Levi 22:18 - Khumi Common Language Bible

¹⁸ Aron hawi ni i chapochi hawi, Israela khumi bawibawichi teng y hini reitachi pei pi nai ne. Israela cheng mo, Israela pri y awm nai cheng takhra mo, vaineng abeu nai kamta py ne sy, paleung kangai mo py ne sy, leng patlum nai kapathypra talam nai khala tawnbawi ly no-na awm ai nai tlo y.

Levi 22:18 Iomraidhean Croise

2 NENG SATANG 31:14

Levi theaung Imanah i chapo, nisi katheu pa-kho typ nai keung Kore ly pei talam nai vawnsaichi kry nai hawi paji nai keung ne.

SAM 116:14

Kai ly mymy teng y vaineng adeu nai kamta, mymy i khumichi awm achu naira y, kaimy i adeu nai talam ai.

SAM 116:18

Kai ly nang teng y vaineng adeu nai kamta, nang i khumichi awm achu nai Jerusalem mary, nang i Achura yhm y adeu nai talam ai. Areng ai palo u!

SAM 22:25

Kai ly nang i pahen nai saho y nang ai chiu nai khumi mipuichi mo y nang ai palo ai. Kai ly kaimy i adeu nai kamta, apathyp ai.

SAM 56:12

Aw Tameuh, kai ly nang teng y leu adeu nai kamta, adeu nai leu khaw hai ai; nang teng y palo nai kapathypra kang talam ai.

SAM 61:5

Aw Tameuh, nang ly kai i adeu nai leu ai tangai pi bo; mymy i nang parai nai sai ai palo u nai khumi teng y, pei pi nai yhmtheaung katui ly kai ai pei ba.

SAM 61:8

Hunai deaungkho y kai ly kaimy i adeu nai leu ai kani tleirei atyp iy, nang ai kang palo nai khulym thui jojo ai.

SAM 65:1

Aw Tameuh, nang ly chiu sa hnei takeng naichi ai pathang pi reng nai deaungkho y, kaichi ly Zion mary y nang ai palo ai ataing nai ne.

SAM 66:13

Kai ly nang i yhm mang y, leng patlum nai kapathypra ang syn pi ai; nang teng y kai i adeu nai leu khaw hai ai.

THEU NAI 12:5

Beram ny y baly mi-i ha harei khai patyp sy; na i py no-na by y nai sanengrei awm khyp nai veung kahawi katai ne sy.

Parip nai leu 5:4

Nang ly leu neangneang katheu baly leu hawi y naichi katheu lawh ai. Hunai deaungkho y nang ly Tameuh teng y sai sairei leu adeu lawh baly, adeu nai kamta sa kaliki ai nai tla. Khumi ka-khum ly Tameuh i vui teaung ai nai ngo y leang. Nang ly nangmy i leu adeu nai kamta so ba.

Levi 1:10

Huni khumi ly beram, ti y baly mi-i hawi apathyp ai na baly, huni tawnbawi ly no-na by y nai tawnbawi katai lawm ai nai tla.

Levi 1:2

Israela chengchi apathyp nai khala, teaung patawm ai nai reitachi pei pi nai ne. Amimi py, tawnbawi hawi apathyp baly amy i si kanghu theung i mo, beram kanghu, ti y baly mi-i kanghu theung i mo, ha harei hawi apathyp ai nai tla.

Levi 17:10

Israela cheng mo, Israela chengchi theung y awm nai cheng takhra mo, thi abawi nai mawi cha lawh baly, Areng ly meimai hi pi vui iy mymy i khumichi theung i nai nyn va vui ai.

Levi 17:13

Israela cheng mo, Israela chengchi theung y awm nai cheng takhra mo, cha ngau nai tawnbawi, ti y baly tavo nga lawh baly, huni heng nai amjy i thi ly khaileaung y leih iy, khaileaung hawi taphum ai nai tla.

