Levi 27:26 - Khumi Common Language Bible

²⁶ Tawnbawi tapen man nai cho chalu ly Areng i vui ne nai deaungkho y, amimi py hunichi ai paleung kangai katalamra palawn iy, Areng teng y talam ai nai avo y. Si cho, beram cho, mi-i cho, hunichi ly Areng i vui ne;

Levi 27:26 Iomraidhean Croise

2 ARENG KEH 7:5

Hunaibaly nichi ly dym tengsa neng khala, Suria tavaimichi i Tai naira mang y chei u tapai bo. Na i py huni meingtym y nichi tym u nai khala ly khumi leaungrei ai py avum y.

NEHEMIA 10:36

Reita leu pei nai cha-iu theung y dawn hai nai kamta, kaichi ly Tameuh teng y talam ai nai molam y kaimychi i chapo chalu ai py, kaimychi i si, beram, mi-ichi i tapen nai cho chalu ai py, Achura yhm i pathyp pi nai keung teng y syn pi ai.

THEU NAI 13:2

“Chapo chalu ngierei ly kai i vui khai takhra ai nai tla; Israela chengchi i chapo chalu ngierei hawi tawnbawi cho chuluchi ngiereichi py kai i vui ne,” napi.

THEU NAI 22:30

Nang i tawnbawi cho chalu katai hawi beram cho katai chalu py kai teng y talam ai nai tla. Kani saryhrei ly amhm hawi khai iy tajarei kani y ly kai teng y talam ai nai tla.

Levi 27:27

na i py chai y nai tawnbawi cho chalu ai ly apani nai vang bo y chungphy apomrei vang tleang bi iy, van teang ai nai tla. Huni tawnbawi ai van teang y lawh baly, takhra khumi teng y apani nai vang hawi jo pi ai nai tla.

Kati Nai 18:17

Na i py si, beram hawi mi-ichi i cho chaluchi ai ly kai teng y talam chum veng nai deaungkho y atleu ngau y, apathyp ai nai tla. Huni tawnbawichi i thi ly maicham salo y katheng iy, thau ai ly katalamra y leng patlum ai nai tla. Huni mui katui ai ly kai Areng my kawn nai ne.

Leu Thui Nai 15:19

“Nangchi i si hawi beram cho chalu katai bawibawichi ly nangchi i Areng Tameuh i vui y khai takhra ai nai tla; si chaluchi ai kalop so hai moh, beram chalu ai py mui takip moh.