Levi 26:16 - Khumi Common Language Bible

¹⁶ kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

Levi 26:16 Iomraidhean Croise

1 ARENG KEH 8:37

“Hini pri y takang theu i py, chym thai nai no michi tym i py, amti amjangchi ly ali kabi avum nai, mipo avum nai, ti y baly akhutama kanghuchi tym miu nai molam y phra i py, nichi teng y patang naira hawi no mi ha harei tym i py,

JOBA 18:11

Ka-jei awm nai patang nairachi ly ni ai takimeuh naimy ajeng iy, ni i tako naira tleirei y hui bo.

JOBA 20:25

Thailiho chyn ly ni i tlang prileu vui ai; amchai na nai thailiho chyn meaung i nai, thichi leaung ai. Huna nai khala ni ly jei hyn naimy kaso theu ai.

JOBA 31:8

kai i amti amjangchi ly phra pawn sy. Kai i li ra i theu nai ly khumi takhrachi i vui teicha teinei lawm sy.

SAM 109:6

Kai i paleung ka-echi ai tara chih ai nai, un cha nai tara chih keung ai, khai takhra pi kyh ba; ni i paleung ka-e leaungrei my, ni ai seu hai ba.

SAM 73:19

Nichi ly vaimy myh kang u ryp bo; nichi i kangkhym kangtem avum nai sai ly jei ai nai hawi parai nai ne.

SAM 78:33

Hunai deaungkho y mymy ly nichi ai, taho kathiu taho kalau nai kamta, tanareichy sala y my tlang tama hai bo. Nichi heng nai deung ai py vaimy tym hai miu nai ka-jeira molam y, tlang tem hai bo.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

LEU KACHENG 3:33

Areng ly khumi hawi y naichi i yhm ai amsawi lawi hai iy, khumi kahawichi i yhm ai ly amtheaung hai nai ne.

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

ISAIA 7:2

Suria risachi ly Israela khu ka-peang theung y tym u bo, nanai Juda samrang thai nai khala y, ni hawi vanrei ni i khumi mipui bawibawichi ly khri pa-rei jei u bo. Ali theu iy ahyn nai dengkeaung ngamchi kamta, nichi i paleung ahyn u nai ne.

JEREMIA 12:13

Kai i khumichi ly choh pati teu i py, kabeng alengchi naini tyn u ai. Nichi ly khri pa-rei kalop sa u teu i py, ati sai py kamran by y. Kai i kado theu ala nai deaungkho y, nichi ly kaji ai hawi nai athai pakym u ai,” napi.

JEREMIA 15:3

Nichi i tlang tleaung y ka-jeira hawi parai nai sai palyhrei katym hai ai nai, kai Areng my leu pacheang yb nai bo. Nichi ly tavai keung y dei u ai. Nichi i veuchi ai uichi my tawn ai. Huni kadei veuchi ai tavochi my patiu ai. Huni bo i nai ly mawi kasichi my cha ai.

JEREMIA 15:8

Kai ly nangchi i neampachychi ai lumai lawm hai i, pangli spryh tleaung y py nawi bo. Kai ly deaungdichi ai hawi thym khala my kapadei pawn nai deaungkho y nichi i amhmchi ly vo tangam u bo. Nichi ly vaimy kaso theu u i, paleung bi, paleung mawn u nai ne.

JEREMIA 20:4

Ati mana nai mo nabaly Areng mymy kypkyp my, “Kai ly nang ai nangmy i vui py, nangmy i ahawi i vui py, ka-jei hawi nai khumi lawm hai ai. Huni khumi bawibawichi py paleung ka-echi i haisau y dei nai nang niu ai. Kai ly Juda khumi bawibawichi ai, Babulon samrang i kiu y au ai. Ni ly huni khumi phyreichi ai my i pri y langheng y hawi ai i, phyreichi ai ly padei ai.

