Levi 26:26 - Khumi Common Language Bible

²⁶ Kai ly teicha teinei takang hai nai deaungkho y, neampachy leaung horei paawp ai nai tako ly neampachy leaungrei my paawp ai nai takeang harei ka-lawn awm khyh ai. Nangchi ly huni tako apaji iy lawnlen y naimy cha u ai.

Levi 26:26 Iomraidhean Croise

2 ARENG KEH 6:25

Samari mary theung y cha nei takang. Keaungngo kano kasau lu harei nai y tangka chang vui tajarei, buhu eisirei nai y tangka chang tlau pangrei hawi van ai nai tla bo.

SAM 105:16

Areng ly nichi i pri y teicha teinei takang hai nai deaungkho y, teicha teinei avaw nai khala y,

ISAIA 3:1

Vai ly aw Areng, ati cheaungkhang sa thai nai keung Areng ly khumi mipuichi my paleung pado nai khumi ngiereichi hawi vawnsai ateaung ngiereichi ai, Jerusalem mary hawi Juda pri dengdairei, vym pi pawn ai bo. Mymy ly nichi i teicha teineichi vym pi pawn ai.

ISAIA 5:10

Choh teaung apomrei apeaung awm nai kreip akhobai i kreip hang py, palang tariureichy nga ai khyh. Ti teaung apom phai pangrei hei i py, teaungnyh pa-thom si tariurei naini nga khyh ai.”

ISAIA 9:19

Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

ISAIA 9:20

Khumichi ly meingtym tleirei y mychi nga thai nai ryrei, teicha teineichi cha u teu i py, kajeu kanglam dam ai ny y. Nichi ly mychi i cho chanauchi ai malawn py cha u lawh bo ly!

JEREMIA 14:12

Nichi ly biu hai naimy kasabawmra hnei takeng teu i malawn py, kai ly khumichi i aeu nai raawi katangai pi ai ny y. Nichi ly kai teng y leng patlum nai kapathypra hawi katalamrachi talam i py, kai ly kawn pi ai ny y. Huna nai kakawn pi ai nai tleaung y ly tavai keung y dei hai ai. Takang theu hai iy no kanghawi y dei hai asi,” napi.

Ezekiela 14:13

Mymy ly “Nang khumicho awi, pri harei ly kamngo sa iy kai i tlang tleaung y ka-ym by y lawh baly, kai ly kiu pheu iy huni pri y teicha teinei avaw hai ai. Tahum takang theu hai ai i, khumichi hawi tawnbawichi raurei katamyh ai.

Ezekiela 4:10

Nang ly kanirei y tako sie ka-hyhrei cha ai nai nga khyh; huni tako ly khawn khutawi nai ryrei vui khyh.

Ezekiela 4:16

Naibaly mymy ly “Nang khumi cho awi, kai ly Jerusalem mary y teicha teinei avaw hai ai. Huni mary i khumichi ly paleung mawn u ai i, mymychi i teicha teineichi neh khyp iy cha nei u ai nai tla ai.

Ezekiela 4:17

Nichi ly teicha teinei avaw nai deaungkho y mychi tengtawi akhen u nai khala y paleung phra atho di u ai i, mychi i kamngo molam y veung jei u ai,” napi.

Ezekiela 5:16

Kai ly nang ai teicha teinei avaw hai iy kanglam kang khai ai. Nang ly thailiho tamo kamta, khri pa-rei kanglam kamtang avum hai ai. Kai ly nang ai taphra ai.

HOSEA 4:10

Nangchi ly kapathypra phy nga nai cha u i py, kajeu kanglam dam u ai ny y. Nangchi ly cho chanau thawn ai nai tameuhchi ai chiu teu i py, cho chanau ngo u y; ati mana nai mo na baly nangchi ly kai, Tameuh ai khai su iy tameuh takhra ai chiu u bo.

Levi 26:27

“Nangchi ly huna tanrei pajeng naira avum i malawn py, kai ai ka-awi sa iy kai i leu tangai y asai bi baly,

MIKHA 6:14

Nangchi ly teicha teinei cha teu i py, kajeu kawi u ai ny y; alam naimy awm u jojo ai. Nangchi i ko nai yhmtheaung katuichi pateung u pajau ai ny y. Pateung achu nai yhmtheaung katuichi ai py, tavai takai hawi taphra vui ai.

HAKAI 1:6

Nangchi ly chohpui chomaw neangneang pati u teu i py, maidenreichy naini pakym u khyh. Nangchi teng y teicha teinei awm i py, bym pa-rei cha ai nai aleu y, kreip hang awm i py pavui na pa-rei nei ai nai aleu y, baichu ateaungchi awm i py bi-um na pa-rei ateaung ai nai alawn y, kalop sa keung py kajeu ka-rei kawi pa-rei, sa nai vang ngo y.