Levi 17:5 - Khumi Common Language Bible

⁵ Hini reita i pany hai ai ngai nai ly vaichi khala Israela chengchi ly tawnbawichi ai daichi mang y tleh nai ne i py, vai ly Areng i mo y tleh hai nai ne. Nichi ly tawnbawichi ai Tabynako katheu pa-khora pathyp pi nai keung teng y syn pi iy, leunghawi kapathypra talam ai nai tla.

Levi 17:5 Iomraidhean Croise

ATITI AWM ANGCHEI NAI 21:33

Naibaly Abraham ly Beraseba meingtym y pangli maicha keungrei ui ato i, mymy ly deungtasarei awm jojo nai Areng Tameuh ai chiu bo.

ATITI AWM ANGCHEI NAI 22:13

Abraham ly khen aki prei i, beram katai harei kabeng aleng theung taki y ave thleng nai niu. Naibaly mymy ly chei iy patiu i chapo i jeng y leng patlum nai talam bo.

ATITI AWM ANGCHEI NAI 22:2

Huna nai khala Tameuh my, “Nang i chapo leaungrei awm khyh nai, nang khrei keh nai chapo Isaka ai lo ly Moria pri y chei. Kaimy kang patei nai mawi salo y nang i chapo ai kai teng y apathyp,” napi.

ATITI AWM ANGCHEI NAI 31:54

Mymy ly tawnbawi harei tleh iy mawi salo y apathyp nai talam, naibaly mymy i khumichi ai cha ai nai palau. Cha pajau bo nabaly mawi salo y dymrei jei u.

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

1 ARENG KEH 3:2

Areng i vui Achura yhm so y rai nai deaungkho y, khumichi ly maicham tlei tleirei y apathyp u.

1 ARENG KEH 3:3

Samrang Solomon ly Areng ai tamen iy, ampo Davida i taviu nai kamta sa nai ne. Na i py tawnbawichi tleh iy maicham takhra neangneangchi ra y apathyp bo.

2 ARENG KEH 16:4

Myn y chiu nai meingtym mawi aheungchi hawi ka-khui hawi nai dengkeaung keungchi anui y Ahaz ly kapathyprachi talam iy, rimuichi patawi nai ne.

2 ARENG KEH 17:10

Mawi aheung bawibawichi ra py, ka-khui hawi nai dengkeaung keung bawibawichi anui y py, leungcheng salengchi hawi Aser tameuh nu i tamkhawnchi khai u.

2 NENG SATANG 28:4

Myn y chiu nai meingtymchira py, mawi aheungchira py, ka-khui hawi nai dengkeaung ngiereichi anui y py, Ahazi ly kapathyprachi talam iy, mui katuichi leng patlum nai ne.

THEU NAI 24:5

Naibaly ni ly Israela cheng thawndeangchi ai pacheang i, nichi ly sichi tleh iy Areng teng y leng patlum nai kapathypra, leunghawi kapathyprachi talam u nai ne.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 22:9

Nang theung i phyrei khumichi ly ka-jo pakei iy, khumi takhrachi ai padei ai nai tau u nai ne. Nang theung i phyrei khumichi ly mawi salo chiu nai meingtymra i mynchi teng y apathyp nai mawi cha u. Phyrei khumichi ly kamleaung sa naira y amo theu u nai ne.

Ezekiela 43:27

Kani saryhrei bo y pathyp pi nai keungchi ly khumichi i vui leng patlum nai kapathyprachi, amkawm nai kapathyprachi talam amteaung ai nai tla. Huna nai khala kai ly nangchi bawibawi ai kang kawn pi ai. Hini ly sa thai naira angym nai kai, Areng my pei nai leu ne,” napi.

Ezekiela 44:15

Sa thai naira angym nai Areng my, “Na i py takhra Israela chengchi my kai ai nithun thun nai khala, Zadok i kangpreang Levi khumi pathyp pi nai keungchi ly Achura yhm y kai i kalop ai, ka-ym awm parai naimy sa u jojo nai ne. Hunai deaungkho y nichi ly vai, kai i kalop sa nai khumichi lawm u ai. Kai i mo y jeu iy tawnbawichi i thau hawi thi talam u ai.

Levi 17:6

Pathyp pi nai keung my thi ai ly Tabynako katheu pa-kho sahawi i maicham makeng palyhreira y katheng prei ai nai tla. Naibaly thau ai ly leng patlum nai deaungkho y, Areng my kawn nai mui kahawi amseaung hai ai.

Leu Thui Nai 12:2

Nangchi peang nai pri mawi saleung, mawi aheung, ngam heng-yh nai dengkeaungchi anui i, huni pri khumichi my chiu nai meingtym bawibawichi taphra u pawn ai nai tla.