Levi 26:39 - Khumi Common Language Bible

³⁹ Nangchi ly paleung ka-echi i pri y myh kang u ai; huni pri y nangchi theung i awm asai nai maidenreichy naichi ly nangchi i kamngo nai molam y mo, nangchi i amsi pajochi i kamngo nai molam y mo, myh kang u ai.

Levi 26:39 Iomraidhean Croise

2 NENG SATANG 34:24

Areng teng i leu pei naichi amti hai pi bo. Leu pei naichi ly “Samrang teng y phain pi nai cha-iu theung y abawi nai vaineng leusai kamta, Jerusalem mary hawi vanrei, mary i khumi bawibawichi ai kaimy taphra pawn ai.

EZARA 9:7

Amsi pajochi deung i dengdai vaini khrairei, nang i khumi kaichi ly khri pa-rei kamngo sa tamang u bo. Huni kamngochi molam y kaichi i samrangchi hawi pathyp pi nai keungchi ly cheng takhra samrangchi kiu tleaung y tym hai nai, acho akei tamo tym hai nai, lawm vui nai, langheng hawi nai, vai i kamta pipi tahm by y nai hinichi avum hai bo.

NEHEMIA 1:9

Na i py nangchi ly kai teng y ali teang iy kai i leu pei nai tangai u lawh baly, khaileaung pri khuteng y khrairei ahei phro teu i py, nangchi my kai ai chiu ai nai khai takhra nai meingtym mang y kaimy kang pahawi ali teang ai.’

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

ISAIA 14:21

Amsi pajochi i kamngo deaungkho y, chapochi tlang tleaung y padei ai nai amteaung u na sy! Hini samrang i kangpreangchi theung y ami py, khaileaung pri y peang ai nai nga ai ny y.”

ISAIA 24:16

Achi ly leu meitang teaung nai Israela chengchi ai, khaileaung khuteng takira y awm nai khumichi my palo nai khulym raawichi thai u ai. Na i py kai ly athang khai naira by y i, bengtlairei kaawm nai khyh bo ly! Ka-ym by y nai khumichi ly leu tangai y jojo i, tamangra tamangra nai ne.

JEREMIA 29:12

Huna nai khala y nangchi ly kai ai palau u ai; kai teng y jeu iy chiu sa u ai. Kai py nangchi i hnei takeng nai kang pathang pi ai.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 31:29

Huni neng tym nai khala ly ‘Amhm ampochi ly kreip athai katho cha iy, cho chanauchi ly ho kyn u bo,’ nanai thui achih nai leu ai khumichi my thui u ali ai ny y.

TANGAM NAI LEU 1:3

Juda pri mipuichi ly pri pala naira avum iy, kajeaung kamangnaira avum i, miseaung achei u bo. Nichi ly yhm hlau meingtym amny y naimy, pri takhra y awm u nai ne. Paleung ka-echi my katanmeuh nai y, tleaungra by y leang bo.

TANGAM NAI LEU 4:9

Tavai keung y dei nai khumichi ly teicha teinei avaw iy, heng ai nai lam by y naimy, kajeu kanglam y dei dudu nai khumichi tleaung y hawi keh alam nai ne.

Ezekiela 18:19

“Na i py nangchi my, ‘Ati mana nai y huni chapo ly ampo i sa nai kamngochi molam y pajeng naira avum y lawh mo?,’ nanai deng u. Pathang nai ly huni chapo ly kateng, kahawi sa nai khumi ne. Ni ly kai i Reitachi sa patawm iy hawihai palai tangai bo. Hunai deaungkho y ni ly heng takengkei ai.

Ezekiela 20:43

Huna nai khala y nangchi ly nangmychi i sa nai amso ngai nairachi molam y, amymy ai apaso iy nangmychi ai mana tanrei chai y na mo, nanai adawn vau ai. Huna nai khala y nangmy ai nangmy apaso ai.

Ezekiela 24:23

Nangchi ly lupeu ajeng y nai hawi phainai amchiu y naimy tako u ai ny y, paleung si vo tangam u ai ny y. Amymychi i kamngo molam y nangchi ly veung jei iy, leaung leaungrei mo y tangam u ai.

Ezekiela 33:10

Areng i leu ly kai teng y tym. Mymy ly “Nang khumicho awi, Israela chengchi teng y thui pi ai nai ly: nangchi my, ‘Achi ly amychi i kamngochi, amychi i tamang nai hawi myn kaji pho naimy awm u bo. Achi ly atho bai naimy awm u bo. Ati mana nai achi heng u pajau ai mo?’

Ezekiela 36:31

Nangchi ly nangmychi i chai y nai sa nai saichi hawi, sa tamang naichi pany u ali teang ai. Nangmychi i kamngochi hawi, hawi y nairachi molam y nangmychi ai apaso u ai.

Ezekiela 4:17

Nichi ly teicha teinei avaw nai deaungkho y mychi tengtawi akhen u nai khala y paleung phra atho di u ai i, mychi i kamngo molam y veung jei u ai,” napi.

Ezekiela 6:9

Nichi ly huni meingtym y pri palara avum nai khumi kamta awm u ai. Huna nai khala law tleaung nai khumichi ly kai ai pany u ai. Mymychi i ka-ym by y nai paleung hawi kai ai khai su iy, mynchi ai kai tleaung y paleung bie u keh nai deaungkho y, kai ly mana tanrei paleung si na mo, nanai pany u ai. Hunaibaly mymychi i sa nai hawi y naichi molam y mymychi naimy apaso u ai.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

ZEKHARIAH 10:9

Kai ly nichi ai khumi cheng cheaungkhangchi theung y ahei hai teu i py, huni palo parai nai meingtymchira i nai, nichi ly kai ai pany u jo ai. Nichi hawi mychi i cho chanauchi ly dei y naimy heng u i, mymychi i pri y vawi u ai.

Kati Nai 14:18

“Kai Areng ly neaung hawi nai ne. Tamen naira hawi ka-ym awm nai keung ne iy, kamngo nai hawi tiu naichi ai pahen pi nai ne. Na i py amhm ampochi i kamngo nai y, nichi i katu chanauchi ai deung thom deung palyh khrairei kapajeng ai, nanai adeu nai kamta kasa ai.

Leu Thui Nai 28:65

Nangchi ly nangmychi tym nai meingtym tleirei y awmnem naira ngo u y ai, saleaung khuteng by y. Areng ly nangchi ai paleung bi hai ai. Athang khai naira by y ai i, paleung phra hai ai.

Leu Thui Nai 30:1

Kai ly vai nangchi ai amtheaung naira hawi taham si naira, hini nyhrei theung y ha harei vawi takhra ai nai kang pei. Nangchi i Areng Tameuh ly nangchi ai pri tleirei y ahei hai iy, huni prichira awm u nai thym khala, vai nangchi ly kaimy kang thui pi nai ngiereichi ai pany u chum baly,

Leu Thui Nai 5:9

Huni mynchi ai lu meung u moh, chiu py chiu u moh; ati mana nai mo na baly kai ly nangchi i Areng Tameuh ne iy, takhra tameuhchi ai niu ngai y nai Tameuh ne. Kai ai niu ngai y naichi i tlang tleaung y py, nichi i kangpreangchi teng y py deungthom deng palyh khrairei pajeng naira katym hai ai.

Leu Thui Nai 8:20

Nangchi ly Areng i leu tangai u y lawh baly, nangchi tako nai khala nangchi ai paka nai khumichi ai Areng my tama hai nai kamta ly nangchi ai py tama hai ai.