Levi 2:3 - Khumi Common Language Bible

³ Teicha teinei talam nai kamlai ly pathyp pi nai keungchi i vui ne; huni teicha teinei ly Areng teng y talam chum nai teicha teinei ne nai deaungkho y khri pa-rei chai i, pathyp pi nai keungchi naini cha pajau khyh nai ne.

Levi 2:3 Iomraidhean Croise

EZARA 2:63

Juda samrang i bangtang kalen my nichi teng y, nangchi ly Urim hawi Thummim ai teaung pajau nai pathyp pi nai keung by y ryrei ly Tameuh teng y talam nai teicha teineichi cho u moh, nanai thui pi bo.

THEU NAI 29:37

Huni ly kani tleirei, kani saryh ryrei sa ai nai tla. Huna nai khala maicham ly khri pa-rei chai ai i, maicham y abi nai khumi hawi atitichi ly pajeng naira avum ai.

Ezekiela 44:29

Pathyp pi nai keungchi ly teicha teinei katalamra, kamngo alaw nai kapathypra hawi sa tamang nai kapathyprachi cha ai nai nga u ai. Huni bo y py nichi ly Israela pri y kai i vui khai takhra nai ngiereichi nga u ai.

Ezekiela 46:20

hini meingtym ly pathyp pi nai keungchi i kamngo ahui nai kapathypra, ti y baly sa tamang nai kamngo ahui nai kapathypra talam ai nai mawi byh naira, tako dei katalamra paawp nai meingtym ne. Hunai deaungkho y khumichi teng ka-jeira tym y ai nai, katalamra kachai ngiereichi ai, apai angam mang i ly-um y patheu ai nai avo y,” napi.

Levi 10:15

Nichi ly Areng teng y tawnbawi thau talam nai khala, amsei hawi phaichi syn u ai nai tla. Areng my leu pei nai kamta, hini tawnbawi phy ly nang hawi nang i chapo chanauchi i vui ne,” napi.

Levi 14:13

Ni ly kamngo pajengra lawi nai katalamra tawnbawi hawi, leng patlum nai katalamra tawnbawichi tleh reng nai meingtym kachaira y beram tleh ai nai tla. Kamngo pajengra lawi nai katalamra tawnbawi ly kamngo pahen nai katalamra tawnbawi kamta, pathyp pi nai keung i vui ne. Huni tawnbawi ly khri pa-rei chai nai ne.

Levi 2:10

Tako talam nai kamlai ly pathyp pi nai keungchi i vui ne; huni tako ly Areng teng y talam chum nai tako ne nai deaungkho y, khri pa-rei chai nai ne.

Levi 21:22

Huna nai pathyp pi nai keung ly kai teng y talam nai kapathypra kachai mo py, chai keh nai kapathypra mo py cha pajau nai ne;

Levi 5:13

Hina nai kamta pathyp pi nai keung ly huni khumi i vui kamngo pahen nai kapathypra talam pi nai deaungkho y, ni ly kamngo lawira nga ai. Teicha teinei talam nai kamta, tako dei kamlai ly pathyp pi nai keung i vui ne.

Levi 6:26

Huni tawnbawi ai pathyp pi nai keung ly Areng i awmra Tabynako angtheung i, meingtym kachaira y tawnbawi mawi cha ai nai tla.

Levi 7:7

Kamngo pahen nai katalamra hawi, kamngo pajengra lawi hai nai katalamra, hini amjy nyhrei i vui reita khai pi naira y, talam nai pathyp pi nai keung ly tawnbawi mawi cha ai nga nai ne.

Levi 7:9

Takeang mai y paawp nai teicha teinei katalamra, laawm pangdai, ti y baly tamo laawm pangdaira dang nai teicha teinei katalamrachi ly talam pi nai pathyp pi nai keung i vui ne.

Kati Nai 18:9

Maicham tleaung y leng patlum nai katalamra ny y nai talam patyp naichi theung i, nang i vui talam naichi ly teicha teinei katalamra, kamngo pahen nai katalamra hawi kamngo pajengra i lawi nai katalamrachi ne. Kai teng y talam nai katalamra bawibawichi ly nang hawi nang i chapochi i vui ne.

1 SAMUELA 2:28

Kai ly Israela cheng theaung bawibawichi theung i, ni i yhm dengtheungchi ai kai i maichamra y apathyp nai, rimui patawi nai, kai i kangai pany ai nai Ephod amchiu nai kalopchi sa ai nai, kai i pathyp pi nai keung kalop sa ai nai kaimy vawi yb nai ne. Huni bo y maicham y leng patlum nai kapathyp mawichira i phy nga ai avo nai py, nichi ai kaimy vui pi bo.