Levi 2:10 - Khumi Common Language Bible

¹⁰ Tako talam nai kamlai ly pathyp pi nai keungchi i vui ne; huni tako ly Areng teng y talam chum nai tako ne nai deaungkho y, khri pa-rei chai nai ne.

Levi 2:10 Iomraidhean Croise

2 NENG SATANG 31:14

Levi theaung Imanah i chapo, nisi katheu pa-kho typ nai keung Kore ly pei talam nai vawnsaichi kry nai hawi paji nai keung ne.

EZARA 2:63

Juda samrang i bangtang kalen my nichi teng y, nangchi ly Urim hawi Thummim ai teaung pajau nai pathyp pi nai keung by y ryrei ly Tameuh teng y talam nai teicha teineichi cho u moh, nanai thui pi bo.

Ezekiela 44:29

Pathyp pi nai keungchi ly teicha teinei katalamra, kamngo alaw nai kapathypra hawi sa tamang nai kapathyprachi cha ai nai nga u ai. Huni bo y py nichi ly Israela pri y kai i vui khai takhra nai ngiereichi nga u ai.

Ezekiela 46:20

hini meingtym ly pathyp pi nai keungchi i kamngo ahui nai kapathypra, ti y baly sa tamang nai kamngo ahui nai kapathypra talam ai nai mawi byh naira, tako dei katalamra paawp nai meingtym ne. Hunai deaungkho y khumichi teng ka-jeira tym y ai nai, katalamra kachai ngiereichi ai, apai angam mang i ly-um y patheu ai nai avo y,” napi.

Levi 10:12

Mosi ly Aron hawi ni teng y vai awm nai chapo Eleaza hawi Ithama nini teng y, “Areng teng y apathyp nai teicha teinei katalamra theung i kamlai tako dei hawi, angbo abawi y nai tako sa iy, maicham sahawi y cho u. Ati mana nai mo na baly hini kapathypra ly khri pa-rei chai nai ne.

Levi 14:13

Ni ly kamngo pajengra lawi nai katalamra tawnbawi hawi, leng patlum nai katalamra tawnbawichi tleh reng nai meingtym kachaira y beram tleh ai nai tla. Kamngo pajengra lawi nai katalamra tawnbawi ly kamngo pahen nai katalamra tawnbawi kamta, pathyp pi nai keung i vui ne. Huni tawnbawi ly khri pa-rei chai nai ne.

Levi 2:3

Teicha teinei talam nai kamlai ly pathyp pi nai keungchi i vui ne; huni teicha teinei ly Areng teng y talam chum nai teicha teinei ne nai deaungkho y khri pa-rei chai i, pathyp pi nai keungchi naini cha pajau khyh nai ne.

Levi 21:22

Huna nai pathyp pi nai keung ly kai teng y talam nai kapathypra kachai mo py, chai keh nai kapathypra mo py cha pajau nai ne;

Levi 5:13

Hina nai kamta pathyp pi nai keung ly huni khumi i vui kamngo pahen nai kapathypra talam pi nai deaungkho y, ni ly kamngo lawira nga ai. Teicha teinei talam nai kamta, tako dei kamlai ly pathyp pi nai keung i vui ne.

Levi 6:16

Tako dei kamlai ly pathyp pi nai keungchi cha ai nai ne. Pathyp pi nai keung ly tako deira y angbo tabawi y naimy tako paawp iy, Areng i awmra Tabynako apai theung i meingtym kachaira y cha ai nai tla. Areng my huni tako dei ly teicha teinei katalamra theung i pathyp pi nai keungchi ai pei nai phy ne. Huni teicha teinei katalamra ly kamngo pahen nai hawi kamngo pajeng nai katalamra kamta chai parai nai ne.

Levi 6:23

Pathyp pi nai keung i talam nai teicha teinei ly ami py cho ngau y, leng patlum be ai nai tla.

Levi 7:7

Kamngo pahen nai katalamra hawi, kamngo pajengra lawi hai nai katalamra, hini amjy nyhrei i vui reita khai pi naira y, talam nai pathyp pi nai keung ly tawnbawi mawi cha ai nga nai ne.

Kati Nai 18:9

Maicham tleaung y leng patlum nai katalamra ny y nai talam patyp naichi theung i, nang i vui talam naichi ly teicha teinei katalamra, kamngo pahen nai katalamra hawi kamngo pajengra i lawi nai katalamrachi ne. Kai teng y talam nai katalamra bawibawichi ly nang hawi nang i chapochi i vui ne.

1 SAMUELA 2:28

Kai ly Israela cheng theaung bawibawichi theung i, ni i yhm dengtheungchi ai kai i maichamra y apathyp nai, rimui patawi nai, kai i kangai pany ai nai Ephod amchiu nai kalopchi sa ai nai, kai i pathyp pi nai keung kalop sa ai nai kaimy vawi yb nai ne. Huni bo y maicham y leng patlum nai kapathyp mawichira i phy nga ai avo nai py, nichi ai kaimy vui pi bo.