Levi 20:2 - Khumi Common Language Bible

² Israela khumichi teng y amti pi ai nai leu pei nai ly “Nangchi theung i mo, ti y baly nangchi theung y awm nai cheng takhrachi theung i mo, leaung leaungrei my mymy i cho chanau ai Mole tameuh teng y leng patlum ai nai talam lawh baly, cheng vereichi my ni ai lengseaung hawi aphi ka ai nai tla.

Levi 20:2 Iomraidhean Croise

1 ARENG KEH 11:7

Moba chengchi i amso ngai nai tameuh khemosa hawi Ammon chengchi i amso ngai nai tameuh Mole ai chiu ai nai meingtym ly Jerusalem mary nisi mang i mawi saleung y sa pi.

2 ARENG KEH 17:17

Nichi ly mychi i cho chanauchi ai mynchi teng y apathyp u. Nichi ly vawinam pakun kawp naichi, leung kawp naichi teng y deng u iy, Areng i mo y hawi y nai kalopchi naini sa u nai deaungkho y, mymy ai kado patheu u nai ne.

2 ARENG KEH 23:10

Huni bo baly ami py Mole tameuh teng y cho chanauchi ai mai y leng patlum nai kapathypra talam pajau y ai nai, samrang Joseah ly hinnom leaunghawira i mynchi ai chiu nai Topheth napi nai meingtym ai py, chai nem hai y bo.

2 NENG SATANG 28:3

Hinnom leaunghawira y mui katuichi leng patlum bo. Ni ly Israela chengchi tavai amsa u nai khala, Areng my patheu nai khumichi i, amso ngai hawi nai reitachi kamta sa iy, my i chapochi ai malawn py leng patlum nai kapathypra palawn nai, mynchi teng y talam.

2 NENG SATANG 33:6

Mymy i chapochi ai Hinnom leaunghawira y leng patlum nai apathyp nai ne. Ni ly mo mang i satang thui kawp nai, dawi sa naichi teaung iy, leung khen kawp nai hawi vawinam kun nai khumichi teng y atitichi deng reng nai ne. Ni ly Areng i tlang tleaung y khri pa-rei kamngo sa iy, kado theu hai bo.

SAM 106:38

Nichi ly kamngo by y nai mychi i cho chanauchi kypkyp ai tleh iy, Kanan pri mynchi teng y talam u i, mychi i pri y chai hai y bo.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

JEREMIA 7:31

Nichi ly mychi i cho deaungdichi ai leng patlum iy apathyp ai nai hinnom leaunghawira y Topheth, napi nai maicham sa u bo. Huna nai sa ai nai nichi ai leu pei y, paleung ka-dawn py by y.

Ezekiela 20:26

Nichi ly mymychi i chapo chanauchi ai apathyp nai hawimy, mymychi ai chai hai y ai nai sa thai naira kapei pi. Huna nai sa thai naira kapei pi nai ly kai ly Areng ne, nanai patei ai nai hawi, nichi ai pajeng ai nai ne.

Ezekiela 20:31

Nangchi ly vaini khrairei nichi i talam nai kapathyprachi talam naimy, mynchi teng y mymychi i cho chanauchi ai leang patlum nai kapathypra talam iy, amymy ai chai hai y bo. Nangchi Israela chengchi awi, nangchi ly kai teng y jeu iy kai i kangai deng u bo. Kai ly heng nai Areng Tameuh ne nai deaungkho y, mana mo i py nangchi ai leu deng ai nai kang pei y.

Ezekiela 23:37

Nini ly kamleaung sa nai, khumi ai padei nai, mynchi ai juvo palawn iy kai hawi nga nai chanauchi ai padei bo. Nini ly kai i chanauchi ai mynchi teng y apathyp hawi nai ne.

Ezekiela 23:39

Kai i cho chanauchi ai mynchi teng y apathyp nai kani y my, kai i Achura yhm y jeu iy chai y naichi sa hawi lawh!

