Levi 16:26 - Khumi Common Language Bible

²⁶ Daichi ka-vym mang y Azazel ai paryh nai keung ly mymy i ateaungchi pasiu iy tui ahiu pan chum baly, tai naira theung y kun teang ai nai tla.

Levi 16:26 Iomraidhean Croise

Levi 11:24

Nang ly hini tawnbawi veuchi ai abi lawh baly, dym mang y khrairei chai y ai, muiken ako iy pichy palawi nai ny y naimy, takhra muiken awm nai tawnbawi ngiereichi hawi, kiu hawi patiu thai nai kiu kheu palyhrei awm naichi ne. Huni tawnbawi kadei veuchi syn nai khumi ly my i ateaung baichuchi pasiu vui ai nai tla. Na i py ni ly dym mang y khrairei chai y nai my awm ai.

Levi 11:31

Huni heng nai amjychi ai py ne sy, huni kadei veu ai py ne sy, abi lawh nai khumi ly dym mang y khrairei chai y nai ne.

Levi 11:32

Dengkeaung, ateaung, mawi peih, paisiu, hunichi hawi sa nai mani mo ateaung alangchira y, huni heng nai amjy kadei veuchi tla hai lawh baly, chai y nanai dawn ai nai tla. Huna nai amso ngai nai ateaungchi ai, tui y padeung ai nai tla. Na i py huni ateaungchi ly dym mang khrairei chai y ai.

Levi 11:39

Cha ngau nai tawnbawi dei iy, huni kadei veu ai abi nai khumi ly dym mang y khrairei chai y nai ne.

Levi 11:40

Huni kadei veu ai cha nai khumi ly my i ateaung pasiu pan ai nai tla. Ni ly dym mang khrairei chai y ai. Huni kadei veu ai syn nai khumi ly my i ateaung pasiu pan ai nai tla. Na i py ni ly dym mang khrairei chai y ai.

Levi 14:8

No hawi nai khumi ly my i ateaungchi pasiu iy, mui ngiereichi avau chum baly tui ahiu ai nai tla. Naibaly ni ly reita leaungsai y chai nai deaungkho y, tai naira theung y kun teang pajau bo. Na i py mymy i tai angam mang y kani saryhrei awm ai nai tla.

Levi 15:27

Hunichi ai abi nai khumi ly chai y nai deaungkho y, my i ateaungchi pasiu iy tui ahiu pan ai nai tla; ni ly dym mang y khrairei chai y ai.

Levi 16:10

Azazel i vui tambe avah nai mi-i kangheng ai Areng teng y talam iy, khumichi i kamngo pho pi ai nai, daichi ka-vym mang y patlaw ai nai tla.

Levi 16:25

Ni ly maicham tleaung y kamngo pahen nai kapathypra tawnbawi thau leng patlum ai nai tla.

Levi 16:28

Hunichi ai patawi nai khumi ly mymy i ateaungchi pasiu iy, tui ahiu pan nai bo y tai naira theung y kun teang ai nai tla.

Levi 16:8

Hunira y ni ly lengseaung nyhrei syn iy harei nai ly “Areng i vui” nanai hawi, harei nai ly “Azazel i vui” nanai ka-ma-ra sa iy, mi-i nyhrei ai tambe va ai nai tla.

Kati Nai 19:21

Nangchi ly hini reita ai vai mo mang py teaung patawm jo ai nai tla. Kachai sa nai tui katheng nai khumi py, mymy i ateaungchi pasiu ai nai tla; huni tui ai nam nai khumi ly dym mang y khrairei chai y ai.

HEBRAI 7:19

(Reita ly ati sai py angym hai y leang:) naibaly athang khai naira hawi kyh nai ai tym hai lawh nai ne, huni i saho y achi ly Tameuh teng y kasa jojo.