Levi 10:3 - Khumi Common Language Bible

³ Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

Levi 10:3 Iomraidhean Croise

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

JOBA 2:10

Joba my, “Nang ly neampachy ka-khum kamta katheu lawh ly! Achi ly Tameuh teng i dengdairei, tlamsa naira nga baly, patang naira py avum ai nai tlo y a?,” napi. Joba ly hini patang naira avum teu i py, Tameuh i tlang tleaung y labeaung palai hawi malawn py tamang y nai ne.

SAM 119:120

Nang ai jei nai deaungkho y kai ly khuma phau na bo; nang i tara chih nai saichi molam y kai ly jei na bo.

SAM 148:14

Mymy ly mymy i khumichi hawi, mymy i tamen keh nai Israela chengchi teng y khri pa-rei atho awm hai nai deaungkho y, huni khumichi ly mymy ai palo u bo. Areng ai palo u!

SAM 39:10

Kai i tlang tleaung y kamngo pajeng bi moh kyh ba! Nangmy pei nai tamo kalemchi molam y, kai ly kadei vi na bo.

SAM 39:9

Nang ly kai i tlang tleaung y hina nai no patang hai nai deaungkho y, kai ly kaawm pypy ai; leu sairei py katheu y leang bo.

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

SAM 93:5

Aw Areng, nang i reita leu pei naichi ly khaw jojo; nang i Achura yhm py deungtasarei kachai ne.

THEU NAI 14:17

Kai ly Aikupta chengchi ai paleung tang hai nai deaungkho y, nichi ly Israela chengchi nithun hui u kathiu ai. Kai ly samrang hawi vanrei ni i tavaimichi, keaungngo ka-richi ai eaung nai khala ly kai i nang parai nai saichi niu u ai.

THEU NAI 14:4

Kaimy samrang i paleung tang hai cheng nai deaungkho y, ni ly nangchi ai ang hui ai; naibaly samrang ly kai i eaung naira niu ai i, ni i tavaimichi py kai i nang parai nai saichi niu u ai. Huna nai khala Aikupta chengchi py, kai ly Areng ne, nanai pany u ai,” napi. Israela chengchi ly Areng my leu pei nai kamta sa u bo.

THEU NAI 19:22

Kai sahawi y ahai nai pathyp pi nai keungchi malawn py, mymychi ai apalum apachai u ai nai tla, ti y baly kai ly nichi ai pajeng ai,” napi.

THEU NAI 19:24

Areng my, “Nang ly mawi i nai satlo kathiu ly Aron ai hawi kalau; pathyp pi nai keungchi hawi mipuichi ly kai teng y jeu ai nai, jyh ka-ma-ra khai nai kan hai moh; jyh ka-ma-ra kan lawh baly nichi ai kapajeng ai,” napi.

THEU NAI 30:30

Naibaly Aron hawi ni i chapochi ai kai i kalop sa nai pathyp pi nai keungchi lawm ai nai, nichi ai rimui hawi leih iy tahm palyn pi.

ISAIA 39:8

Hini amti pi nai leu ai samrang Hezekia ly my i deung y tlamsa naira hawi chymme naira awm ai, nanai dawn lawh nai ne i, “Kai teng y nang i amti pi nai Areng i leu ly hawi nai ne,” napi.

ISAIA 49:3

Mymy ly kai ai, “Aw Israela, nang ly kai i miseaung ne; nang deaungkho y khumichi ly kai ai palo u ai,” napi.

ISAIA 52:11

Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi ai kiu hawi py, abi u dei moh. Nangmychi ai apachai iy, mary i nai theu u.

Ezekiela 20:41

Nangchi ai ahei akyhkyh nai prichira i dengdairei, kaimy nangchi ai pangym ali teang nai bo y, nangchi leng patlum nai mui katui hawi vanrei nangchi ai kang kawn pi ai. Kai ly chai parai nai ne, nanai khumi cheng cheaungkhangchi my niu u ai.

Ezekiela 28:22

Huni mary i khumichi teng y sa thai naira angym nai kai, Areng i leu pei nai amti pi. Sidon mary awi, kai ly nang i paleung ka-e ne. Nang i tlang tleaung y kai i sa nai saichi molam y, khumichi ly kai ai palo u ai. Kai ly nang i khumichi ai pajeng iy kai i chai nai sai patei nai khala, kai ly Areng ne, nanai nichi pany u ai.

Ezekiela 38:16

kai i khumi Israela chengchi ai ali kamchai kamta nang ly tavai tiu ai. Nang, Koka i neng tym nai khala, Kai i pri y tiu hai ai nai nang ai kang pato ai. Hina nai hawimy kai ly ami mo, nanai khumi cheng cheaungkhang teng pany hai ai. Nang ai kang sa hai nai leaungsaichi hawi py, kai i chai parai nai amyn amthang hai ai.

Ezekiela 40:46

Tosyh ngan mang y mo tha nai takun ly maicham i vui kalop sa nai pathyp pi nai keungchi i vui ne, nanai kai ai thui pi bo. Huni pathyp pi nai keung bawibawichi ly Zadok i kangpreang Levi khumichi ne. Nichi naini Areng i mo y kun iy, kalop sa ai nga u nai ne.