Levi 22:17

Areng my Mosi dengdairei

Levi 23:38

Hini pawichi ly sa reng nai Anawn kanichi bo y py, sa ai nai pawichi ne. Hini katalamrachi ly nangchi my Areng teng talam reng nai, vaineng abeu nai molam y talam nai, paleung kangai talam nai bo y kapathypra talam naichi ne.)

Levi 7:16

Khumi ami py amy i tau ka-vo adeu nai py ne sy, amy i paleung kangai py ne sy, leunghawi kapathypra talam nai khala, talam nai kani y tawnbawi mawi cha keng ai nai tlo y. Kamlai ly kani pa-nyh khrairei cha ai nai nga.

AMOS 4:5

Tameuh ai kawn nai leu thui nai tako talam u. Alyly naimy talam nai py nang Israela chengchi my thai hai iy amlyh u. Huna nai sa ai nai nangchi ngai, nanai leu pei nai ne.

JONA 1:16

Huna nai aham nai khala y sampho i khumichi ly Areng ai khri pa-rei jei u nai deaungkho y, apathyp u chum baly mymy ai chiu ai nai vaineng adeu u nai ne.

JONA 2:9

Na i py kai ly nang i nang parai nai ai palo ai; nang teng y apathyp ai. Naibaly kaimy i adeu nai kamta tangai ai. Ati mana nai mo na baly atleu naira ly Areng teng i dengdairei tym nai ne!” nanai chiu sa.

NAHUM 1:15

Khen cham, satang kahawi syn nai khumi savai ly mawichi tako prei bo. Ni ly eaung nai satang thai hai ai nai jeu nai ne. Aw Juda khumichi awi, nangmychi i reita pawi so u. Tameuh teng y talam u. Khumi hawi y naichi ly nangchi i pri y ang jeu u bi ai ny y. Nichi ly angchi khyp, tama u pawn veng bo.

MALAKHI 1:14

Nangmychi i beram kanghuchi theung y, no-na by y nai beramchi awm i py, kai ai tapawp iy vang teng y nai tawnbawi ai talam nai khumi ly amsawi lawi na sy. Ati mana nai mo na baly kai ly nang parai nai samrang ne iy, kai i amyn ai khumi cheng cheaungkhangchi my tahm khai jei u nai deaungkho y ne,” napi.

Kati Nai 15:3

“Nangchi ly Areng teng y leng patlum nai kapathypra mo, vaineng lawi y ai nai kapathypra mo, paleung kangai kapathypra mo, sa reng nai reita pawichira y apathyp nai katalamra mo, talam nai khala y, si katai, beram katai, mi-ichi talam pajau. Hini katalamrachi i mui katui ai ly Areng my kawn nai ne.

AMTAW 18:18

Naibaly Pawla ly huni bo y kani kra parai awm rai; hunai bo y ly amjo amnauchi hawi leu kahawi y amprei iy, hu i dengairei Suria pri y paleaung mang chei, Priskila nini Akuila py mymy teng y chei teang, mymy ly leu adeu nai awm nai deaungkho y Kenkriai avang y sam vau veng.

Leu Thui Nai 12:17

Areng teng y talam nai kapathyprachi ly nangchi awm nai marychira y cho u moh. Chohnei chokram, kreip hang, olive asituichi theung i horei y harei, si hawi beramchira i cho chaluchi, Areng teng y adeu yb nai katalamrachi, amy i paleung kangai katalamchi hawi takhra talam nairachi ly nangchi i marychi theung y cho u moh.

Leu Thui Nai 12:6

Nangchi ly huni meingtym y leng patlum nai kapathypra hawi takhra kapathypra tawnbawichi, horei y harei hawi katalamrachi, Areng teng y adeu nai katalamrachi, paleung kangai talam naichi, nangchi i si hawi beram cho chaluchi, hunichi ai Areng teng y talam ai nai tla.

Leu Thui Nai 16:10

Naibaly nangchi i Areng Tameuh ai palo ai nai chohboleh Pawi so u. Nangchi i Areng Tameuh ly nangchi ai amtheaung hai nai kamta, paleung kangai katalamrachi ai pawira y syn u.