Levi 26:31 - Khumi Common Language Bible

³¹ nangchi i marychi kataphra pawn iy nangchi i chiu nai meingtymchi py phra hai ai. Nangchi i kapathyprachi py kang kawn pi ai ny y.

Levi 26:31 Iomraidhean Croise

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

2 ARENG KEH 22:19

Jerusalem mary hawi mary i khumichi ai pajeng ai, nanai kaimy leu pei nai thai nai khala, nang ly vo naimy nangmy i ateaung seih iy uikheih i, kai i mo y paleung apanem bo. Kai ly hini mary phra hai ai. Hini mary i amyn ly khumichi i amsawi kadeu lawm ai. Na i py kai ly nang i chiu sa nai pathang pi mang.

2 NENG SATANG 36:19

Ni ly Achura yhm hawi mary ai mai leng iy, Jerusalem mary apaichi py taphra bo. Samrang yhmchi hawi vang kateng vawnsaichi hawi vanrei, mai leng pawn nai ne.

NEHEMIA 1:3

Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

NEHEMIA 2:17

Na i py vai kai ly nichi teng y, “Jerusalem mary ly phra seaungkhrang bo i, mary apaichi py atlym pawn nai deaungkho y, achi mana tanrei rai naira avum mo, nanai nangchi pany u bo; achi kangji ngo bi y ai nai mary apaichi palum u teang sina,” nanai thui pi.

NEHEMIA 2:3

“Samrang nang ly deungtasarei heng sau na sy; kai i amsichi ai up nai mary ly phra seaungkhrang bo i, mary apaichi py mai y kang pawn nai deaungkho y, kai ly mana nai meimai kahawi awm pajau ai mo?” kanapi.

ISAIA 1:7

Nangchi i pri ly phra iy nangchi i marychi py, maidym satlawi lawm vui bo. Nang khen nai thym khala my py, pri takhra khumichi ly nangchi i khu peang vui iy, ati cheaungkhangchi ai phra hai pawn bo.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

ISAIA 63:18

Nangmy i khumi kachai, napi nai kaichi ai paleung ka-echi my patheu daw iy, nichi ly Achura yhm taphra u bo.

ISAIA 64:9

kaichi i tlang tleaung y kado theu hai ala moh, ti y i py, kaichi i kamngochi ai pany pi jo moh kyh ba. Kaichi ly nang i khumichi ne i, kaichi ai pahen kyh ba.

ISAIA 66:3

“Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

JEREMIA 22:5

Na i py nangchi ly kai i leu tangai u y lawh ai nabaly, hini samrang yhm ly phra seaungkhrang ai, nanai nangchi teng y kang pasawi kheih bo. Hini ly kai, Areng i thui nai leu ne,” napi.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 26:9

Ati mana nai y Achura yhm ly Siloh avang kamta lawm ai, nanai hawi, huni mary ai ly taphra vui iy, khumi angso savai tlang naira lawm ai, nanai py, nang ly Areng i amyn y thui katheu lawh a? nanai aeu bo. Naibaly khumichi ly Achura yhm theung y achu iy, kai ai katanmeuh bo.

JEREMIA 4:26

Areng i khri pa-rei kado theu nai haiho molam y paitiu khuta hawi nai pri ly tui by y nai daichi ka-vym lawm iy, marychi py phra seaungkhrang veng bo.

JEREMIA 4:27

(Khaileaung bomverei ly daichi ka-vym lawm vui teu i py, phra be ai ny y, nanai Areng my leu pei yb nai ne.)

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 44:2

Israela chengchi i Tameuh, ati cheaungkhang sa thai nai keung Areng my, “Jerusalem mary hawi takhra Juda marychi ai kaimy ka-jeira tym hai nai ly nangmychi kypkyp my niu chum bo. Huni marychi ly vaini khrairei phra seaungkhrang iy khumi angso savai tlang jo nai ne.

JEREMIA 44:6

Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

TANGAM NAI LEU 1:10

Paleung ka-echi ly ni i yhmtheaung katui bawibawichi ai lawm pi pawn vui bo. Ni ly Areng my kun ai pei y nai Achura yhm theung y huni khumichi kun nai nui.

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

TANGAM NAI LEU 2:7

Areng ly mymy i maicham ai py, Achura yhm Kachai ai py, khai su iy paleung ka-echi teng y, Achura yhm dengpangchi panawi pawn ai nai pei. Nichi py achi amo theu parai naimy chiu nai meingtym y, eaung naira nga nai aeu u sau na bo.

Ezekiela 12:20

Khumi angso bi-ai nai mary puichi ai kataphra ai i, pri verei y khumi angso savai tlang nai daichi ka-vym lawm hai ai. Huna nai khala kai ly Areng ne, nanai nichi pany u ai,” napi.

Ezekiela 21:15

Huni ly kai i khumichi ai paleung kaso theu hai iy, atlym khikha hai nai ne. Amlo sadi kamta sadi iy tleh ai khai yb nai haisau hawi, kai ly nichi i mary apai katheuchira y tleh ai nai huni haisau khai ai.

Ezekiela 21:7

Nang ly ati mana nai y tangam nai mo, nanai khumichi my angdeang nai khala, nang i thai nai satangchi molam y tangam nai ne, nanai thui pi. Huna naichi tym nai khala, khumichi ly paleung kaso theu iy mynkym u na ai. Nichi i kiuchi ly nemthlo iy kheukhuchi py ahyn thlyhthlyh ai. Huna naichi tym ai nai neng tym bo, vaimy tym ryp bo,” napi. Hini ly sa thai naira angym nai Areng i thui nai leu ne.

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

Ezekiela 6:6

Israela chengchi i mary bawibawichi ly khumi angso savai tlang iy chiu sa naira meingtym ka-sangchi ai taphra nai deaungkho y, nichi i maichamchi hawi mynchi ly taphra piu iy kawi seaungkhrang pawn ai. Mui katui leng patlum nai maichamchi py kawi piupa pawn iy, nichi i sa nai ngiereichi ly tama pawn ai.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

DANIELA 2:46

Naibaly samrang Nebukhadnezar ly Daniela i mo y, khaileaung y tym pa-rei lu meung chum baly, Daniela teng y kapathypra hawi katalamrachi talam ai nai leu pei bo.

AMOS 7:9

Isaka i kangpreangchi chiu nai meingtymchi phra ai. Israela pri i meingtym kachai ngierei ai, khaileaung ka-keu naini lawm hai ai. Kai ly samrang Jeroboam i samrang kangpreang deung tlum hai ai,” napi.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

ZEPHANIAH 3:6

Areng my, “Kai ly khumi cheaungkhangchi ai, kataphra be veng bo. Nichi i marychi ai kataphra pawn iy, mary apaichi, amtangrachi ai py phra seaungkhrang hai bo. Marychi ly khumi angso savai tlang iy, lamchi ra py aleaung ali nai by y, khumi leaungrei py by y leang bo.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

AMTAW 6:14

hini Nazaret Isu ly hini yhm aphrei ai i Mosi i Reita ang pei nai ly sa takhra ai, nanai thui nai kaichi thai,” napi.

HEBRAI 10:26

Achi ly leu meitang pany naira kangym nga nai bo y ly atiti kamngo sa ta-li baly, kamngo nairachi i vui y apathyp naira ly pipi by y leang bo i,