Ezekiela 42:13

Huni khumi my kai ai, “Hini yhm nyhrei ly kachai ne. Areng i mo y kun nai pathyp pi nai keungchi ly huni yhmchi theung i, chai keh nai katalamrachi cha ai nai nga. Huni takunchi ly chai nai deaungkho y, pathyp pi nai keungchi ly teicha teinei katalamra, kamngo ahui nai kapathypra hawi, sa tamang nai kapathypra napi nai khri pa-rei chai parai nai katalamrachi khai u nai ne.

Levi 21:15

Hina nai kamta so y lawh baly ni i cho chanau ly chai ai nai avo teu i py, reita y chai y naichi lawm u ai. Kai, Areng ly ni ai Pathyp pi nai Keung Kalen keh y khai takhra nai bo,” napi.

Levi 21:17

Aron teng y amti pi ai nai leu pei nai ly “Nang i kangpreangchi theung i, tleungtlang jy nai khumi ly kai teng y teicha teinei kapathyprachi talam ngau y. Hini reita leu pei nai teaung patawm jojo ai nai tla.

Levi 21:21

Aron i kangpreang theung i tleungtlang ha harei jy nai pathyp pi nai keung ly kai teng y kapathypra talam ai nai avo y.

Levi 21:6

Ni ly kachai awm ai nai tla; kai i amyn thui tamawn moh. Ni ly kai teng y teicha teinei katalamrachi talam pi nai keung ne i, chai ai nai tla.

Levi 21:8

Ni ly kai teng y teicha teinei kapathyprachi talam pi nai keung ne nai deaungkho y, khumichi ly ni ai khumi kachai, nanai palawn ai nai tla. Kai ly Areng ne. Kai ly kachai ne i, kaimy i khumichi ai py chai hai nai ne.

Levi 22:9

Pathyp pi nai keung bawibawichi ly kai i reita leu pei naichi teaung patawm ai nai tla. Huna nai so y baly nichi ly kamngo tla ai i dei u ai; ati mana nai mo nabaly nichi ly reitachi taphra nai deaungkho y ne. Kai ly Areng ne i, hunichi ai chai hai bo.

Levi 8:35

Nangchi ly Tabynako katheu pa-khora y Areng my leu pei naichi, kani saryhrei sala y vum, kanithun sa ai nai tla. Nangchi ly leu pei nai kamta so u y lawh baly, dei takengkei ai, nanai Areng my kai teng y leu pei bo,” napi.

Kati Nai 16:5

Naibaly ni ly korah hawi ka-bangchi teng y, “Khawndam khawn mang y, Areng my ami ai vawi takhra nai mo, nanai ang patei pi ai. Areng ly mymy vawi takhra nai khumi ai mymy i maicham sahawi y chei hai ai mang.

Kati Nai 20:12

Na i py Areng my Mosi hawi Aron teng y, “Nangni ly Israela chengchi i mo y, kai i sa thai naira ai ym naira di hawi lawh i, leu adeu nai pri y tym pa-rei nichi ai pahawi ai nai ngo y ai, nanai kang thui pi yb bo,” napi.

MATTHAI 10:37

Ami py mymy i amhm ai mo, ampo ai mo, kai tleaung y tamen keh lawh nai ly kai i khumi lawn ai nai ataing y leang; ami py mymy i chaniu ai mo, chapo ai mo kaimy tleaung y tamen keh lawh nai py kai i khumi lawn ai nai ataing y leang.

JOHAN 12:28

Ngaai, nangmy i amyn palo ba,” napi. Hunaibaly kani mang i dengdairei raawi theu i, “Kapalo bo, kapalo bi ai,” napi.

JOHAN 14:13

Naibaly Ampo ai ly Chapo deaungkho y palo thai ai nai, kaimy i amyn y nangchi i ati py hnei nai ngierei ly kang sa pi jojo ai.

Leu Thui Nai 32:51

Ati mana nai mo na baly nangni ly Zin daichi ka-vym i Kadesa mary sahawi Meriba tavo micheaung y tym nai thym khala, Israela chengchi i mo y kai ai tahm khai hawi y nai deaungkho y ne.

II THESALONIKA 1:10

nichi ai ly Areng hawi mymy i nang parai nai atiti sa thai naira i dengdairei deungtasarei tama ai naira khrairei patheu iy, ngari patang ai.

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?

1 SAMUELA 2:30

Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.

1 SAMUELA 3:18

Naibaly Samuela ly ati sai py takhawi y naimy, leu pei nai ngierei amti pi bo; Eli my, “Mymy ly Areng ne; mymy i ngai nai kamta so hai sy,” napi.

1 SAMUELA 6:20

Hunai deaungkho y Beth Sheme mary i khumichi my, “Chai parai nai Tameuh napi nai Areng i mo y ami kham pajau ai mo? Achi hawi palo pa-rei, mymy ai mani mang y tha vui ai mo?,” nanai thui u bo.