Levi 26:30 - Khumi Common Language Bible

³⁰ Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

Levi 26:30 Iomraidhean Croise

ATITI AWM ANGCHEI NAI 19:13

Kaini my hini mary taphra veng ai bo. Areng my hini khumichi i thui tamawn nai sai deaungkho y Sodom mary taphra vui ai nai kaini ai pato nai bo,” napi.

1 ARENG KEH 13:2

Areng i leu pei nai kamta amo ly “Aw maicham, maicham, Areng my, Josia amyn pathi ai nai deaungdi ly Davida i yhm dengtheungra y tapen ai. Kapathyprachi nang i tlang tleaung y khai iy, tapawp nai maichamra kalop sa nai pathyp pi nai keungchi ai, ni ly nang i salo y padei iy apathyp ai. Khumi i hiuchi py nang tleaung y khai iy leng patlum ai,’ nanai leu pei bo,” napi.

1 ARENG KEH 13:32

Bethela mary i maicham molam y hawi, Samari marychi theung y awm nai chiu sa nai meingtymchi molam y py, Areng i leu pei naichi ly meitang khyp tym angym ai,” napi.

2 ARENG KEH 23:16

Naibaly Joseah ly khen amki prei i, mawi saleung y awm nai tapreaung phyrei niu nai deaungkho, huni tapreaungra i khumi hiuchi la iy, maicham salo y mai patawi hai bo. Hina nai hawimy samrang ly huni maicham ai chai nen hai y nai ne. Hina nai tym nai ly jangni y samrang Jeroboam ly my i reita pawi sa nai khala, maicham sahawi y angdo iy amo leaungrei my thui pi nai leu kamta tym nai bo. Samrang Joseah ly khen amki prei bi i, huna nai thui pi nai amo i tapreaung niu baly,

2 ARENG KEH 23:20

Ni ly myn y chiu nai meingtymchi ra y kalop sa nai pathyp pi nai keung bawibawichi ai, mymychi pathyp nai maichamchi salo y khai iy padei chum baly, khumi hiuchi ai huni maichamchi salo y mai patawi pawn bo. Naibaly samrang ly Jerusalem mary y vawi ali teang nai ne.

2 ARENG KEH 23:8

Samrang ly Juda marychira i pathyp pi nai keungchi ai Jerusalem mary y hawi iy, pri verei y awm nai huni khumichi i apathyp nai maichamchi ai py, tahm by y na pa-rei sa pi pawn bo. Mary theung y kun nai khala mary apai katheu pa-kho pui i langvawi mang y, mary lu areng Josua my sa nai katheu sahawi i mi-i myn vawinamchi teng y talam nai maichamchi py, taphra pi pawn nai ne.

2 NENG SATANG 23:17

Nichi ly Bala tameuh i achura yhm taphra u. Maichamchi hawi mynchi khei piupa iy, maichamchi mo y Bala pathyp pi nai keung Mattan ai padei u nai ne.

2 NENG SATANG 31:1

Pawi lui nai bo y Israela cheng bawibawichi ly Juda pri mary tleirei y chei iy, lengseaung leungchengchi hawi tameuhnu Asherah i tamkhawnchi taphra u. Maichamchi hawi myn chiu nai maichamchi py panawi u bo. Nichi ly Juda khu ka-peang, Benjamin khu ka-peang hawi Manase khu ka-peangchira py, hina nai kamta sa u chum baly, mymychi i yhm mang y vawi u nai ne.

SAM 106:40

Hunai deaungkho y Areng ly mymy i khumichi ai kado theu hai; nichi ai paso nai ne.

SAM 89:38

Na i py nang ly nangmy khai takhra nai samrang ai kado theu hai bo; nang ly ni ai khai su bo, ni ai nyn va bo.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

JEREMIA 14:19

Aw Areng, nang ly Juda pri ai khai su angchi khyp nai bo a? Kaichi i no-na hawi sa ai nai ngo y na pa-rei nang ly ati mana nai y kaichi ai khri pa-rei tamo kalem nga hai lawh mo? Kaichi ly amo theu naira kadeaung u teu i py, atyhtyh teu bo. No-na hawi ai nai athang khai u teu i py, jei hynra naini avum u nai ne.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

Ezekiela 16:39

Kai ly nang ai nichi i kiu y au ai. Nichi ly nangmy i chiu naira mynchi hawi, bima meingtymchi ai ang panawi pi pawn ai. Nichi ly nang i ateaungchi hawi lengseaung vang katengchi la pawn iy, nang ai tlang ka-keu naimy ang khai u su ai.

Ezekiela 43:7

Mymy ly “Nang khumicho awi, hi y ly kai i areng atehra awm; kai i kheu chiura meingtym ne. Kai ly hini meingtym y Israela chengchi hawi vanrei awm ai i, nichi ai deungtasarei peang ai. Israela chengchi py ne sy, nichi i samrangchi py ne sy, phailo mang y kamleaung sa nai py, samrangchi i veu ai meingtym ka-sangra y up nai py, kai i amyn kachai y mana khala py thui tamawn bi ai ny y.

Ezekiela 6:13

Khumi veuchi ly mynchi sala y hawi maichamchi ka-kira y py, mawi ka-sangchi hawi mawi saleung tleirei y py, heng-yh nai dengkeaung keungchi hawi ngopraibiu keung pui ngierei anui y py, mynchi teng y mui katui leng patlum nai ngiereira y py, ahei naimy awm ai. Huna nai khala kai ly Areng ne, nanai khumi bawibawichi my pany u ai.

HOSEA 10:2

Nichi i paleung ly cheng y nai deaungkho y, vaimy kamngo pajeng naira avum u ai. Tameuh ly nichi i maichamchi taphra iy, nichi chiu u nai leungchengchi taphra ai.

Levi 20:23

Huni pri y awm nai khumichi i reita kamta so u moh; huni pri y nangchi kun u pajau ai nai molam y, kai ly huni pri i khumichi ai patheu pawn ai. Kai ly nichi i hawi y nai reitachi ai kapaso nai ne.

Levi 26:11

Kai ly kaimy i Tabynakora awm nai deaungkho y, nangchi hawi vanrei awm ai. Nangchi ai mana kha py kang khai su y leang mang.

Levi 26:15

Nangchi ly kai i reitachi hawi leu pei naichi tangai y iy, nangchi hawi asa nai Leu Maikawm py taphra lawh baly,

AMOS 6:8

Kani pri tavailuchi i Areng my, “Israela i kamlyh ly kapaso. Nichi i tlamsa naimy awm nai yhm puichi py kapaso. Nichi i mary pui hawi mary theung y awm nai cheaungkhangchi ai, paleung ka-echi teng y kapei vui ai,” napi.

AMOS 7:9

Isaka i kangpreangchi chiu nai meingtymchi phra ai. Israela pri i meingtym kachai ngierei ai, khaileaung ka-keu naini lawm hai ai. Kai ly samrang Jeroboam i samrang kangpreang deung tlum hai ai,” napi.

Leu Thui Nai 32:19

“Areng my hunichi niu nai khala kado theu i, mymy i cho chanauchi ai khai su bo.