Levi 22:32 - Khumi Common Language Bible

³² Kai i amyn kachai ai thui tamawn moh; kai ly kachai ne, nanai Israela khumi bawibawichi my pany u ai nai tla. Kai Areng ly nangchi ai chai hai bo.

Levi 22:32 Iomraidhean Croise

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

ISAIA 8:13

Ati cheaungkhang sa thai nai keung Areng ly kachai ne, nanai tami vui moh. Nang i jei ai nai khumi ly kai ne.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Levi 20:8

Kai i reita leu pei naichi tangai u; ati mana nai mo na baly Kai ly nangchi ai chai hai nai Areng ne,” napi.

Levi 21:15

Hina nai kamta so y lawh baly ni i cho chanau ly chai ai nai avo teu i py, reita y chai y naichi lawm u ai. Kai, Areng ly ni ai Pathyp pi nai Keung Kalen keh y khai takhra nai bo,” napi.

Levi 21:8

Ni ly kai teng y teicha teinei kapathyprachi talam pi nai keung ne nai deaungkho y, khumichi ly ni ai khumi kachai, nanai palawn ai nai tla. Kai ly Areng ne. Kai ly kachai ne i, kaimy i khumichi ai py chai hai nai ne.

Levi 22:16

huni katalamra ai chai hai y nai so moh. Huni katalamra cho ngau y nai khumi cha lawh baly, kamngo sa nai ne i pajeng naira avum ai. Kai ly Areng ne i, huni katalamrachi ai chai hai nai ne,” napi.

Levi 22:2

Aron hawi ni i chapochi teng y amti pi ai nai leu pei nai ly “Nangchi ly kai i amyn kachai ai thui tamawn y ai nai, Israela khumichi i kai teng y kapathypra talam nai ly tahm ai nai tla. Kai ly Areng ne.

Levi 22:31

Areng my, “Kai i leu pei naichi tangai u; kai ly Areng ne.

Levi 22:33

Kai ly nangchi i Tameuh kalawn ai nai, nangchi ai Aikupta pri i dengdairei kang pahawi bo; kai ly Areng ne,” napi.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

LUKA 11:2

Naibaly ni my ly mymychi teng y, “Nangchi chiu sa khala ly hina nai thui u; Ngaai, nangmy amyn tahm khai nai awm sy; nangmy i peang nai tym sy.

JOHAN 17:17

Nichi ai leu meitang y khai takhra ba, nang i leu ly leu meitang ne.

I KORINTH 1:2

Korinth avang y Tameuh i palau takhra kamkawm awm nai, Krista Isu y khai takhra nai, khumi kachai lawn ai nai palau naichi teng y hawi, meingtym tleirei y achi i Areng Isu Krista i amyn palau nai bawibawichi teng y py (ni ly mymychi i hawi amychi i Areng ne),