Levi 21:9 - Khumi Common Language Bible

⁹ Pathyp pi nai keung i chaniu ly bima kalop sa lawh baly, my i ampo ai kangji pei nai ne i, ni ai ly mai leng iy padei ai nai tla.

Levi 21:9 Iomraidhean Croise

ATITI AWM ANGCHEI NAI 38:24

Lo thomrei awm nai khala y khumi leaungrei my Juda teng y, “Nang i lengngo Tamar ly bima kamta amlawn nai y, mymy ly vai deaungdi aniu lawh bo, nanai amti pi. Juda my, “Tuni neampachy ai ly angam mang y patheu iy mai y patawi veng,” nanai leu pei.

THEU NAI 31:14

Anawn kani ly ja ai nai tla; ati mana nai mo na baly huni kani ly khai takhra nai kani ne nai deaungkho y, ja ai nai tla. Anawn kani y ja y naimy kalop sa nai khumi ai ly padei takengkei ai nai tla.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

Levi 19:29

“Kanan pri tameuhchi ai chiu nai meingtymra i bimachi kamta, nangmychi i chaniuchi ai lawm hai iy nichi ai kangji pei moh. Huna nai sa baly nangchi ly Tameuh ai khai su iy kaja phra u ai.

Levi 20:14

Khumi neampacho leaungrei ly chaniu hawi amhm ai aju palawn mei lawh baly, kaji ai hawi nai deaungkho y nichi leaung thomrei ai mai y leng iy padei ai nai tla.

MALAKHI 2:3

Kai ly nangchi i katu chanauchi ai kapajeng ai. Nangchi i meimaira y nangmychi i talam nai tawnbawichi ei hawi pajui iy, nangchi ai huni tawnbawichi hawi vanrei patheu vui ai.

Leu Thui Nai 22:21

mary i miteaung kehchi my neampachy ai ampo i yhm katheu pa-kho mo y hawi iy, mary i khumichi my lengseaung hawi aphi ka ai nai tla. Huni neampachy ly apom y rai nai ampo i yhm tleaung kamleaung sa nai deaungkho y, Israela chengchi theung y kangji pei nai ne. Hina nai sa iy nangchi ly hawi y nai amjy ai tama hai pajau ai.

TITA 1:6

cheh ai naira by y nai, aju leaungrei awm khyh nai, mymy i chanauchi ly ym naichi ne iy saw vai y nai hawi leu tangai y nai awm vai y nai ne baly khai ai nai tla.

JOSUA 7:15

Naibaly taphra veng ai nai vawnsai um paviu nai keung, nanai tambe avah nai khumi ly kai i Leu Maikawm ai taphra iy, Israela chengchi ai kangji kangai nga hai nai deaungkho y, nihawi vanrei ni i yhm dengtheungchi ai py, mai hawi taphra pawn ai nai tla,’ ” nanai leu pei bo.

JOSUA 7:25

Josua my Akhean teng y, “Nang ly ati mana nai kaichi teng y patang naira tym hai lawh mo? Vai ly Areng my nang i tlang tleaung y patang naira tym hai ai,” napi. Naibaly Israela cheng bawibawichi ly Akhean ai lengseaung hawi aphi iy padei u bo. Ni i dengtheungchi ai py, lengseaung hawi aphi iy padei u chum baly, ni i vawnsaichi hawi vanrei mai leng u bo.

1 SAMUELA 2:17

Eli i chapo nini i hina nai sa nai ly Areng i mo y khri pa-rei kamngo len nai ne; ati mana nai mo nabaly nini ly Areng teng y talam nairachi ai tahm khai y lawh nai deaungkho y ne.

1 SAMUELA 2:34

Nang i chapo leaung nyhrei Hopheni hawi Phineha nini ly kanirei my dei hawi mei nai khala, kai i thui pi nai ngiereichi ly teng khyp nai nang pany ai mang.