Levi 26:14 - Khumi Common Language Bible

¹⁴ Naibaly Areng my, “Nangchi ly kai i leu pei naichi tangai u y baly, pajeng naira kang tym hai ai.

Levi 26:14 Iomraidhean Croise

2 ARENG KEH 22:13

“Nangchi ly Areng teng y chei iy, kai hawi Juda khumi bawibawichi i vui, hini cha-iu theung y abawi nai leu pei naichi molam y deng u cham. Achi i amsi pajochi ly hini cha-iura i thui pi naichi so patawm y nai deaungkho y, Areng ly achi ai kado ang theu hai bo,” napi.

2 NENG SATANG 34:24

Areng teng i leu pei naichi amti hai pi bo. Leu pei naichi ly “Samrang teng y phain pi nai cha-iu theung y abawi nai vaineng leusai kamta, Jerusalem mary hawi vanrei, mary i khumi bawibawichi ai kaimy taphra pawn ai.

2 NENG SATANG 7:19

Na i py nang hawi nang i khumichi ly kai i Reitachi hawi leu pei naichi taphra iy, tameuh takhrachi ai chiu u lawh baly,

SAM 81:12

Hunai deaungkho y kai ly nichi i paleung kyh chawn nai ly kyh chawn u jojo ai nai hawi, mychi i ngai nai kamta sa u ai nai py kapei pi nai ne.

LEU KACHENG 3:33

Areng ly khumi hawi y naichi i yhm ai amsawi lawi hai iy, khumi kahawichi i yhm ai ly amtheaung hai nai ne.

JEREMIA 11:8

Na i py nichi ly kai i leu tangai u y. Sa patawm nai py by y. Nichi bawibawi ly paleung tang ra tang ra iy, kaso ra kaso u ra nai ne. Kai ly nichi teng y sa patawm ai nai leu pei kheng teu i py, nichi patawm u y nai khala Leu Maikawm theung y abawi nai vainengchi ly nichi i tlang tleaung y lawi hai bo,” napi.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 26:4

Areng my huni khumichi teng y thui pi ai nai kai teng y leu ang pei nai ly “Areng my, nangchi ly kaimy pei nai leuchi tangai iy patawm u.

JEREMIA 28:8

Nang hawi achi i deung ny y rai nai, jangni i amochi my thui nai ly khumi cheng cheaungkhangchi hawi sa thai naira len nai prichi py, tavai ka-jeira, takang theu nai hawi, no kanghawi avum u ai, nanai thui u rym nai ne.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JEREMIA 40:2

Tavailu areng ly kai ai, kaimyni leaung nyhrei ka-vum sa ai nai palau iy, “Nang i Areng Tameuh ly hini pri taphra ai nai pajei nai kamta,

TANGAM NAI LEU 1:18

“Na i py Areng ly leu meitang adyh adawi nai ne. Kai ly mymy i leu pei nai tangai y. Meingtym tleirei y awm nai khumichi awi, kai i leu tangai u; kai i patang nai khen u cham. Kai i chapo thawndeangchi hawi chaniu anglochi ly langheng y hawi nai avum u bo.”

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

HOSEA 7:12

Na i py kasabawmra hnei ai nai chei u nai thym khala tavochi ai, py hawi patiu nai kamta, kai ly nichi ai patiu ai. Nichi i kamngo molam y, kai ly nichi ai pajeng ai.

Levi 26:18

“Nangchi ly huna tanrei pajeng naira avum u i py, kai i leu tangai y asai baly, kai ly nangchi i tlang tleaung y pajeng naira phy tlen saryhrei kang tym hai panawi bi ai.

MALAKHI 2:2

Nangchi ly kabo kaja, amhi amtlau nai dengdairei, kai ai tahm khai naimy palo u ai nai tla. Kai i leu ai nangchi tangai u y lawh baly kai ly nangchi ai vaineng lawi hai ai. Nangchi i paleung pado nairachi ai py, vaineng lawi hai ai. Meitang khyp, hunichi ly vaimy vaineng lawi u bo. Ati mana nai mo na baly nangchi ly kai i reita leu ai tahm khai u y nai deaungkho y ne.

AMTAW 3:23

Naibaly ami py huni amo i leu tangai y nai ngierei ly khumichi theung i nai tama hai vui ai,’ napi.

HEBRAI 12:25

Nangchi ly leu thui pi nai keung ai ngai y lawh na, nanai amkym u. Khaileaung pri y mymychi ai tau pei nai keung ai ngai y naira y malawn py pajeng naira tleaung u pajau y baly, achi, kani mang i dengdairei tau ang pei nai keung ai hi vui nai khumichi ly tleaung pajau y nai tleaung y tleaung pajau y ra ai.

JOSUA 23:15

Mymy ly adeu nai kamta, amtheaung naira ang pei teu i py, mymy i leu tangai y lawh baly, nangchi i tlang tleaung y patang nairachi tym hai ai.

TARA CHIH NAI KEUNGCHI 2:15

Nichi tavai atiu nai tleirei y, Areng ly mymy i leu thui nai kamta, nichi ai sum hai nai deaungkho y, nichi ly khri pa-rei patang naira avum u nai ne.

1 SAMUELA 12:15

Na i py nangchi ly Areng i leu tangai y naimy, leu pei naichi akhi u vui lawh baly, mymy ly nangchi hawi nangchi i samrang ai ang tiu ai,