Levi 18:5 - Khumi Common Language Bible

⁵ Kai i reita hawi leu pei naichi phai patawm u; hunaibaly nangchi ly hengra nga u ai. Kai ly Areng ne,” napi.

Levi 18:5 Iomraidhean Croise

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

THEU NAI 6:2

Tameuh my Mosi teng y, “Kai ly Areng ne.

THEU NAI 6:29

“Kai ly Areng ne, kai i leu pei nai ngiereichi samrang teng y thui pi,” napi.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

Ezekiela 18:9

Ni ly leu pei naichi tangai iy kai i Reita leu pei naichi py hawihai palai sa patawm. Huni khumi ly khumi kahawi ne nai deaungkho y heng ai, nanai sa thai naira angym nai Areng my leu pei nai ne.

Ezekiela 20:11

Kai i leu pei naichi tangai hai iy kai i Reitachi patiu pi. Hunichi ai sa patawm nai khumichi ly heng ai.

Ezekiela 20:13

Na i py nichi ly daichi ka-vym y my kai ai amtang u nai ne. Kai i leu pei nai tangai nai ngiereichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Hunai deaungkho y kai ly nichi ai daichi ka-vym y, kai i kado katheu pajeng naira avum hai iy tamyh pawn ai nai adawn vai nai ne.

Ezekiela 20:21

“Na i py huni khumi kangpreangchi py kai ai amtang u nai ne. Kai i leu pei nai tangai nai ngireichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Nichi ai daichi ka-vym y dei hai ai nai, kai ly kaimy i kado theu naira nichi i tlang tleaung y tym hai iy, pajeng naira avum hai ai, nanai kadawn bo.

Levi 18:6

Areng ly hina nai kamta leu pei nai ne. Nangchi ly nangmychi i amjo amnau kasa nai hawi ta-pui ta-chi apho moh.

MALAKHI 3:6

“Kai ly Areng ne nai deaungkho y takhra vai y; hunai deaungkho y Jakob i katu chanauchi lawm nai nangchi ly pipi sum y leang rai.

MATTHAI 19:17

Naibaly mymy ly ni teng y, “Atiti kahawi leu ly ati mana nai kai ai deng mo? Kahawi napi nai ly leaungrei awm khyh; ati py ne sy nang ly heng naira y kun ai nai ngai baly leu pei naichi patawm,” napi.

LUKA 10:28

Naibaly ni my ly mymy teng y, “Nang i pathang nai teng parai mang: huna nai sa baly nang heng ai,” napi.

ROM AVANGCHI TENG Y PAWLA I CHA PA NAI 10:5

Mosi my ly, “reita i hawi naira patawm nai keung ly huni deaungkho y heng ai,” nanai tajiu bo.

ROM AVANGCHI TENG Y PAWLA I CHA PA NAI 7:10

Naibaly heng ai nai leu pei nai kypkyp ly kaimy i vui dei naira lawn bo, nanai kapany bo;

KALATIA 3:12

Reita ly ym naira i nai ny y leang, na i py, “Hunai kamta sa nai keung ly hunira y ly heng ai,” nanai ne.”

Leu Thui Nai 30:20

Nangchi i amsi pajo Abraham, Isaka hawi Jakobchi teng adeu nai pri y, nangchi hawi nangchi i kangpreangchi kra parai naimy heng thai ai nai nangchi i Areng Tameuh ai tamen u, mymy i leu phai tangai u ly mymy ai phai chiu u,” nanai leu pei bo.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

Leu Thui Nai 4:1

Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.