Levi 11:44 - Khumi Common Language Bible

⁴⁴ Kai ly nangchi i Areng Tameuh ne; kai ly kachai ne i, nangchi py chai ai nai tla.

Levi 11:44 Iomraidhean Croise

SAM 99:5

Achi i Areng Tameuh ai ly palo u; mymy i areng atehra mo y lu meung iy chiu u! mymy ly chai parai nai ne.!

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

THEU NAI 16:12

“Kai ly Israela chengchi i josei nai kathai bo. Nichi ly dym mang y mawi cha u ai; khawndam mang y ly nichi i ngai nai ryrei tako cha ai nai nga u ai; huna nai khala Kai, Areng ly nichi i Tameuh ne, nanai pany u ai tapi,” napi.

THEU NAI 19:10

Areng my Mosi teng y, “Khumi mipuichi teng y Areng ai chiu ai nai molam angveirym ai nai vaini hawi khawndam ly amymy ai apalum apachai ai nai thui pi. Nichi ly mymychi i ateaungchi pasiu iy,

THEU NAI 19:6

Nangchi ly kai i vui khai takhra nai khumi cheng, kai i kalop sa pi ai nai pathyp pi nai keungchi lawm u ai, nanai Israela chengchi teng y thui pi,” napi.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

THEU NAI 22:30

Nang i tawnbawi cho chalu katai hawi beram cho katai chalu py kai teng y talam ai nai tla. Kani saryhrei ly amhm hawi khai iy tajarei kani y ly kai teng y talam ai nai tla.

THEU NAI 22:31

“Nangchi ly kai i chengchi ne; nangchi ly kasui takaichi my kei nai amso tawnbawi mawi ly cho u moh. Uichi ai phai pacho u.

THEU NAI 23:25

Nangchi ly nangchi i Tameuh, kai Areng ai chiu khyh baly, kai ly nangchi ai teicha teinei amtheaung hai iy noso aho hai ai.

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

ISAIA 43:3

Ati mana nai mo nabaly, kai ly Israela chengchi i chai parai nai Tameuh, nangchi ai atleu nai keung, nangchi i Areng Tameuh ne nai deaungkho y ne. Kai ly nangchi miseaungra i nai alaw naira nga u ai nai Aikupta pri khai su ai. Ethiopia pri hawi Seba pri ai, kaimy khai su ai.

ISAIA 51:15

“Kai ly nangchi i Areng Tameuh ne. Pangli tui ai kaimy lilu iy, tui sampyh kamsauchi lawm hai ai. Kai i amyn ly ati cheaungkhang sa thai nai Areng ne na a!

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

Levi 11:43

Huni heng nai amjychi ai cha iy nangmychi ai chai y ai nai so moh.

Levi 18:2

Israela chengchi i vui leu pei nai ly “Kai ly nangchi i Areng Tameuh ne.

Levi 19:10

Kreip akhora i athai jaw be y nai athaichi ai py, jaw nai khala akhui bawi y nai athaichi ai py, pakym ali teang moh. Huni athaichi ly khumi kamawnchi hawi cheng takhrachi i vui pahai pi ai nai tla. Kai ly nangchi i Areng Tameuh ne.

Levi 19:2

Israela khumi mipuichi i vui leu pei nai ly “Nangchi i Tameuh, kai Areng ly kachai ne nai deaungkho y, nangchi ly chai ai nai tla.

Levi 19:3

Khumi luteng amhm ampo ai tahm khai ai nai tla. Kaimy leu kang pei nai kamta, Anawn kani y ja ai nai tla. Kai ly nangchi i Areng Tameuh ne.

Levi 19:4

“Kai ai khai su iy mynchi ai chiu moh. Tamo ngan hawi sa nai myn ai chiu moh. Kai ly nangchi i Areng Tameuh ne.

Levi 20:26

Kai ly Areng ne iy chai nai deaungkho y nangchi py chai ai nai tla. Nangchi ly kaimy vawi nai kai i khumichi ne. Kai naini nangchi ai kang peang ai nai, nangchi ai khumi cheng cheaungkhangchi theung i nai kaimy vawi takhra nai bo.

Levi 20:7

Kai ly nangchi i Areng ne nai deaungkho y, nangchi ly chai u ai nai tla.

Levi 21:8

Ni ly kai teng y teicha teinei kapathyprachi talam pi nai keung ne nai deaungkho y, khumichi ly ni ai khumi kachai, nanai palawn ai nai tla. Kai ly Areng ne. Kai ly kachai ne i, kaimy i khumichi ai py chai hai nai ne.

AMOS 3:3

Khumi leaung nyhrei ly adeu yb y naimy, khuleaung vanrei chei hawi thai na a?

Kati Nai 15:40

Kai i leu pei nai ngiereichi teaung patawm ai nai hini thaiphelawmchi my nangchi ai pany hai nai deaungkho y, nangchi ly kai i khumichi lawm u ai.

MATTHAI 5:48

Cheng Takhrachi py hunai kamta so teang y a? Hunaibaly Ngampo kani pri mang y awm nai i hawi angym nai kamta ly hawi angym nai awm u ai nai tla.

Leu Thui Nai 14:2

Areng ly khaileaung pri khumi cheng bawibawichi theung i, nangchi ai mymy i khumi palawn ai nai vawi takhra nai deaungkho y, nangchi ai nangchi i Areng Tameuh my peang nai ne.

I THESALONIKA 4:7

Tameuh my ly chai y naira y awm ai nai achi ai ang palau y leang, chai naira y awm ai nai ang palau nai teu.

JOSUA 24:19

Huna nai khala Josua my khumichi teng y, “Nangchi ly Areng ai chiu vam ai ny y. Mymy ly chai parai nai Tameuh ne i, nangchi i kamngo pahen pi ai ny y; mymy ly takhosi parai nai ne.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

AMTENG HAI NAI 22:11

Hawi y sa nai khumi ly hawi y nai so palai sy: chai y nai khumi ly chai y nai awm palai sy: khumi kahawi ly atiti kahawi so rai sy: khumi kachai ly chai nai awm rai sy.

1 SAMUELA 2:2

Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.

1 SAMUELA 6:20

Hunai deaungkho y Beth Sheme mary i khumichi my, “Chai parai nai Tameuh napi nai Areng i mo y ami kham pajau ai mo? Achi hawi palo pa-rei, mymy ai mani mang y tha vui ai mo?,” nanai thui u bo.