Levi 26:36 - Khumi Common Language Bible

³⁶ “Nangchi ly pri takhra y awm u nai thym khala, ali aho nai dengkeaung ngam katyn thai nai hawimy jei hyn iy, preang u ai. Nangchi ly tavai keung y paleung ka-e my preng nai y angpreng u nai kamta, angpreng ai. Nangchi sahawi y paleung ka-echi by y teu i py, nangchi ly atlym u ai.

Levi 26:36 Iomraidhean Croise

ATITI AWM ANGCHEI NAI 35:5

Jakob hawi my i chapochi theu u nai khala, tengpang sahawi mary i khumichi ly khri pa-rei jei u i, nichi ai hui vam y bo.

ATITI AWM ANGCHEI NAI 4:12

Nang ly atho sa naimy amti amjangchi pati i py ati sai py ngo y ai; nang ly yhm hlau by y nai khumi ka-jau lawm ai,” napi.

2 NENG SATANG 14:14

Naibaly Kera mary sahawi i marychi ly Areng ai jei hyn u nai deaungkho y, Juda tavaimi risachi ly huni marychi taphra pajau nai ne. Nichi ly huni mary bawibawichi ai tiu u i, vawnsai neangneang pakym u bo.

JOBA 13:25

Nang ly kai ai ati mana nai pajei lawh mo? Kai ly dengkeaung ngamchy teu; nang ly chohphi kajei ai tiu nai ne.

SAM 53:5

Na i py Tameuh ly mymy i khumichi i paleung ka-echi i hiuchi ai ahei hai pawn ai i, nichi ly tlenrei py avum vai y nai ka-jeirachi hawi khri pa-rei jei hyn u ai. Tameuh ly nichi ai khai su bo i, Israela chengchi ly pajau u vui ai.

SAM 53:6

Israela chengchi ai atleu nai pahenra ly Zion mawi dengdairei theu hai ai nai, kai ly paleung apei parai naimy chiu kasa bo. Tameuh ly Israela chengchi ai nang chawn hai ali teang nai khala, nichi ly khri pa-rei amo theu u ai.

SAM 89:43

Nang ly ni i haisau bochi tlum hai pawn iy, ni ai tavai sum hai bo.

LEU KACHENG 28:1

Khumi hawi y nai ly mymy ai pareng nai khumi by y pui naimy angpreng reng. Na i py khumi kahawi ly khrangsi kamta vam parai nai ne.

ISAIA 30:17

Paleung ka-e leaungrei ai niu baly, nangchi teng i khumi leaung sangrei preang u ai. Paleung ka-e leaung pangrei nabaly, nangchi bawibawi malawn py preang u ai. Mawi saleung y tamkhawn my tlairei leng jo nai ny y baly, nangchi tavaimi theung i ati sai py awm jo ai ny y.

ISAIA 7:2

Suria risachi ly Israela khu ka-peang theung y tym u bo, nanai Juda samrang thai nai khala y, ni hawi vanrei ni i khumi mipui bawibawichi ly khri pa-rei jei u bo. Ali theu iy ahyn nai dengkeaung ngamchi kamta, nichi i paleung ahyn u nai ne.

ISAIA 7:4

Ni ai tau awm ai nai, paleung khaw ai nai, kaso theu y ai nai hawi paleung khrukhra y ai nai thui pi. Samrang Rezin hawi vanrei Suria khumichi i kado theu nai hawi samrang Pekah i kado theu nai ly maisaku nyhrei mang theu nai maikhyh tanrei, ka-jeira pei pajau y leang.

JEREMIA 37:10

Nangchi ly nangmychi ai tiu nai Babulon tavaimichi vereichi ai tiu pajau iy tamo kalem nga naichi naini, mychi i kanih yhm y awm khyh bo na lawh teu i py, huni khumichi ly ang thau u iy, hini mary ai mai leng vui ai,” napi.

JEREMIA 46:16

Nangchi i tavaimi risachi ly athei iy atlym u bo. Nichi leaung leaungrei ly ‘Jeu u kaliki! Achi ly amychi i saleaung khuteng pri mang y vawi u sina. Paleung ka-echi i haisau i nai tleaung ai nai angpreng u sina!,’ nanai thui u nai ne.

TANGAM NAI LEU 1:3

Juda pri mipuichi ly pri pala naira avum iy, kajeaung kamangnaira avum i, miseaung achei u bo. Nichi ly yhm hlau meingtym amny y naimy, pri takhra y awm u nai ne. Paleung ka-echi my katanmeuh nai y, tleaungra by y leang bo.

TANGAM NAI LEU 1:6

Jerusalem mary i sareaung hawi nai sai ly jangni deung i awm nai sai harei kamta lawh khyh bo. Ni i lu sa nai keungchi ly musychi kiu i tleaung ai nai angpreng nai sisiuchi hawi atawm. Nichi ly atho kheihvi na bo i, teicha tlai ai nai sui tlai naira hau pajau y na bo.

TANGAM NAI LEU 4:19

Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u. Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.

Ezekiela 21:12

Nang khumicho awi, paleung si nai y vo naimy hang na ba; hini haisau ly kai i khumichi hawi Israela chengchi ai lu sa nai keungchi i vui ne. Nichi ly awm asai rai nai kai i khumichi theung y abawi naichi hawi vanrei padei ai nai tla ai. Paleung phra nai y nangmy i paleung y atum ba!

Ezekiela 21:15

Huni ly kai i khumichi ai paleung kaso theu hai iy, atlym khikha hai nai ne. Amlo sadi kamta sadi iy tleh ai khai yb nai haisau hawi, kai ly nichi i mary apai katheuchira y tleh ai nai huni haisau khai ai.

Ezekiela 21:7

Nang ly ati mana nai y tangam nai mo, nanai khumichi my angdeang nai khala, nang i thai nai satangchi molam y tangam nai ne, nanai thui pi. Huna naichi tym nai khala, khumichi ly paleung kaso theu iy mynkym u na ai. Nichi i kiuchi ly nemthlo iy kheukhuchi py ahyn thlyhthlyh ai. Huna naichi tym ai nai neng tym bo, vaimy tym ryp bo,” napi. Hini ly sa thai naira angym nai Areng i thui nai leu ne.

HOSEA 8:3

nichi ly hawi naira ai khai u su veng bo i, paleung ka-echi ly nichi ai hui u ai.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

Leu Thui Nai 1:44

Naibaly mawitleaung pri y awm yb nai Amori chengchi ly khawi kanghu my tabawm nai kamta, nangchi ai ang tiu u bo. Nichi ly nangchi ai ang hui i, Edom pri Hormah mary y nangchi ai tavai sum hai bo.

JOSUA 5:1

Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.

JOSUA 7:5

A-i mary i khumichi ly nichi ai mary apai pa-kho dengdairei, lengseaung tapiuchi awm nai meingtym ryrei tiu u i, mawi angthiura y Israela cheng leaung phai palyh tariurei vi padei iy, phyreichi ai langheng hawi u bo. Hunai deaungkho y Israela chengchi ly khri pa-rei paleung phra atho si u bo.

1 SAMUELA 17:24

Israela chengchi ly Koliatha ai niu u nai khala, jei nai y angpreng u.