Levi 26:42 - Khumi Common Language Bible

⁴² kai ly Abraham, Isaka, Jakobchi hawi asa nai Leu Maikawm ai pany jo iy, huni Leu Maikawm saho y kai i khumichi ai Kanan pri kapei pi nai ne.

Levi 26:42 Iomraidhean Croise

ATITI AWM ANGCHEI NAI 15:18

Huni neng huni meingtym y Areng ly Abram hawi Leu Maikawm asa bo. Mymy ly Abram teng y, “Nang i kangpreangchi teng y, Aikupta pri khujyh dengdairei Euphrat tavo tym pa-rei,

ATITI AWM ANGCHEI NAI 26:2

Areng my Isaka teng y amteng i, “Nang ly Aikupta pri y chei moh; kaimy kang thui pi nai pri y awm.

ATITI AWM ANGCHEI NAI 26:24

Huni vum y Areng ly ni teng y amteng i, “Kai ly ngampo Abraham i Tameuh ne, mawn moh; kai ly nang hawi vanrei awm ai. Kai i miseaung Abraham teng y leu adeu nai kamta ly nang i kangpreangchi peung hai ai mang, nang ai py amtheaung hai ai,” napi.

ATITI AWM ANGCHEI NAI 26:5

Abraham ly kai i leu tangai iy, kai i reita hawi leu pei naichi patawm nai deaungkho y, kai ly nang ai amtheaung naira pei ai,” napi.

ATITI AWM ANGCHEI NAI 28:13

Naibaly Areng ly mymy sahawi y angdo naimy, “Kai ly Abraham hawi Isaka i Areng Tameuh ne, kaimy nang i aseaung nai khaileaung ly nang hawi nang i kangpreangchi teng y kang pei ai.

ATITI AWM ANGCHEI NAI 28:15

Kai ly nang hawi vanrei awm iy nang i chei naira tleirei y kaimy kang kry ai; kaimy kang awm hai ai; nang ai hini pri y kang pahawi ali teang ai. Nang hawi adeu nai leu angym y ryrei ly nang ai kang khai su y leang mang, nanai leu kang pei nai ly nang pany jo ai nai tla,” napi.

ATITI AWM ANGCHEI NAI 35:11

Naibaly Tameuh my ni teng y, “Kai ly ati cheaungkhang sa nai Tameuh ne; cho chanau neangneang peung sy. Nang i dengdairei khumi cheng cheaungkhang angpreng ai i, nang ly samrangchi i amsi sangum lawm ai.

ATITI AWM ANGCHEI NAI 35:12

Kai my Abraham hawi Isaka teng y pei nai pri ly nang ai kang pei ai; nang bo y nang i kangpreangchi teng y py pei ai,” napi.

ATITI AWM ANGCHEI NAI 9:15

kaimy heng nai amjy cheaungkhangchi ai py, amso mawichi ai py, tui hawi taphra bi y leang bo, nanai nang teng y leu adeu nai ly kapany jo ai mang.

ATITI AWM ANGCHEI NAI 9:16

Tamai salo y seaungjai amteng nai kaniu nai kha y, khaileaung salo y heng nai amjy cheaungkhangchi hawi, kai hawi sala deungtasarei Leu Maikawm asa nai ai ly kapany jo ai.

ESTHER 4:14

Nang ly vai hini neng y ati sai py so naimy awm pypy vui lawh ai na baly, Juda chengchi ly kani pri mang i dengdairei kasabawmra nga iy atleura nga ai. Na i py nang ai ly ang padei ai i, ngampo i yhmtheaung py tama ai; nang samrangnu lawm nai ly hini neng i vui y ne na a!” napi.

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 136:23

Mymy ly achi sum nai khala y achi ai tami vui y leang; mymy i tamen nai ly deungtasarei ne.

THEU NAI 2:24

Tameuh my Abraham, Isaka, Jakob hawi Leu Maikawm sa nai ly pany pi bo.

THEU NAI 6:5

Vai kai ly Aikupta chengchi teng y miseaung achei nai Israelachi i vo tangam nai raawi ly kathai nai deaungkho y, Kaimy i leu maikawm ai py kapany pi nai ne.

ISAIA 14:1

Areng ly mymy i khumi Israela chengchi ai pahen ali teang nai ne. Mymy i khumichi palawn ai nai vawi takhra ai. Mymy ly nichi ai mychi i saleaung khutengra y awm u ali teang ai nai pei ai. Cheng takhra khumichi ly jeu iy nichi hawi vanrei awm u ai.

Ezekiela 16:60

Na i py nang deaungdi khala, kai i sa nai Leu Maikawm ai adawn ali teang iy, nang hawi deungtasarei khaw nai Leu Maikawm asa ai.

JOELA 2:18

Naibaly Areng ly mymy i pri vui, paleung mawn nai amteng hai iy, mymy i khumichi ai pahen nai ne.

LUKA 1:72

Mymy i miseaung Davida i dengtheungchi theung y ly paheng nai taki py ang sa pi bo.

Leu Thui Nai 4:31

Areng ly pahen parai nai Tameuh ne. Mymy ly nangchi ai khai su y ai i, tama py tama hai vui ai ny y. Mymy ly nangchi i amsi pajochi hawi asa nai Leu Maikawm ai py tami pi ai ny y.

Leu Thui Nai 9:27

Nang i Abraham, Isaka hawi Jakobchi ai pany pi iy, hini khumichi i paleung tang nai, khumi aso y nai, kamngo naichi ai pahen pi kyh ba.

TARA CHIH NAI KEUNGCHI 2:1

Areng i kani pri amtaw thau nai ly Kilakala mary dengdairei, Bokhim mary mang y chei iy Israela chengchi teng y, “Kai ly nangchi ai Aikupta pri dengdairei pahawi iy, nangchi i amsi pajochi teng y kaimy adeu nai pri mang y kangtha pi bo. Kai ly nangchi hawi asa nai Leu Maikawm ai mana khala py, kataphra ai ny y.