Levi 26:11 - Khumi Common Language Bible

¹¹ Kai ly kaimy i Tabynakora awm nai deaungkho y, nangchi hawi vanrei awm ai. Nangchi ai mana kha py kang khai su y leang mang.

Levi 26:11 Iomraidhean Croise

2 SAMUELA 7:7

Huna nai kamta kaimy i khumichi hawi amki aleaung nai khala y mana khala y py, kai ly kaimy i vawi takhra nai miteaung kehchi teng y, ‘Nang ly ati mana nai kai i vui Seda keung Achura Yhm so pi y lawh mo?’, nanai deng vai y.

1 ARENG KEH 6:13

Nang i sa nai Achura Yhm theung y hawi, kai i khumi Israela chengchi theung y py, kai awm ai,” napi.

1 ARENG KEH 8:13

Vai ly kaimy nang i vui Achura Yhm, nang i vui deungtasarei awm ai nai meingtym sa pi nai pajau bo,” nanai chiu sa bo.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

SAM 106:40

Hunai deaungkho y Areng ly mymy i khumichi ai kado theu hai; nichi ai paso nai ne.

SAM 76:2

Mymy i yhm ly Jerusalem mary y awm; mymy ly Zion mawi salo y awm nai ne.

SAM 78:59

Mymy i khumichi huna nai sa u nai niu nai khala y, Tameuh ly kado theu i, nichi ai nyn va vui bo.

THEU NAI 25:8

Khumi mipuichi ly kai i vui Tabynako sa ai nai tla. Naibaly kai ly nichi theung y kaawm hai ai.

THEU NAI 29:45

Kai ly Israela cheng theung y kaawm hai ai i, kai ly nichi i Tameuh lawm ai.

THEU NAI 29:46

Kai ly nichi ai Aikupta pri i dengdairei theu hai nai keung nichi i ArengTameuh ne, nanai pany u ai i, kai ly nichi theung y kaawm ai; kai ly nichi i Areng Tameuh ne ai.

JEREMIA 14:21

Nang i leu adeu naichi pany pi jo kyh ly khensi-me moh kyh ba. Nang i nang parai nai sai apu nai areng atehra, napi nai Jerusalem mary ai tahm panem moh kyh ba. Nang ly kaichi hawi asa nai Leu Maikawm ai taphra moh kyh ba.

TANGAM NAI LEU 2:7

Areng ly mymy i maicham ai py, Achura yhm Kachai ai py, khai su iy paleung ka-echi teng y, Achura yhm dengpangchi panawi pawn ai nai pei. Nichi py achi amo theu parai naimy chiu nai meingtym y, eaung naira nga nai aeu u sau na bo.

JOELA 2:27

Aw Israela chengchi awi, kai ly nangchi ai kang awm hai nanai py, kai, Areng ly nangchi i Tameuh ne iy, kai ny y baly Tameuh takhra by y nanai py, huna nai khala y nangchi pany u ai. Kai i khumichi ly mana khala py, thui tamawn nai avum u bi ai ny y.

Levi 20:23

Huni pri y awm nai khumichi i reita kamta so u moh; huni pri y nangchi kun u pajau ai nai molam y, kai ly huni pri i khumichi ai patheu pawn ai. Kai ly nichi i hawi y nai reitachi ai kapaso nai ne.

Levi 26:15

Nangchi ly kai i reitachi hawi leu pei naichi tangai y iy, nangchi hawi asa nai Leu Maikawm py taphra lawh baly,

Levi 26:43

Na i py angchei y ly huni pri amdawpra nga ai nai, huni khumichi ai tama hai vui ai nai tla. Kai i reitachi hawi leu pei naichi khai su nai molam y, mipuichi ly paleang naira avum u ai.

Levi 26:44

Na i py huna nai tym hai nai khumichi ly paleung ka-echi i pri y awm nai thym khala, kai ly nichi ai khai su ryp ai ny y, taphra py taphra vui ai ny y. Kaimy nangchi ai khai su lawh teu baly, kai hawi nichi sala asa nai Leu Maikawm ly phra vui ai. Kai ly nichi i Areng Tameuh ne.

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

EPHESI 2:22

nangchi ai py mymy y ly Phailo y Tameuh i awm ai naira padyh u achu nai ne.

Leu Thui Nai 32:19

“Areng my hunichi niu nai khala kado theu i, mymy i cho chanauchi ai khai su bo.

JOSUA 22:19

Hunai deaungkho y nangchi i pri ly Areng ai chiu ai nai amlau y na baly, Tabynako awm nai pri mang y angpeang iy, nangchi awm ai nai khu ka-peang kai teng y hnei u. Na i py kaichi i Areng Tameuh i maicham ny y naimy, takhra maicham sa nai molam y mymy ai tiu u moh. Huna nai tiu naira y kaichi abawi moh sy.

JOSUA 22:31

Huna nai khala pathyp pi nai keung Elaza i chapo Phineha my, “Areng ly kaichi hawi vanrei awm, nanai kaichi vai, kapany u bo. Mymy ai tiu y nai deaungkho y, Israela chengchi ly Areng my pajeng naira i nai lawi naira nga u bo,” nanai nichi teng y thui pi.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.

AMTENG HAI NAI 7:15

Hunai deaungkho y nichi ly Tameuh i areng atehra mo y awm u i, mymy i achura yhm kalen pui y vum kanithun mymy i kalop sa pi jojo: naibaly areng atehra tleaung y ateh nai keung ly nichi i salo y mymy i kanih yhm py jang ai.