Levi 2:12 - Khumi Common Language Bible

¹² Nangchi saneng tleirei pakym achu nai amti amjang chaluchi ly Areng teng y talam ai nai tla. Na i py huni ai maichamra leng patlum ai nai tlo y.

Levi 2:12 Iomraidhean Croise

ATITI AWM ANGCHEI NAI 23:17

Ephron i peang nai Mamre mary nisi mang i Makapela y awm nai khaileaung hawi huni theung i tapiu py, dengkeaungchi py Abraham i lawm ai nai,

2 NENG SATANG 31:5

Leu pei nai thai phai thai baly Israela khumichi ly choh, kreip hang, olive asitui, khawi hang hawi takhra li hlaura i amti amjang athai chuluchi py, nichi teng y awm nai vawnsaichi horei y harei py, syn u nai ne.

THEU NAI 22:29

“Nang i amti amjang hawi thengthai chaluchi py, kreip hang py, olive asitui py, kai teng y talam ai nai tla. Nangchi i chapo chaluchi py kai teng y talam ai nai tla.

THEU NAI 23:19

“Saneng tleirei nang i li hlauchira i amti amjang chaluchi ly nang i Areng Tameuh i yhm y tym hai iy talam ai nai tla. “Beram cho, ti y baly mi-i cho ai ly amhm i kanutui hawi byh ai nai tlo y.

THEU NAI 34:22

“Chajai choh tyn angchei nai neng khala changtha la pawi so u ly thengthai pakym achu nai kaseih neng y, chohboleh pawi sa ai nai tla.

Levi 23:17

Yhm dengtheung tleirei tako phi nyhrei syn iy Areng teng y talam patyp ai nai tla. Huna nai talam naira y tako ha harei ai angbo katlen nai tako dei pound palyhrei paawp iy, angchei i chohleng talam nai ly Areng teng y talam ai nai tla.

Levi 7:13

Huni takochi bo y angbo phui iy paawp nai takochi py, talam ai nai tla.

Kati Nai 15:20

Changthara i tako dei hawi sa angchei nai tako ly Areng i vui talam patyp ai nai tla. Choh ati naira i choh ly talam nai kamta, hini tako py talam ai nai tla.

Kati Nai 18:12

“Israela chengchi my kai teng y saneng tleirei talam nai athai chalu theung i hawi keh nai olive asitui, hawi keh nai kreip hang hawi, hawi keh nai chohchi py, nang ai kang pei nai ne.

I KORINTH 15:20

Na i py Krista ai ly kadeichi theung i dengdairei pathau nai awm khyp nai bo i, i ngym naichi theung i angthau man nai keung lawn bo.

Leu Thui Nai 26:10

Hunai deaungkho y kai ly mymy pei nai theung i amti amjang athai chaluchi ai vai, katalam bo,’ nanai thui ai nai tla. Naibaly takhu ly Areng i mo y khai iy chiu ai nai tla.

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.