Levi 20:3 - Khumi Common Language Bible

³ Ami mi py my i cho chanau ai Mole tameuh teng chiu ai nai pei nai molam y, kai i Tabynako ai chai hai y iy kai i amyn thui tamawn lawh baly, kai ly ni ai meimai hi pi vui iy kai i khumichi theung i nai nyn va vui ai.

Levi 20:3 Iomraidhean Croise

THEU NAI 30:33

Khumi ami py ne sy, huni asitui ka-tawm sa nai mo, pathyp pi nai keung ny y nai khumi tlang tleaung y, huni asitui leih nai mo, sa lawh baly, kai i khumi theung i nai nyn va vui ai,” napi.

Ezekiela 20:39

Sa thai naira angym nai Areng my, “Nangchi Israela cheng bawibawichi awi, vai nangchi ly leaungrei py takhawi y pa-rei nangmychi teng y awm nai mynchi teng y chei iy chiu u! Na i py vai i dengdairei nangchi ly kai i leu tangai u ai nai tla. Mynchi teng y kapathyprachi talam nai molam y, kai i chai parai nai amyn ai vai mo mang y thui tamawn bi moh.

Ezekiela 5:11

Areng my leu pei nai ly “Nangchi ly amso ngai nai cheaungkhangchi sa u iy, Achura yhm ai py chai hai y nai deaungkho y, kai ly Tameuh kangheng ne nai y, nangchi ai pahen y naimy kang tamyh pawn ai.

Levi 15:31

Areng ly tai naira umtang y awm nai Tabynako ai amso ngai hai y ai nai, Israela chengchi i vui Mosi teng y pany hai nai ne. Nichi ly Tabynako ai chai hai y lawh baly dei u takengkei ai.

Levi 17:10

Israela cheng mo, Israela chengchi theung y awm nai cheng takhra mo, thi abawi nai mawi cha lawh baly, Areng ly meimai hi pi vui iy mymy i khumichi theung i nai nyn va vui ai.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Levi 19:12

Sa khyp ai ny y pui naimy kai i amyn y tau iy leu adeu moh. Huna nai sa nai y kai i amyn taphra moh. Kai ly nangchi i Areng Tameuh ne.

Levi 20:4

Na i py khumi humpui my ni ai bawi lo pi y iy padei y lawh baly,

Levi 21:6

Ni ly kachai awm ai nai tla; kai i amyn thui tamawn moh. Ni ly kai teng y teicha teinei katalamrachi talam pi nai keung ne i, chai ai nai tla.

Levi 7:20

Na i py chai y nai khumi huni mawi cha lawh baly, Tameuh i khumichi theung i nai, nyn va vui ai.

Levi 7:21

Nangchi theung i khumi leaungrei ly khumi py ne sy, tawnbawi py ne sy, reita leaungsai y chai y nai sai sairei hawi abi iy, huni tawnbawi mawi cha lawh baly, huni khumi ai ly Tameuh i khumichi theung i nai, nyn va vui ai.

Kati Nai 19:13

Tlaiveu ai nam nai khumi ly reita y kachai sa nai tui amymy ai katheng iy, apachai y baly chai y nai awm jo ai. Huni khumi ly Areng i Tabynako ai chai hai y nai deaungkho y, ni ai ly Tameuh i khumichi theung i nai nyn va vui ai.

Kati Nai 19:20

Reita leaungsai y chai y nai khumi ly kachai sa nai tui hawi amymy ai katheng iy, kachai so y baly, chai y jojo ai. Huni khumi ly Areng i Tabynako ai chai hai y nai ne i, Tameuh i khumichi theung i nai nyn va vui ai.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

I PETERA 3:12

Areng i mei ly khumi kahawi ai khen pathyp reng, Mymy i kano py nichi i chiu sa nai mang y patheung reng: Na i py Areng i meimai ly atiti hawi y sa nai keungchi i tlang tleaung y awm lawh reng,” nanai ne.