly leunghawi kapathyprachi talam nai khala, tawnbawi amsei hawi phai ly pathyp pi nai keungchi i vui mawi phy ne, nanai reita leu ai teaung patawm jo ai nai tla. Hini ly khumichi my kai Areng ai talam nai kapathypra ne.

LEU KACHENG 7:14

“Vaini kai ly apathyp nairachi katalam chum bo i, kai teng y mawi anchi awm.

Ezekiela 43:27

Kani saryhrei bo y pathyp pi nai keungchi ly khumichi i vui leng patlum nai kapathyprachi, amkawm nai kapathyprachi talam amteaung ai nai tla. Huna nai khala kai ly nangchi bawibawi ai kang kawn pi ai. Hini ly sa thai naira angym nai kai, Areng my pei nai leu ne,” napi.

Levi 1:10

Huni khumi ly beram, ti y baly mi-i hawi apathyp ai na baly, huni tawnbawi ly no-na by y nai tawnbawi katai lawm ai nai tla.

Levi 1:3

Si hawi leng patlum nai apathyp ai na baly, huni si katai ly no-na awm ai nai tlo y. Areng my ni ai kawn pi ai nai, ni ly huni si katai ai Areng i awmra Tabynako katheu pa-khora y syn ai nai tla.

Levi 17:5

Hini reita i pany hai ai ngai nai ly vaichi khala Israela chengchi ly tawnbawichi ai daichi mang y tleh nai ne i py, vai ly Areng i mo y tleh hai nai ne. Nichi ly tawnbawichi ai Tabynako katheu pa-khora pathyp pi nai keung teng y syn pi iy, leunghawi kapathypra talam ai nai tla.

Levi 3:6

Beram, ti y baly mi-i hawi leunghawi kapathypra talam ai na baly, no-na by y nai katai, ti y baly nu talam ai nai tla.

Levi 9:18

Ni ly khumichi i vui leunghawi kapathypra talam ai nai si katai hawi beram katai py tleh bo. Ni i chapochi ly ni teng y thi maidenrei syn iy, ni my maicham makeng palyhreira y katheng pi bo.

Levi 9:4

si katai harei hawi beram katai harei ai leunghawi kapathypra py talam ai nai tla, nanai Israela chengchi teng y thui pi. Nichi ly huni tawnbawichi ai asitui katlen nai teicha teinei hawi vanrei, Areng teng y talam ai nai tla. Vaini Areng ly nangchi teng y ang jeu ai,” napi.

AMOS 5:22

Nangchi i leng patlum nai kapathyp, teicha teinei talam naichi ai kai aly ngai y. Veung hawi nai tawnbawichi hawi apathyp nai py, kai aly ngai y.

MALAKHI 1:14

Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

MALAKHI 1:8

Nangchi ly mei paju, no nga, ti y baly kheu tleu nai tawnbawichi talam ai nai syn u nai khala, nangchi teng y kamngo by y, nanai apalawn u nai sai a? Hina nai beram hawi sichi ai, samrang i bangtang kalen teng y talam u cham! Ni ly nangchi ai kawn na a? Meimai kahawi py pei na a?” napi.

Kati Nai 15:8

Areng teng y si katai hawi leng patlum nai kapathypra, ti y baly vaineng lawi y ai nai kapathypra, ti y baly leunghawi kapathypra y talam nai khala,

Kati Nai 6:14

Ni ly leng patlum nai kapathypra i vui y no-na by y nai sanengrei awm khyh nai beram katai harei, kamngo pahen nai kapathypra i vui y no-na by y nai beram nu harei hawi, leunghawi kapathypra i vui y no-na by y nai beram katai harei, Areng teng y talam ai nai Tabynako katheu pa-khora y syn ai nai tla.

Leu Thui Nai 12:27

Huni chiu naira meingtym Areng i maicham tleaung y leng patlum nai kapathypra talam ai nai tla. Maicham tleaung y tawnbawi thi lei iy nangchi cha ai nga nai apathyp nai tawnbawi mawichi py, talam u ai nai tla.

KOLOSA 1:20

mymy y ly ati cheaungkhang amy hawi aly hai nai ly Ampo i paleung ngai nai tatang ne; mymy kypkyp y ly khaileaung pri y atiti awm naichi ai hawi, kani mang y atiti awm naichi ai py aly hai nai ly.

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

I JOHAN 1:3

nangchi py kaichi hawi amkawm teang thai ai nai, huni kaichi i nui nai hawi thai nai ly nangchi teng y kang thui pi nai he; ne, naibaly kaichi hawi amkawm nai ly Ampo hawi, mymy i Chapo Isu Krista hawi amkawm nai ne:

TARA CHIH NAI KEUNGCHI 20:26

Huna nai khala Israela cheng bawibawichi ly Bethela mary y chei iy vo u. Nichi ly Areng i mo y ateh iy, kani dym nai pa-rei biu hai u bo. Nichi ly Areng i mo y amkawm nai kapathypra hawi leng patlum nai kapathyprachi talam u.

TARA CHIH NAI KEUNGCHI 21:4

Khumichi ly khawn khutawi kangthodyh khalaang thau u iy, huni meingtym y maicham sa u i, amkawm nai kapathypra hawi leng patlum nai kapathypra talam u.