JEREMIA 5:17

Nichi ly nangchi i thengthaichi hawi teicha teineichi cha nei iy, nangchi i cho chanauchi ai tleh u ai. Nichi ly nangchi i beram kanghu hawi si kanghuchi cha u ai. Nangchi i kreip keungchi hawi thaidu keungchi taphra pawn ai. Nichi i tavaimi kamkawm ly nangchi i a-ym nai amtangra mary kakhawchi taphra pi pawn ai.”

Ezekiela 24:23

Nangchi ly lupeu ajeng y nai hawi phainai amchiu y naimy tako u ai ny y, paleung si vo tangam u ai ny y. Amymychi i kamngo molam y nangchi ly veung jei iy, leaung leaungrei mo y tangam u ai.

Ezekiela 33:10

Areng i leu ly kai teng y tym. Mymy ly “Nang khumicho awi, Israela chengchi teng y thui pi ai nai ly: nangchi my, ‘Achi ly amychi i kamngochi, amychi i tamang nai hawi myn kaji pho naimy awm u bo. Achi ly atho bai naimy awm u bo. Ati mana nai achi heng u pajau ai mo?’

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

MIKHA 6:15

Nangchi ly amti amjang pati u i py, pateung achu ai nai ngo y ai. Nangchi ly olive asitui nip i py, cha ai nai ngo y ai. Kreip athai ati i py, kreip hang nei ai nai nga ai ny y.

HAKAI 1:6

Nangchi ly chohpui chomaw neangneang pati u teu i py, maidenreichy naini pakym u khyh. Nangchi teng y teicha teinei awm i py, bym pa-rei cha ai nai aleu y, kreip hang awm i py pavui na pa-rei nei ai nai aleu y, baichu ateaungchi awm i py bi-um na pa-rei ateaung ai nai alawn y, kalop sa keung py kajeu ka-rei kawi pa-rei, sa nai vang ngo y.

ZEKHARIAH 14:12

Areng ly Jerusalem mary ai tiu nai khumi cheng cheaungkhangchi tlang tleaung y, ka-jei awm nai no kanghawi tym hai ai. Nichi ly heng nai thym khala y my, ngan tlangchi veaung ai. Nichi i meichi hawi palaichi py veaung ai.

MALAKHI 2:3

Kai ly nangchi i katu chanauchi ai kapajeng ai. Nangchi i meimaira y nangmychi i talam nai tawnbawichi ei hawi pajui iy, nangchi ai huni tawnbawichi hawi vanrei patheu vui ai.

Leu Thui Nai 28:51

Nichi ly nangmychi i tawnbawichi hawi amti amjangchi ang cha pi pawn nai deaungkho y, nangchi ly kajeu kanglam y dei u ai. Nangchi i choh, kreip hang, olive asitui hawi si, beramchi ai cha pi pawn nai deaungkho y nangchi ly dei u ai.

Leu Thui Nai 32:25

Tavai takai deaungkho y khumichi ly lamchira dei u ai; yhmchira y ka-jei awm naichi avum ai. Thawndeangchi anglochi py dei u ai; deaungdicho kanu nei thym naichi hawi miteaung maichochi py tleaung y ai.

HEBRAI 10:31

Tameuh kangheng i kiu y tla ai nai ly atiti ka-jei awm parai nai ne.

TARA CHIH NAI KEUNGCHI 6:11

Naibaly Areng i kani pri amtaw thau nai ly Ophra avang y jeu iy, Abieza nupai theung i khumi leaungrei, Joasa i ngopraibiu keung anui y ateh. Joasa i chapo Kideon ly mymy ai Midian chengchi my niu pajau y ai nai, kreip athai nip nai angawm theung y choh ati nai ne.

1 SAMUELA 2:33

Nang i yhm dengtheungra i leaungrei ai ly heng ai nai pei ai; ni ly pathyp pi nai keung lawm ai i, kai i kalop sa ai nai nga ai. Na i py mei paju ai i, athang khai naira tama ai. Nang i takhra katu chanau ngiereichi ly kasah dei u ai.