Levi 19:34 - Khumi Common Language Bible

³⁴ Nichi ai amy cheng tengtawi kamta palawn iy, amy ai atamen nai kamta, nichi ai py tamen teang ai nai tla. Nangchi py Aikupta pri y cheng takhrachi kamta lawm u nai ly apany u jo ba. Kai ly nangchi i Areng Tameuh ne.

Levi 19:34 Iomraidhean Croise

SAM 146:9

Mymy ly Israela pri y awm nai cheng takhrachi ai ama hai iy, neampachy lumaichi hawi nurochochi ai sabawm; na i py khumi aso y naichi ai ly tama hai bo.

THEU NAI 22:21

“Cheng takhra ai ana ai nai tlo y; ati mana nai mo na baly nangchi py Aikupta pri y cheng takhra kamta awm reng nai deaungkho y ne.

Ezekiela 47:22

Huni khu ka-peang ly nangchi amtym u jojo ai nai khaileaung meingtym ne. Hunira y nangchi hawi vanrei awm iy cho chanauchi awm nai cheng takhra khumichi py, nangchi khaileaung meingtym amji u nai khala phy nga u ai. Nichi ai Israela cheng kacheng kamta palawn iy Israela chengchi hawi vanrei, khaileaung meingtym phy nga hai ai nai tla.

Levi 19:18

Ami ai vawitheung tha moh, paleung ka-e khai moh. Nangmy ai atamen nai kamta saleaung deaungpa ai py tamen ai nai tla. Kai ly Areng ne.

Levi 19:3

Khumi luteng amhm ampo ai tahm khai ai nai tla. Kaimy leu kang pei nai kamta, Anawn kani y ja ai nai tla. Kai ly nangchi i Areng Tameuh ne.

Kati Nai 10:32

Nang ly kaichi hawi vanrei abang baly, Areng my kaichi ai amtheaung hai nai bawibawi ly nang py nga teang ai mang,” napi.

MATTHAI 5:43

“Nang i saleaungchi ai tamen ly, nang i paleung ka-echi ai niu ngai moh,’ napi nanai nangchi thai bo.

Leu Thui Nai 10:19

Hunai deaungkho y cheng takhrachi ai tamen u, ati mana nai mo na baly nangchi py, vaichi khala Aikupta pri y cheng takhra kamta awm u vai nai deaungkho y ne.

Leu Thui Nai 23:7

“Edom chengchi ly nangchi i amjy ne nai deaungkho y, nichi ai niu ngai y nai awm u moh. Aikupta khumichi ai py niu ngai y nai awm u moh. Nangchi ly vaichi khala nichi i pri y awm u vai nai ne.

Leu Thui Nai 23:8

Nichi i kangpreangchi ly mo mang deung thom dengdairei, Areng i khumichi theung y tabawi pajau.

RUTHI 2:10

Ruthi ly khaileaung y abi vi na pa-rei lu meung naimy Boaza teng y, “Nang ly ati mana nai kai ka-tawm cheng takhra khumi ai hina tanrei dawn patyp iy pahen na mo?” napi.