Levi 14:8 - Khumi Common Language Bible

⁸ No hawi nai khumi ly my i ateaungchi pasiu iy, mui ngiereichi avau chum baly tui ahiu ai nai tla. Naibaly ni ly reita leaungsai y chai nai deaungkho y, tai naira theung y kun teang pajau bo. Na i py mymy i tai angam mang y kani saryhrei awm ai nai tla.

Levi 14:8 Iomraidhean Croise

2 NENG SATANG 26:21

Samrang Uzia ly huna khala i ka-so dei pa-rei, huni keaungsi molam Reita leaungsai deaungkho y chai y nai khumi lawm bo. Ni ly huni bo baly Achura yhm theung y kun ai nai ngo ali bi y leang bo. Mymy ly chapo Jotham ai my i kalopchi au. Chapo my pri peang nai thym khala, ni ly mymy i yhm y awm bo.

THEU NAI 19:10

Areng my Mosi teng y, “Khumi mipuichi teng y Areng ai chiu ai nai molam angveirym ai nai vaini hawi khawndam ly amymy ai apalum apachai ai nai thui pi. Nichi ly mymychi i ateaungchi pasiu iy,

THEU NAI 19:14

Naibaly Mosi ly mawi i nai satla kathiu iy khumichi teng y Areng ai chiu ai nai angveirym hai bo. Naibaly nichi ly ateaungchi pasiu u nai ne.

Levi 14:20

teicha teinei katalamra hawi vanrei, maicham tleaung y leng patlum ai nai tla. Huna nai kamta pathyp pi nai keung my kachai sa chum baly, no hawi nai khumi ly reita y chai naira nga ai.

Levi 14:9

Saryhrei kani y ni ly sam py, labeaung mui py, mei akhym mui py, tlang tleaung i mui ngierei py vau pyn bi iy, ateaungchi pasiu pyn chum baly tui ahiu pan ai nai tla; naibaly ni ly reita leaungsai y chai ai.

Levi 15:13

Huni khumi ly ang vawi man nai hawi nai bo y, kani saryhrei ajeng ai nai tla; huni bo y ateaungchi pasiu iy tui kachai hawi ahiu pan ai nai tla; naibaly ni ly reita y chai naira nga bo.

Levi 8:6

Naibaly Mosi ly mymy i leu pei nai kamta, Aron hawi ni i chapochi ai mo mang y chei hai iy, tui hawi apachai hai bo.

Kati Nai 6:9

Nazari kamkawm khumi leaungrei i sahawi y athang khai y naimy, khumi leaungrei dei vui lawh baly, ni i aau patyp nai sam ly chai y nai lawm vui ai. Huna nai lawm vui lawh baly kani saryhrei ajeng iy, sam hawi labeaung mui avau ai nai tla. Naibaly ni ly reita leaungsai y chai ai.

Kati Nai 8:7

hina nai kamta kachai so pi. Kachai sa ai nai molam nichi i tlang tleaung y tui katheng, mychi i tlang verei muichi avau iy ateaungchi py pasiu u pyn sy. Naibaly nichi ly reita y chai u ai.

Leu Thui Nai 21:12

Huni neampachy ai nangmy i yhm y hawi iy, sam vau hai ly kiu pachynchi py takip hai ai nai tla.

I PETERA 3:21

huni atawm hai nai baptisma ly Isu Krista i angthau bi nai deaungkho y vai ly nangchi ai paheng nai ne: huni ly tlang i anyng pachai nai ny y naimy, hawi nai hawi y nai pany naira kachai nga ai nai, Tameuh i mo y ahui nai ne lawh veng;

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.