Levi 11:13 - Khumi Common Language Bible

^13-19 Nangchi ly hini tavo amjychi py cho u moh; ahmtlauchi, tengtumchi, beaungkuchi, amhm puichi, langnachi, o-achi, tavo kula-iuchi, zenjawchi, obeaungchi, obeaung asangchi, tuisakreuchi, tuilymchi, uithawchi, phanglauchi ne;

Levi 11:13 Iomraidhean Croise

JOBA 28:7

Vang kateng theu nai angawmchira y chei nai lamchi ly mani amhmtlau py niu y; huni lamchi salo mang ly mani mo langna py akheang y.

JOBA 38:41

O-achi ly teicha alam naimy akheang nai khala, nichi i chochi ly kai teng y hang naimy teicha hnei u nai khala, nichi ai pacho panei nai keung ly ami mo?

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

JEREMIA 48:40

Pakhichi kadai nai ahmtlau kamta, paleung ka-echi ly Moba pri tlang tleaung y ni kathiu ai, nanai Areng my leu pei yb bo.

TANGAM NAI LEU 4:19

Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u. Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.

HOSEA 8:1

Areng my, “Baw eng iy pany hai ba! Paleung ka-echi ly ahmtlau kamta, kai i pri y ang nih u bo! Kai i khumichi ly kai hawi asa nai Leu Maikawm ai taphra iy, kai i khumichi ly kai hawi reita ai khai u su bo.

Levi 11:11

Huni heng nai amjychi ly chai y, nanai dawn ai tla. Huni amjychi cho u moh; kadei veu ai malawn py abi u moh.

Levi 11:12

Kachyh hawi alih py by y nai tui theung i heng nai amjy ngiereichi cho u moh.

HABAKKUK 1:8

“Nichi i keaungngochi ly takaikheng tleaung y rang iy, teicha alam nai kasui tleaung y malawn py jei ai nai hawi. Keaungngo atang nai risachi ly keaungngochi ai kamlo mang dengdairei, athorei my ang jeu hai bo. Nichi i keaungngochi ly khaileaung y muiken hawi kaseu u bo. Nichi ly teicha ni nai ahmtlau kamta, athorei my ang jeu u nai ne.

ZEKHARIAH 5:9

Kai ly khen angdeang nai khala, obeaung asang i pakhi kamta len pui nai pakhichi hawi, kai teng y akheang nai neampachy leaung nyhrei ai kaniu. Nini ly takhu kateang iy, kamlo mang y akheang hawi bo.

MATTHAI 24:28

Ma mang y py mawi veu awm naira ngierei y langnachi py tym achu ai.

TITA 3:3

Ati mana nai mo nabaly achi py jangni y ly cheng y nai hawi, leu tangai y nai hawi, tapawp naira y awm nai hawi, tlang i ngai phi teng y naira hawi amo theu naira takhra takhra i miseaung y lawn nai hawi, thui tamawn nai hawi, paleung no naira y awm iy, amso awm nai hawi amychi tengtawi aniu ngai y naichi py ne teang.