Levi 26:6 - Khumi Common Language Bible

⁶ “Kai ly nangchi i pri y tlamsa hai nai deaungkho y, nangchi ly vum y ka-jeira molam paleung mawn naira by y naimy, i nem ai nai nga u ai. Kai ly nangchi i pri i nai mawi kasichi paryh pi pawn ai. Tavai takai ly avum bi ai ny y.

Levi 26:6 Iomraidhean Croise

2 ARENG KEH 2:24

Elisa ly alengli iy nichi ai khen kalingie chum baly, Areng i amyn hawi nichi ai pasawi. Naibaly daichi theung mang tavym nu nyhrei theu iy, huni deaungdi leaung 42 reichi ai be piupa bo.

1 NENG SATANG 22:9

Na i py mymy ly kai ai leu adeu pi bo. Mymy ly ‘Nang ly tlamsa naimy pri peang pajau nai chapo leaungrei nga ai. Ni ly my i paleung ka-echi hawi tlamsa naimy awm pajau ai nai kaimy pei ai. Ni ly my i peang nai deung y Israela chengchi ai tlamsa naimy khai iy, “Solomon,”nanai amyn nga ai.

2 NENG SATANG 20:30

Hunai deaungkho y Jehoshapha ly tlamsa naimy peang ai nai nga. Tameuh my ni i pri meingtym tleirei y chymme naira awm hai bo.

JOBA 11:19

Nang ly mani paleung ka-e ai py, jei hyn ai ny y. Khumi mipuichi malawn py, nang teng y kasabawmra hnei u ai.

JOBA 5:23

Nang i sa nai li hlauchi ly lengseaungchi awm ai ny y. Daichi mawichi ly mana khala py, nang ai tabau ai ny y.

SAM 144:14

Kaichi i sichi py kapawm ju nai hawi, dei tama naichi by y naimy neangneang peung sy. Kaichi i lam ly patang naira avum nai khumichi i vo tangam nai raawichi awm moh sy.

SAM 147:14

Mymy ly nang i mary apai katheu ai chymme pa-rei khai iy, nang ai hawi keh nai chohpui chamaw hawi paleung tuinem hai ai.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 3:5

Areng ly kai ai vum torei kry nai deaungkho y, aseaung naimy i-nem ai nai nga bo.

SAM 4:8

Kai ly aseaung nai khala y awmnem naimy i nem bo; aw Areng, nang naini kai ai chymme naimy awm ai nai pei nai ne.

SAM 85:8

Kai ly Areng Tameuh i leu pei nai ai tangai naimy awm bo; achi ly amychi i hawi y nai lam ai khai su baly mymy ly mymy i khumichi napi nai achi ai awmnem naira pei ai, nanai adeu pi bo.

THEU NAI 23:29

Kai ly huni khumi cheng bawibawichi ai sanengrei sala y my, kapatheu be ai ny y; huna nai kapatheu be lawh baly, huni pri ly daichi mawichi khri pa-rei hyn ai i, khumeung khuram lawm vui na.

LEU KACHENG 3:24

Nang ly i angvyn nai khala, jeira awm ai ny y; vumtorei py i nem ai.

LEU KACHENG 6:22

Nichi i patiu pi nai leuchi ly nang khuleaung amsa nai khala, lam ang patei ai. Vum y nang ai ang kry ai i, kanithun y ly nang ai tau ang pei ai.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 35:9

Huni meingtym y mani khrangsi py awm ai ny y; Huni meingtym mang y mani mawi kasichi py, jeu ai nai nga ai ny y. Areng my atleu nai khumichi ly huni lam mang mychi i avang saleaung y vawi ai nai nga u ai.

ISAIA 45:7

Kai ly kangvang hawi kaveng ai sa. Amtheaung naira hawi ka-jeira ai py sa. Kai, Areng ly hini bawibawichi ai sa nai ne.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

JEREMIA 30:10

“Kai i khumichi awi, jei u moh; Israela khumichi awi, jei nai kaso theu u moh. Langheng y hawi iy nangchi awm u nai pri, huni pri kamlo dengdairei, nangchi ai kaimy atleu ai. Nangchi ly vawi teang iy tlamsa naimy awm u ai. Ami my py nichi ai pajei ai nai nga ai ny y.

JEREMIA 31:26

Hunaibaly khumichi my, ‘Kaichi ly i nai bo y, khesere naimy anglaw bo,’ nanai thui u ai.

