Levi 14:7 - Khumi Common Language Bible

⁷ Naibaly ni ly nganpeih no hawi chum nai khumi ai thi hawi tlen saryhrei katheng iy, chai bo, nanai thai hai ai nai tla. Tavo kangheng ai ly daichi mang y patleaung hai ai nai tla.

Levi 14:7 Iomraidhean Croise

2 ARENG KEH 5:10

Elisa my ni teng y, “Nang ly Jordan tavo y tui tlen saryhrei ahiu baly, nang i keaungsi ly chai pyn ryp ai mang,” nanai miseaung ai pato iy thui hai bo.

2 ARENG KEH 5:14

Hunaibaly Neaman ly Jordan tavo y satla i, Elisa my thui pi nai kamta, tui tlen saryhrei miu nai khala ly roka hawi pyn nai ne. Ni i ngan tlang ly deaungdi i ngan tlang kamta lawm bo.

SAM 51:2

Kai i hawi y nai chai pyn pa-rei paju pachai pi! kai ai kamngora i nai chai hai kyh ba!

SAM 51:7

Kai i kamngo nawi su pi veng ba; hunaibaly kai ly chai ai. Kai ai paju pachai pi kyh ba; hunaibaly kai ly ji tleaung y kaleung ai.

ISAIA 52:15

Na i py vai, ni ly khumi cheng cheaungkhangchi ai chai hai ai. Samrangchi py mynkym u ai. Nichi ly mana khala py pany vai y nai hawi thai vai y naichi niu iy, pany u thai ai,” napi.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

Levi 13:13

pathyp pi nai keung my huni khumi ai, khen taleang bi ai nai tla. Ni i ang vawi ly tlang verei kawibiu nai niu baly, pathyp pi nai keung my nang ly reita y chai bo napi ai nai tla. Ni ly tlang verei kaleungbiu na baly reita y chai nai ne.

Levi 13:17

Nimy nang ai cham teang bi ai nai ne. Huni ang vawi ly kangleung mang y amtlau ali baly nang ly reita y chai naira nga bo, nanai pathyp pi nai keung my ang thai hai ai.

Levi 14:51

Naibaly saitleang keung, hussop kateang, kalang kamleng hawi vanrei tavo kangheng ai kadeng yb nai tavo thira y panih iy yhm ai tlen saryhrei katheng ai nai tla.

Levi 16:14

Ni ly si katai thi maidenrei la iy kiu pajeung hawi Leu Maikawm Pawm khymra y katheng ai nai tla; Leu Maikawm Pawm mo y py tlen saryhrei katheng ai nai tla.

Levi 16:19

Maicham salo y py kiupajeung hawi thi tlen saryhrei katheng ai nai tla. Hina nai kamta ni ly Israela khumichi kamngo nai molam maicham ai pachai chum baly, kachai sa ai nai tla.

Levi 16:22

Hina nai kamta mi-i ly khumi angso by y nai mang y, khumichi i kamngo ngiereichi pho pi ai.

Levi 4:17

ni i kiu pajeung hawi thi y tapo iy, huni thi ai kanih ali hang nai mo y tlen saryhrei katheng ai nai tla.

Levi 4:6

Ni i kiu pajeung ai thira tapo iy, huni thi ly kanih ali hang nai mo y tlen saryhrei katheng ai nai tla.

Levi 8:11

Naibaly Mosi ly asitui maidanrei la iy, maicham hawi huni i ateaung alangchi ai py, rahum hawi huni i panuira kheu ai py, tlen saryhrei katheung iy Areng teng y talam patyp bo.

MIKHA 7:19

Nang ly kaichi ai pahen pi bi ai. Nang ly kaichi i kamngochi ai chiu piupa iy, pangli theung y aphi pi vui ai!

Kati Nai 19:12

Nichi ly pa-thom kani hawi saryh kani khala, tui hawi kachai sa ai nai amymy ai apachai ai nai tla. Naibaly ni ly chai ai mang. Na i py ni ly pa-thom kani hawi saryh kani y apachai y baly, ni ly chai ai ny y.

JOHAN 19:34

Ne mang ly tavaimichi theung y leaungrei ly ni i pana y tivi hawi thun i, thi hawi tui theu praw ryp.

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

HEBRAI 12:24

Isu, leu maikawm kangtha i savai teng y hawi, Abela i thi tleaung y satang hawi keh nai thui nai ahei nai thi teng y py tym u nai ne.

HEBRAI 9:13

Mi-i hawi si kataichi i thi hawi, si beaungjeaung dym y malawn py khumi chai y naichi i tlang tleaung y katheng iy tlang chai pa-rei pachai pajau makho baly,

HEBRAI 9:19

Mosi my ly Reita kamta leu pei nai ngierei ly khumi bawibawichi teng y thui pi nai bo y,

HEBRAI 9:21

Huni harei khyh ny y naimy ni ly achura yhm hawi chiu ai nai atiti teaung nairachi bawibawi y hunai kamta thi katheng teang.

HEBRAI 9:26

hunai ne mo khyly mymy ly khaileaung palum angchei kha i ka-so tlen majirei mo patang ai nai tla lawh veng; na i py vai dymkhawn i neng tem naira y ly amymy ai apathyp nai deaungkho y kamngo tama hai vui ai nai tlenrei my ni ai amteng hai bo.

I PETERA 1:2

Bithunia pri y py ahei nai, leu tangai ai nai hawi Isu Krista i thi hei nai nga ai nai Phailo i khai takhra nai hawi, Ampo Tameuh i pany rym nai kamta vawi naichi teng y ly; Nangchi i tlang tleaung y pahenra hawi awmnem naira py peung hai dudu nai tym sy.

I JOHAN 5:6

Tui hawi thi hawi ang jeu nai ly hini Isu Krista ne he; tui hawi harei khyh ny y leang, tui hawi thi hawi py ne.