Levi 17:13

Israela cheng mo, Israela chengchi theung y awm nai cheng takhra mo, cha ngau nai tawnbawi, ti y baly tavo nga lawh baly, huni heng nai amjy i thi ly khaileaung y leih iy, khaileaung hawi taphum ai nai tla.

Levi 17:15

Israela cheng theung i mo, cheng takhra mo, dei atyhtyh nai tawnbawi mawi, ti y baly mawi kasi my kei iy dei nai mawi cha lawh baly, my i ateaungchi pasiu iy tui ahiu pan ai nai tla. Ni ly dym mang khrairei ajeng iy, reita leaungsai y chai naira nga ai.

Levi 17:8

Israela cheng mo, Israela chengchi theung y awm nai cheng takhra mo, Tabynako katheu pa-khora ny y naimy takhra meingtym y

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Levi 20:1

Areng my Mosi teng y

Levi 20:27

“Khumi kadeichi i phailo hawi leu arum nai neampacho ai py, neampachy ai py, lengseaung hawi aphi ka ai nai tla; ni ly dei ai ataing nai kamngo sa nai ne,” napi.

Levi 24:14

“Huni khumi ai tai angam mang y patheu; ni i pasawi nai ai thai nai khumi lutengchi ly ni i lu tleaung y kiu kheang u iy, kaichi thai, nanai pany hai ai nai tla. Naibaly Israela cheng bawibawichi my, ni ai lengseaung hawi aphi ka ai nai tla.

Levi 24:16

huni khumi ai padei ai nai tla, nanai Israela chengchi teng y thui pi ai nai tla. Israela cheng mo, Israela pri y awm nai cheng takhra mo, Areng ai pasawi lawh baly, Israela cheng vereichi my huni khumi ai lengseaung hawi aphi ka ai nai tla.

Levi 24:23

Mosi my Israela chengchi teng y huna nai leu pei nai kamta, tangai y nai khumichi ai ly tai angam mang y patheu iy, lengseaung hawi aphi u ka nai ne. Hina nai kamta Israela chengchi ly Mosi teng y Areng my leu pei naichi tangai u bo.

AMTAW 7:43

Nangchi ly Moloka i kanih yhm hawi, tameuh Rephana i ka-si py chiu ai nai Nangchi i sa nai mynchi ai syn u lawh: Hunai deaungkho y Babulon avang palem mang y kang la veng ai,’ nanai tajiu nai kamta ly,

Leu Thui Nai 12:31

Nichi i tameuhchi ai chiu nai leaungsaichi amtiu u moh. Huni khumichi ly mychi i tameuhchi ai chiu naira y Areng i niu ngai y nai amso ngai naichi sa nai deaungkho y, nangchi i Areng Tameuh ai chiu nai khala nichi i kamta chiu u moh. Huni khumichi ly mymychi i cho chanauchi ai malawn py, maicham tleaung y leng patlum u nai ne.

Leu Thui Nai 17:2

“Nangchi awm nai marychi theung y neampacho phyreichi, ti y baly neampachy phyreichi ly Areng i leu tangai y naimy, Leu Maikawm ai taphra nai kamngo sa u iy,

Leu Thui Nai 18:10

Nangchi i cho chanauchi ai leng patlum nai kapathypra palawn iy talam u moh. Nangchi ly dawi kawp nai, leung khen kawp nai, uimiu khawn nai,

Leu Thui Nai 21:21

Naibaly mary i khumichi my huni chapo ai lengseaung hawi aphi ka ai nai tla. Hina nai sa iy nangchi ly huni kamngo tama hai pajau ai. Israela cheng bawibawichi ly huni satang thai nai deaungkho y jei u ai.

Leu Thui Nai 22:21

mary i miteaung kehchi my neampachy ai ampo i yhm katheu pa-kho mo y hawi iy, mary i khumichi my lengseaung hawi aphi ka ai nai tla. Huni neampachy ly apom y rai nai ampo i yhm tleaung kamleaung sa nai deaungkho y, Israela chengchi theung y kangji pei nai ne. Hina nai sa iy nangchi ly hawi y nai amjy ai tama hai pajau ai.