Ezekiela 14:15

“Ti y baly kaimy khumichi ai tamyh ai nai mawi kasichi pato ai; huni pri y khumi angso savai tlang iy aki aleaung thai y na pa-rei, mawi kasichi deaungkho y khri pa-rei ka-jeira awm ai.

Ezekiela 14:17

“Ti y baly kaimy huni pri y tavai atiu hai ai i, khumi hawi tawnbawichi raurei tamyh pawn ai nai taphra thai nai haichi pato nai khala y,

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 34:25

Nichi i vui ka-ym awm ai nai kai ly nichi hawi aly nai Leu Maikawm asa ai. Ka-jei awm nai mawi kasi bawibawichi ai pri theung i nai patheu pawn ai. Huna khala naini kai i beramchi ly chymme naimy thengreung theung y awm u ai i, daichi theung y i u ai.

Ezekiela 34:27

Dengkeaung keungchi ly athai iy khaileaung my amti amjang patheu pi ai. Khumi bawibawichi ly mymychi i pri y chymme naimy awm u ai. Kai ly kaimy i khumichi ai pakheng nai sengkrychi su pi iy, nichi ai miseaung i nai lawi hai nai khala, kai ly Areng ne, nanai nichi pany u ai.

Ezekiela 5:17

Nang i cho chanauchi ai dei hai ai nai daichi mawi kasichi hawi cha nei takang nai py, nang ai padei ai nai no kanghawi khrukhra naira hawi tavai takaichi py kang pato ai. Hini ly kai, Areng i leu pei nai ne,” napi.

HOSEA 2:18

Huna nai khala kai ly mawi kasi, tavo cheaungkhangchi hawi leu maikawm asa iy, haisau, thailiho chyn hawi tavai atiu naichi py, pri y by y vui nai deaungkho y, kai i khumichi ly tlamsa naimy awm ai nai nga u ai.

HOSEA 2:20

Kai i adeu nai vaineng molam y, kai ly nang ai pom ai. Nang ly kai ai Areng ne, nanai pany jo ai.

Levi 25:18

Nangchi ly nangchi i pri theung y chymme naimy awm u thai ai nai Areng i reitachi hawi leu pei naichi tangai u.

Levi 25:19

Khaileaung i amti amjangchi nga nai deaungkho y, nangchi ly kajeu kawi pa-rei cha iy, chymme naimy awm u ai mang.

Levi 26:22

Kai ly nangchi i awm naira y mawi kasichi kapato ai i, nangchi i cho chanauchi, si, beramchi ai kei hai ai. Khumi maidenreichy awm khyh nai y, aki aleaung nai khumi angso awm ai ny y.

Levi 26:25

Nangchi ly kai i Leu Maikawm taphra nai molam y, nangchi teng y tavai takai tym hai ai. Huna nai khala nangchi ly marychi mang preang iy abyh u baly, kai ly nangchi teng y asi sa iy hawi thai y nai no-nachi kang tym hai ai i, nangchi ly paleung ka-echi teng y tym u ai.

Levi 26:7

Nangchi ly nangmychi i paleung ka-echi ai tiu nai pajau u ai;

MIKHA 4:4

Khumi luteng ly mymychi i kreip akho, mymychi i thaidu keung akho theung y jei y naimy, tlamsa nai awm ai nai nga u ai. Hini ly ati cheaungkhang sa thai nai Areng my pei nai leu ka-deu ne.

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

HAKAI 2:9

Achura yhm kangtha ly Achura yhm kangngym tleaung y apu keh ai. Huni meingtym y kai ly kaimy i khumichi ai nang chawn hai iy, tlamsa naira pei ai, napi. Hini ly ati cheaungkhang sa thai nai Areng my thui nai leu ne.

ZEKHARIAH 9:10

Areng my, “Kai ly Israela pri i tavai keaungngo ka-richi paheng pi vui iy keaungngochi ai Jerusalem mary mang y pahawi ai; Tavai keung y teaung nai thailihochi ai py, kataphra pawn ai. Nangchi i samrang ly pri tleireichi hawi, tavai atiu y ai nai sa chum baly, pangli harei dengdairei, takhra pangli mang py, Euphrat tavo dengdairei, khaileaung pri katem mang y khrairei py peang ai,” napi.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

AMTAW 12:6

Naibaly Heroda my ni ai hawi ai nai khala y, huni vum y ly Petera ly sangkry nyhrei pachu naimy tavaimi leaung nyhrei sala y i, typ nai keungchi py katheu pa-kho ahawi y awm i theaung y typ.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;