Levi 26:7 - Khumi Common Language Bible

⁷ Nangchi ly nangmychi i paleung ka-echi ai tiu nai pajau u ai;

Levi 26:7 Iomraidhean Croise

1 NENG SATANG 19:15

Huna nai preang nai ai Ammon tavaimichi niu nai khala, nichi py Abisai i mo mang preang u iy, mary theung mang y athawn u. Naibaly Juaba ly Jerusalem mary y vawi ali teang bo.

ESTHER 9:16

Pri khu ka-peangchira y awm u nai Juda chengchi py, mymychi dei y ai nai amtang u bo. Nichi ly mymychi ai niu ngai y nai khumi leaung sang saryh taja chungvai pangreichi ai padei nai hawimy, paleung ka-echi ai tamyh u nai ne. Na i py vawnsaichi ly lawm pi y.

SAM 81:15

Kai ai niu ngai y nai khumichi ly kai i mo y jei kaji naimy, lu meung u ai; nichi ly deungtasarei pajeng naira avum u ai.

Levi 26:36

“Nangchi ly pri takhra y awm u nai thym khala, ali aho nai dengkeaung ngam katyn thai nai hawimy jei hyn iy, preang u ai. Nangchi ly tavai keung y paleung ka-e my preng nai y angpreng u nai kamta, angpreng ai. Nangchi sahawi y paleung ka-echi by y teu i py, nangchi ly atlym u ai.

Levi 26:6

“Kai ly nangchi i pri y tlamsa hai nai deaungkho y, nangchi ly vum y ka-jeira molam paleung mawn naira by y naimy, i nem ai nai nga u ai. Kai ly nangchi i pri i nai mawi kasichi paryh pi pawn ai. Tavai takai ly avum bi ai ny y.

Levi 26:8

nangchi mang i khumi leaung pangreichi ly paleung ka-e leaung chungvaireichi ai mo, nangchi mang i khumi leaung chungvaireichi ly paleung ka-e leaung meaungkateaungreichi ai mo, tiu nai pajau u ai.

Leu Thui Nai 28:7

“Areng ly nangchi ai tiu nai paleung ka-echi ai sum hai ai. Nichi ly lam harei mang tiu ai nai ang jeu i py, lam takhrakhra mang preang u akyhkyh ai.

Leu Thui Nai 32:30

Khumi leaung sangreichi ai leaungrei my, khumi leaung meaungkateaungreichi ai leaung nyhrei my ati mana nai tiu pajau nai mo? Nichi i Areng Tameuh my nichi ai khai su nai deaungkho y, nichi i ati cheaungkhang sa thai nai Tameuh my nichi ai sum hai nai deaungkho y ne.

JOSUA 23:10

Nangchi i Areng Tameuh ly adeu nai kamta, nangchi i vui tavai tiu pi nai deaungkho y, nangchi theung i risa leaungrei my paleung ka-e leaung sangreichi ai ahei hai phro pajau nai ne.

TARA CHIH NAI KEUNGCHI 15:15

Naibaly ni ly jangvai my dei nai keaungngo kano kasau i kajai hiu harei niu i akhui iy, huni hawimy khumi leaung sangrei ai padei bo.

TARA CHIH NAI KEUNGCHI 4:16

Barka my py my i ka-richi hawi tavaimichi py cheng takhra khumichi awm nai Haroset mary y tym pa-rei hui i, Sisera i tavaimichi ly leaungrei py tleaung y na pa-rei dei u nai ne.

TARA CHIH NAI KEUNGCHI 7:23

Huna nai khala Naphtali hawi Aser cheng theaungchi ai py, Manase khu ka-peang nyhrei i khumichi ai py palau mei iy, nichi ly Midian chengchi ai preng u bo.

1 SAMUELA 14:13

mawi sala lam dengdairei ava naimy theu hawi bo; thawndeang py ni i nithun abang bo. Jonathan ly Philistia chengchi ai khyh pakhau iy nui pawn, thawndeang py nichi ai tleh nai ne.