Levi 13:45 - Khumi Common Language Bible

⁴⁵ Ka-jei awm nai nganpeih no man nai khumi ly baichu kamawn amchiu ai nai tla, sam py aseu y naimy khai ai nai tla; meimai ka-hyhrei amym iy, “Kai ly chai y, chai y!” nanai aeu ai nai tla.

Levi 13:45 Iomraidhean Croise

ATITI AWM ANGCHEI NAI 37:29

Ruben ly tuikan theung y khen ali teang i, Josepha by y vui nai y paleung si nai mymy i baichu sei vui na bo.

2 SAMUELA 13:19

Tamar ly my i lu y maidym aphui i, ateaung py sei iy meimai y kiu hawi atamym naimy, vo nai tarawi y theu jo bo.

2 ARENG KEH 7:3

Keaungsi man nai khumi leaung palyhreichi ly Samari mary apai pa-kho angam mang y ateh iy, “Achi ly dei ai nai pa-rei, ati mana nai hini meingtym y ajeng jojo ai mo?

JOBA 1:20

Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 51:3

Kai ly kaimy i tamang naichi ahui bo; kaimy i kamngochi py kapany jo nai ne.

SAM 51:5

Kai ly tapen khyp khala i dengdairei hawi y nai ne; amhm taku theung y deaungdi aneng khyp khala i my, kamngo awm bo.

ISAIA 52:11

Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi ai kiu hawi py, abi u dei moh. Nangmychi ai apachai iy, mary i nai theu u.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

JEREMIA 3:25

kaichi ly kangjira y jawn tlawntlai nai y, tahm anem ai nai avo. Kaichi ly deaungdichy khala i ka-so vaini khrairei, kaichi hawi amsi pajochi ly achi i Areng Tameuh i tlang tleaung y kamngo kasa u. Mymy i leu py tangai u y bo,” napi.

JEREMIA 36:24

Na i py cha aeangra abawi nai leu sai bawibawichi thai nai samrang py, bangtangchi py jei hyn y, uikheih nai ka-ma-ra py patei u y.

TANGAM NAI LEU 4:15

Khumi mipuichi my, “leh u pawn! Nangchi ly chainem y, kaichi ai abi u moh, nanai aeu u. Hunai deaungkho y nichi ly mychi ai sabawm nai keung by y i, pri harei i nai pri harei mang y ajau u joja nai ne.

Ezekiela 24:17

Nang i vo sang-eng nai katyn khumichi thai moh sy; paleung si nai meimai amteng nai lupeu ajeng y nai hawi, phainai amchiu y naimy tako moh. Nang i meimai tamym moh. Paleungsi paleung mawn nai khumichi cha nai teicha teinei py cho moh,” napi.

Ezekiela 24:22

Huna nai khala nangchi ly kai i sa nai kamta sa u ai. Nangmychi i meimaichi py atamym u ai ny y. Paleungsi paleung mawn nai khumichi ly teicha teinei cha u ai ny y.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

Levi 10:6

Naibaly Mosi my Aron hawi ni i chapo Eleaza, Ithama nini teng y, “Nangni ly paleung si nai sai patei ai nai molam y sam aseu y nai awm moh, nangchi i baichuchi py sei u moh. Leu pei nai kamta so y lawh baly dei u ai; Areng my py Israela chengchi tlang tleaung y kado thau hai ai. Na i py nangni i amjo amnau Israela chengchi ai ly Areng teng i mai tla hai iy, dei nai khumi i vui paleung si nai sai patei pajau.

Levi 13:44

pathyp pi nai keung my ni ai chai y napi ai nai tla. Ati mana nai mo na baly ni i lu tleaung y man nai ly, ka-jei awm nai nganpeih no ang vawi ne lawh nai deaungkho y ne.

Levi 21:10

“Pathyp pi nai keung kalen keh ly lu tleaung y asitui leih iy tahm palyn nai hawi pathyp pi nai keung ateaungchi amthyp nai keung ne nai deaungkho y, paleung si nai sai sam aseu y naimy awm moh; amy i baichuchi py sei moh.

MIKHA 3:7

Mo mang i satang thui nai khumichi ly thui nai leu teng y nai deaungkho y, kangji nga u ai. Nichi ly Tameuh teng i thui nai leu ngo y nai y, tahm anem u ai.

Kati Nai 5:2

“Israela chengchi theung y ka-jei awm nai nganpeih no man nai, ti y baly ang vawi hawi y nai man nai, khumi kadei ai abi nai deaungkho y chai y nai khumichi ai ly tai naira angam mang y patheu vui ai nai thui pi.

LUKA 17:12

Naibaly mani avang y mo kun ai nai khala y keaungsi awm nai cheichei khumi leaung horei mymy hawi avum u i, kamlora y angdo iy athorei my,

LUKA 5:8

Naibaly Simon Petera ly huna nai niu baly Isu i kheukhu ahawi y ambeu iy, “Areng, kai ai khai su ba, kai ly khumi kamngo he,” napi.