Levi 26:41 - Khumi Common Language Bible

⁴¹ kai ly kado theu nai deaungkho y, mychi i paleung ka-echi pri mang y, pri kapala nai ne. Kangkhym y nichi i kangpreangchi ly paleung tang nai nau vui iy mymychi i kamngo hawi tiu nai molam y pajeng naira avum chum nai khala,

Levi 26:41 Iomraidhean Croise

1 ARENG KEH 21:29

“Kai i mei ka-niu y Ahab ly mana tanrei paleung apanem mo, nanai niu a? Ni ly nina tanrei apanem nai deaungkho y kai ly ni i deung y patang naira tym hai ai ny y. Ni i chapo deung, ni i yhm dengtheungchi i tlang tleaung y patang naira katym hai ai,” napi.

2 NENG SATANG 12:12

Samrang ly Areng i mo y tahm apanem nai deaungkho y, Areng i kado theu nai ly ni i tlang tleaung y tym hai bebe y leang. Naibaly Juda pri y py tlamsa naira nga nai ne.

2 NENG SATANG 32:26

Kangkhym y Hezekia hawi Jerusalem mary i khumichi ly tahm anem nai paleung awm u nai deaungkho y, Areng ly Hezekia i deung y khumi mipuichi ai pajeng pi y nai ne.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 33:23

Na i py ni ly ampo kamta paleung apanem naimy Areng teng y ahihawi y. Ampo tleaung y malawn py kamngo sa nai ne.

EZARA 9:13

Kaichi ly kaimychi i kamngo nai molam y hina tanrei pajeng naira avum u teu i py, aw kaichi i Tameuh, nang ly kaichi i tlang tleaung y pajeng ai nai avo khyp teu i py, nang i pahen nai saho y tlang vui tem hai y nai ne, nanai kaichi pany.

EZARA 9:15

Aw Israela chengchi i Areng Tameuh, nang ly leu meitang teaung nai keung ne. Na i py nang ly kaichi ai heng ai nai pei bo. Kaichi ly kaimychi i kamngo nai y ahui u bo. Hini kamngo nai deaungkho y nang i mo y jeu vam ai nai leaungrei py by y,” nanai takeng nai ne.

NEHEMIA 9:33

Kaichi i tlang tleaung y nangmy pajengra tym hai nai ly hawi khyp nai bo; kaichi ly kamngo sa tamang u teu i py, nang ly ka-ym awm nai ne.

SAM 39:9

Nang ly kai i tlang tleaung y hina nai no patang hai nai deaungkho y, kai ly kaawm pypy ai; leu sairei py katheu y leang bo.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

Ezekiela 14:23

nang ly nichi i amhi amtlau nai saichi niu nai khala, kai ly ati mo ra py so atyhtyh y leang, nanai hawihai pany ai,” napi. Hini ly sa thai naira angym nai Areng i thui nai leu ne.

Ezekiela 20:43

Huna nai khala y nangchi ly nangmychi i sa nai amso ngai nairachi molam y, amymy ai apaso iy nangmychi ai mana tanrei chai y na mo, nanai adawn vau ai. Huna nai khala y nangmy ai nangmy apaso ai.

Ezekiela 44:7

Thau hawi thi ai, kai teng y talam nai thym khala, nichi ly lengkhym takip y nai cheng takhrachi hawi, kai i leu tangai y nai khumichi ai Achura yhm theung y kun ai nai pei iy, kai i Achura yhm chai hai y bo. Hunai deaungkho y kai i khumichi ly mymychi i sa nai amso ngai nai cheaungkhangchi hawimy, kai i Leu Maikawm ai taphra u nai ne.

Ezekiela 44:9

“Lengkhym takip y nai cheng takhra khumichi, kai i leu tangai y nai khumichi, Israela chengchi hawi vanrei awm nai cheng takhra khumichi ne lawh teu i py, kai i Achura yhm theung y kun ai nai nga u ai ny y, nanai sa thai naira angym nai kai, Areng my pei nai leu ne,” napi.

Ezekiela 6:9

Nichi ly huni meingtym y pri palara avum nai khumi kamta awm u ai. Huna nai khala law tleaung nai khumichi ly kai ai pany u ai. Mymychi i ka-ym by y nai paleung hawi kai ai khai su iy, mynchi ai kai tleaung y paleung bie u keh nai deaungkho y, kai ly mana tanrei paleung si na mo, nanai pany u ai. Hunaibaly mymychi i sa nai hawi y naichi molam y mymychi naimy apaso u ai.

Levi 26:24

kai ly nangchi ai nithun thun pi vui iy, angchei i tleaung y pajeng naira ty keh nai phy tlen saryhrei kang tym hai panawi bi ai.

Levi 26:28

kai ly kado theu kang tlau ai i, vaichi khala i tleaung y ty keh nai pajeng naira phy tlen saryhrei kang tym hai panawi bi ai.

Kati Nai 5:7

huni khumi ly amy i kamngo ahui iy mymy tamang nai khumi ai peh angym nai bo y, chungphy apomrei peh panawi bi ai nai tla.

MATTHAI 23:12

Ami py tahm apasang nai ngierei ai ly tahm panem ai; ami py tahm apanem nai ngierei ai ly tahm pasang ai.

LUKA 14:11

Ami py tahm apasang nai ngierei ai ly tahm panem ai; tahm apanem nai ai ly tahm pasang ai,” napi.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

Leu Thui Nai 10:16

Hunai deaungkho y nangchi ly vai i ka-so Areng i leu pei naichi tangai u iy, nangchi i paleung tang naichi ly anawn u jau.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

Leu Thui Nai 31:21

ka-jei awm nai patangrachi khri pa-rei avum u ai. Na i py nichi i pany nai ka-ma-ra lawm ai nai hini khulym ly thui u ai nai tla. Kaimy pei ai adeu nai pri y kapahawi y rai khala my, nichi i paleung theung y dawn naichi kapany,” napi.

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

KOLOSA 2:11

Nangchi ly Krista i lengkhym takip pi naira y ly ngan i tlang lei be nai, kiu y lengkhym takip nai ny y naimy, mymy y ly lengkhym takip u nai ne chy bo;