Levi 22:25 - Khumi Common Language Bible

²⁵ Cheng takhra khumi teng i nga nai tawnbawi py, kapathypra palawn iy talam ai nai avo y. Huna nai tawnbawi ly no-na awm, nanai palawn ai i, talam ngau y.

Levi 22:25 Iomraidhean Croise

Ezekiela 44:7

Thau hawi thi ai, kai teng y talam nai thym khala, nichi ly lengkhym takip y nai cheng takhrachi hawi, kai i leu tangai y nai khumichi ai Achura yhm theung y kun ai nai pei iy, kai i Achura yhm chai hai y bo. Hunai deaungkho y kai i khumichi ly mymychi i sa nai amso ngai nai cheaungkhangchi hawimy, kai i Leu Maikawm ai taphra u nai ne.

Levi 21:6

Ni ly kachai awm ai nai tla; kai i amyn thui tamawn moh. Ni ly kai teng y teicha teinei katalamrachi talam pi nai keung ne i, chai ai nai tla.

Levi 21:8

Ni ly kai teng y teicha teinei kapathyprachi talam pi nai keung ne nai deaungkho y, khumichi ly ni ai khumi kachai, nanai palawn ai nai tla. Kai ly Areng ne. Kai ly kachai ne i, kaimy i khumichi ai py chai hai nai ne.

Levi 22:26

Si, beram, mi-i chochi ai amhm hawi kani saryhrei awm hai chum kha naini, kapathypra y talam pajau.

Kati Nai 16:40

Aron i kangpreang ny y nai amimi py Areng teng y rimui mui katui leng patlum ai nai maicham mang y tapai ngau y, nanai kheupaja khym my Israela chengchi ai pany hai nai ne. Hini reita ai patawm y nai khumi ly korah hawi ni i nithun abang naichi kamta dei u teang ai. Eleaza ly Mosi dengdairei Areng my leu pei nai ngiereichi sa nai ne.

EPHESI 2:12

hunai thym khala y nangchi ly Krista ai pany y nai, Israela kamkawm hawi akhawi takhra nai, khaileaung pri y athang khai naira pipi by y nai hawi, Tameuh ny y naimy awm u iy, adeu nai leu maikawmra y angvyn y awm u nai ly pany u jojo.

I JOHAN 5:18

Ami py Tameuh i tapen nai ly kamngo sa nai ny y leang, nanai achi pany; Tameuh teng i awm nai my lyni ai kry jojo i, kamngo sa reng nai keung my ly ni ai nam py nam pajau y leang.